భూతల స్వర్గం జమ్మూ కాశ్మీర్.. ఇక పర్యాటక పవర్ హౌస్.!

Publish Date:Aug 27, 2026

Advertisement

ఇండియాలోనే  ప్రకృతి అందాలకు చిరునామా అయిన  కాశ్మీర్ లోయ, ప్రస్తుతం  ఇక  పర్యాటక పవర్ హౌస్ గా మారబోతోంది. ఇటీవల అమెరికా రాయబారి సెర్గియో గోర్ శ్రీనగర్‌లో పర్యటించి, జమ్మూ కాశ్మీర్‌పై విధించిన  స్థాయి 4 ప్రయాణ నిషేధ అడ్వైజరీని  పునస్సమీక్షించనున్నట్లు చెప్పారు.  దీంతో ఇక జమ్మూ కాశ్మీర్ పర్యాటకం పరుగులు తీయనుంది. ఇంత కాలం విదేశీ పర్యాటకులు జమ్మూ కాశ్మీర్ వైపు చూడాలంటే ఒకటికి పది సార్లు ఆలోచించే వారు. ఎందుకంటే ఇక్కడ భద్రతకు సంబంధించిన ఆందోళనలు, అమెరికా అడ్వైజరీ వారిని ఇక్కడ పర్యటించే విషయంలో ముందువెనుకలాడేలా చేసేవి. అయితే ఇప్పుడు ఆ పరిస్థితి పూర్తిగా మారిపోతోంది. ఇక్కడి  పర్యాటక సామర్థ్యం, రవాణా అనుసంధానం,  ఆర్థిక పురోగతి దిశగా సాగుతున్నాయి.  

జమ్మూ కాశ్మీర్  ఇండియాలో అంతర్భాగం,  అక్కడ భద్రతా ప్రమాణాలు  గణనీయంగా మెరుగుపడ్డాయి. ఇప్పుడు ర్గియో గోర్  అన్యాపదేశంగానే అయినా విస్పష్టంగా ఇచ్చిన సంకేతాలు జమ్మూకాశ్మీర్ విషయంలో భద్రతా పరంగా ఎటువంటి ఆందోళనా అవసరం లేదని ప్రపంచ దేశాల పర్యాటకులు విస్పష్టంగా చాటినట్లైంది. ఈ గుర్తింపు  రానున్న రోజుల్లో జమ్మూ కాశ్మీర్ ను మరీ ముఖ్యంగా కాశ్మీర్ లోయను  ప్రపంచ స్థాయి టూరిజం హబ్ గా మార్చేందుకు దోహదపడుతుందని పరిశీలకులు విశ్లేషిస్తున్నారు. ఈ ప్రాంతంపై ఉన్న టూరిజం శాంక్షన్స్ తొలగిస్తే..  విదేశీ విమానయాన సంస్థల నిర్ణయాలు, బీమా ప్రీమియంలు, టూర్ ఆపరేటర్ల ప్యాకేజీలు వెల్లువెత్తి.. ఇక్కడ పర్యాటకం పరుగులు తీస్తుంది. అది జమ్మూకాశ్మీర్ ఆర్ధిక వ్యవస్థను కూడా పరుగులెత్తిస్తుంది.  

దేశీయ పర్యాటకం విషయంలో జమ్మూ కాశ్మీర్ ఇప్పటికే సరికొత్త అధ్యాయాన్ని లిఖిస్తోంది.  2024లో ఏకంగా 2.3 కోట్లకు పైగా స్వదేశీ పర్యాటకులు కాశ్మీర్ లోయను సందర్శించారు. అయితే.. విదేశాల నుంచి వచ్చే పర్యాటకుల సంఖ్య మాత్రం చాలా నిరుత్సాహజనకంగా ఉంది.   2025–26 సంవత్సరంలో   36 వేల మంది విదేశీ పర్యాటకులు  కాశ్మీర్‌ను సందర్శించారు. ఈ  వ్యత్యాసాన్ని తగ్గించగలిగితే.. అలాగే అధిగమించగలిగితే.. ముందు ముందు అంతర్జాతీయ పర్యాటకులు భూతల స్వర్గం వంటి కాశ్మీర్ సందర్శించేందుకు పెద్ద సంఖ్యలో తరలివస్తారు. తాజాగా అమెరికా  రాయబారి సెర్గియో గోర్   జమ్మూ కాశ్మీర్ లో ఇక భద్రతా పరమైన సమస్య విషయంలో ఆందోళన అవసరం లేదంటూ ఇచ్చిన సంకేతాలు.. జమ్మూ కాశ్మీర్ లో పర్యాటక రంగం కొత్త పుంతలు తొక్కేందుకు దోహదం చేస్తుందనడంలో సందేహం లేదు.   విదేశీ పర్యాటకుల సంఖ్య పెరిగితే.. ఆర్థికంగా రాష్ట్రం పురోగతి సాధిాస్తుంది. అలాగే..  పరోక్షంగా,  ప్రత్యక్షంగా  5 లక్షల మందికి కాశ్మీరీలకు ఉపాధి, ఉద్యోగ అవకాశాలు లభిస్తాయి.   

