మాజీ సీఎం కోసం 9 హత్యలు చేయించా.. ఎమ్మెల్యే సంచలన వ్యాఖ్యలు.!

Publish Date:Oct 17, 2026

Advertisement

బీహార్ రాజకీయాలు ఎప్పుడూ అత్యంత హింసాత్మకంగా, దూకుడుగా సాగుతుంటాయి. ఈ నిజం మరోసారి రుజువవుతూ దేశవ్యాప్తంగా తీవ్ర సంచలనం సృష్టిస్తోంది. మాజీ ముఖ్యమంత్రి నితీష్ కుమార్ కోసం తాను ఏకంగా తొమ్మిది మందిని హత్య చేయించానని జేడీయూ (JDU) పార్టీకి చెందిన వివాదాస్పద ఎమ్మెల్యే ఒకరు బాహాటంగా ప్రకటించడం రాజకీయ వర్గాల్లో ప్రకంపనలు పుట్టిస్తోంది. జాతీయ మీడియాకు ఇచ్చిన ఒక ప్రత్యేక ఇంటర్వ్యూలో మోకామాకు చెందిన బాహుబలి ఎమ్మెల్యే అనంత్ సింగ్ ఈ సంచలన వ్యాఖ్యలు చేశారు. 

నితీష్ కుమార్ ముఖ్యమంత్రి కావాలని ఆశించిన కీలక తరుణంలో, ఆయనకు రాజకీయంగా అండగా నిలిచేందుకు, పార్టీ కోసం తాను అసాధారణ త్యాగాలు చేస్తూ తొమ్మిది మంది హత్యలకు కారణమయ్యానని ఆయన పేర్కొన్నారు. తన చివరి శ్వాస వరకు నితీష్ కుమార్‌ వెంటే నడుస్తానని స్పష్టం చేశారు. అయితే, ఒక బాధ్యతాయుతమైన పదవిలో ఉన్న ప్రజాప్రతినిధి బహిరంగంగా హత్యల గురించి ఇలా మాట్లాడటం సర్వత్రా దిగ్భ్రాంతిని కలిగించింది.

పాట్నా గ్రాడ్యుయేట్స్ ఎమ్మెల్సీ ఎన్నికల వేడి ఊపందుకుంటున్న తరుణంలో ఈ వ్యాఖ్యలు వెలువడటం గమనార్హం. ఈ ఎన్నికల్లో జేడీయూ అధికారిక అభ్యర్థి నీరజ్ కుమార్‌కు వ్యతిరేకంగా 'జన్ సురాజ్' పార్టీ తరఫున బరిలో నిలిచిన అనుజ్ సింగ్‌కు ఎమ్మెల్యే అనంత్ సింగ్ మద్దతు ప్రకటిస్తున్నారు. పార్టీలో అంతర్గత విభేదాలు తలెత్తిన ఈ సమయంలో, తన బలాన్ని  విధేయతను నిరూపించుకునే ప్రయత్నంలో భాగంగానే ఆయన గతం తవ్వి ఈ వ్యాఖ్యలు చేసినట్లు విశ్లేషకులు భావిస్తున్నారు. 

తన కండబల రాజకీయాలతో సుపరిచితుడైన అనంత్ సింగ్ వ్యాఖ్యలతో అధికార జనతాదళ్ (యునైటెడ్) నాయకత్వం కూడా షాక్‌కు గురైంది. నితీశ్ కుమార్‌కు ఎప్పుడూ హింసాత్మక రాజకీయాలపై సుముఖత లేదని, అనంత సింగ్ చేసిన ఈ వివాదాస్పద వ్యాఖ్యలతో తమ పార్టీకి ఎలాంటి సంబంధం లేదని జేడీయూ నాయకులు వెంటనే స్పష్టం చేశారు.

ఈ వ్యాఖ్యలు రాజకీయ వర్గాల్లో తీవ్ర దుమారం రేపడంతో, కేవలం కొన్ని గంటల వ్యవధిలోనే అనంత్ సింగ్ తన మాట మార్చడం విశేషం. తన వ్యాఖ్యలను మీడియా తప్పుగా వక్రీకరించిందని ఆరోపిస్తూ ఆయన మరో కొత్త వివరణ తెరపైకి తెచ్చారు. లాలూ ప్రసాద్ యాదవ్ పాలనా కాలంలో తన అనుచరులలో తొమ్మిది మంది హత్యకు గురయ్యారని, ఆ సమయంలో తనపై కూడా ప్రత్యర్థులు హత్యాప్రయత్నం చేశారని ఆయన వివరించారు. 

మరోవైపు, ఈ వివాదాన్ని ప్రతిపక్ష రాష్ట్రీయ జనతాదళ్ (ఆర్జేడీ) తీవ్రంగా ఆసరాగా చేసుకుంది. నితీశ్ కుమార్ నేర చరిత్ర కలిగిన వ్యక్తులతో చేతులు కలిపారని, తొమ్మిది మందిని హత్య చేయించానని ఒప్పుకోవడం రాజకీయ హత్యలకు బహిరంగ అంగీకారమేనని ఆర్జేడీ నేతలు మండిపడ్డారు. ప్రస్తుతం ఈ పరిణామాలతో బీహార్‌ రాజకీయాల్లో అధికార, ప్రతిపక్షాల మధ్య మాటల యుద్ధం తారస్థాయికి చేరింది.

 

 

[ JDU MLA  Anant Singh, Nitish Kumar, JDU MLA, Bihar politics, Anant Singh controversy, Mokama MLA, Former cm Nitish Kumar, Bihar Politics, Tejashwi Yadav, RJD, CM Samrat Choudhary, Prashant Kishor, Jan Suraaj Party, Telugu One, Telugu news ]

By
en-us Political News

  
 పెట్టుబడులు, పరిశ్రమల స్థాపనలో నెలకొన్న పేటీ నేపథ్యంలో అధికారుల తొలగింపు ప్రాధాన్యత సంతరించుకుంది. ఈ నేపథ్యంలోనే ఆంధ్రప్రదేశ్ మంత్రి నారా లోకేష్  సోషల్ మీడియా వేదికగా షేర్ చేసిన పోస్టు హల్ చల్ చేస్తోంది.
రాజస్థాన్ లోకల్ బాడీ ఎన్నికలలో ప్రతిపక్ష కాంగ్రెస్ అద్భుత ఫలితాలను సాధిస్తూ.. పరిశీలకులను విస్మయపరుస్తోంది.   జిల్లా పరిషత్, పంచాయతీ సమితి ఎన్నికల లెక్కింపులో కాంగ్రెస్ దూసుకుపోతుండటం రాష్ట్ర రాజకీయాల్లో సంచలనం సృష్టిస్తోంది.
జమ్మూ కశ్మీర్ సరిహద్దు ప్రాంతాల్లో ఉగ్ర  కదలికలు, సిక్కిం గగనతలంలో చైనా యుద్ధ విమానం సంచారం వంటి పరిణామాలను చూపుతున్నారు. ఈ పరిణామాలు దేశ భద్రతా వర్గాల్లో   చర్చకు దారితీశాయి. 
వయోభారం,  ఇతర అనారోగ్య సమస్యలు, శ్వాస తీసుకోవడంలో ఇబ్బందులు కారణంగా ఆమె మరణించినట్లు కుటుంబ సభ్యులు తెలిపారు.
ప్రపంచ భౌగోళిక రాజకీయాల్లో భారత్ ఒక  సైడ్ ప్లేయర్ గా మారిపోయిందని రాహుల్ చికాగో  వర్సిటీ వేదికగా వ్యాఖ్యానించారు.  గతంలో అంతర్జాతీయ వేదికలపై స్వతంత్ర దృక్పథంతో వ్యవహరించిన దేశం..  ప్రస్తుత పరిస్థితుల్లో తన ప్రభావాన్ని కోల్పోయి పక్కకు తప్పుకుందని  విమర్శించారు.
మైసూరులో విలేకరుల సమవేశంలో మాట్లాడిన  వచ్చే ఎన్నికల బరిలో  తాను ఉండబోననీ, ఇది ఖాయమనీ కుండబద్దలు కొట్టారు. తన వయసు,   ఆరోగ్య పరిస్థితుల దృష్ట్యా ఎన్నికల్లో పోటీ చేయడం సాధ్యం కాదన్నారు. 
జాతీయ జెండాను నేలపై ఉంచకూడదనే స్పృహతో దానిని   తన జేబులో దాచుకున్నారు. పక్కనే నిలబడి ఉన్న అమెరికా అధ్యక్షుడు డొనాల్డ్ ట్రంప్  మోదీ చేసిన ఈ పనికి ముగ్ధులైన ట్రంప్, ఆ జెండా గుర్తును అలాగే భద్రపరుచుకోవాలని సూచించారు. 
 అమెరికా, చైనా వంటి దేశాలను వెనక్కి నెట్టి భారత ఆర్థిక వ్యవస్థ సరికొత్త రికార్డులను సృష్టిస్తోంది.  ఇన్ఫోఇన్‌డేటా నివేదిక ఈ విషయాన్ని విస్పష్టంగా పేర్కొంది.  అంతర్జాతీయంగా నెలకొన్న బాహ్య ఆర్థిక సంక్షోభాలను సమర్థంగా ఎదుర్కొంటూ భారత్ తన సత్తాను చాటుకుంటోంది.
కొద్ది రోజుల క్రితం కుల్గాం ప్రాంతంలో సీఆర్పీఎఫ్ సిబ్బందిని లక్ష్యంగా చేసుకుని ఉగ్రవాదులు జరిపిన కాల్పుల ఘటనకు కొనసాగింపుగా భద్రతా బలగాలు కూంబింగ్ చేపట్టారు.  ఈ నేపథ్యంలోనే తారసపడిన ఉగ్రవాదులు బలగాలపై కాల్పులకు తెగబడటంతో, భద్రతా దళాలు దీటుగా స్పందించి ఎదురుకాల్పులు జరిపాయి. 
ఇటీవల కొన్ని రోజులుగా హస్తిన వాసులను ఉక్కిరి బిక్కిరి చేసిన వాయుకాలుష్య స్థాయిలు తగ్గుముఖం పట్టాయి. అలాగే పొగమంచు బెడద కూడా గణనీయంగా  తగ్గింది. తీవ్ర వాయు కాలుష్యం కారణంగా ఇన్ని రోజులుగా ఉన్న నిబంధనలను అధికారులు తగ్గించారు. 
ఈ కేసులో జీవిత ఖైదు అనుభవిస్తున్న ఇద్దరు దోషుల శిక్షలను నిలిపివేస్తూ సర్వోన్నత న్యాయస్థానం వారికి బెయిల్ మంజూరు చేయడంపై బాధితురాలు బిల్కిస్ బానో తీవ్ర దిగ్భ్రాంతి వ్యక్తం చేశారు. కనీసం తనకు సమాచారం ఇవ్వకుండా, తన తరఫు వాదనలు వినకుండానే ఈ ఉత్తర్వులు వెలువడటం తనను విస్మయపరిచిందని ఆవేదన వ్యక్తం చేశారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.