కాశ్మీర్ భవిష్యత్తును మార్చడంలో రవాణా  కనెక్టివిటీ  కీలకం.   ఉధంపూర్-శ్రీనగర్-బారాముల్లా రైలు లింక్   ప్రాజెక్ట్, వందే భారత్ ఎక్స్‌ప్రెస్ రైళ్లు మరియు జెడ్-మోర్   టన్నెల్ ప్రారంభం కావడం వల్ల కాశ్మీర్ లోయకు  దేశంలోని ఇతర ప్రాంతాలలో కనెక్టివిటీ మెరుగైంది.   శ్రీనగర్ విమానాశ్రయం విస్తరణ, రివర్ టూరిజం, రోప్‌వేలు,  కొత్త పర్యాటక కారిడార్ల నిర్మాణంతొ ర్యాటకుల రాక గణనీయంగా పెరిగింది.   రహదారులు, హోటళ్లు, వ్యర్థాల నిర్వహణ, టెలికాం నెట్‌వర్క్,  అత్యవసర వైద్య సేవలు పర్యాటకుల రద్దీకి అనుగుణంగా విస్తరించాల్సిన అవసరం ఉంది. ఈ పర్యాటకం పుంజుకోవడం వల్ల పర్యావరణ సమతుల్యత దెబ్బతినకుండా  జాగ్రత్తలు తీసుకోవడంపై కేంద్రం ప్రత్యేక దృష్టి సారించాల్సిన అవసరం ఎంతైనా ఉంది.    

ఇక లాస్ట్ బట్ నాట్ లీస్ట్..  పర్యాటక రంగాన్ని  ఒక పరిశ్రమగా కాకుండా స్థానిక ప్రజల భాగస్వామ్యంతో కూడిన  అభివృద్ధి వ్యూహంగా మార్చాలి. స్థానిక యువతకు శిక్షణ ఇచ్చి గైడ్లుగా మార్చాలి. మహిళా స్వయం సహాయక సంఘాలను హోమ్‌స్టేలు, స్థానిక వంటకాలు,  చేతివృత్తుల తయారీలో భాగస్వాములను చేయాలి. రైతులు తమ వ్యవసాయ ఉత్పత్తులను పర్యాటకానికి అనుసంధానించేలా చర్యలు తీసుకోవాలి. స్విట్జర్లాండ్, ఆస్ట్రియా, న్యూజిలాండ్,  భూటాన్ వంటి ప్రపంచ ప్రసిద్ధ పర్వత పర్యాటక దేశాల నుండి భద్రత, పర్యావరణ పరిరక్షణ,  రెస్క్యూ మేనేజ్‌మెంట్ అంశాలలో మేలైన పద్ధతులను అధ్యయనం చేసి, ఇక్కడ వాటిని అమలు చేసేందుకు చర్యలు తీసుకోవాలి.    

Jammu Kashmir Tourism Power House, America, Wirtdraw, Tourism Caution

By
en-us Political News

  
 పెట్టుబడులు, పరిశ్రమల స్థాపనలో నెలకొన్న పేటీ నేపథ్యంలో అధికారుల తొలగింపు ప్రాధాన్యత సంతరించుకుంది. ఈ నేపథ్యంలోనే ఆంధ్రప్రదేశ్ మంత్రి నారా లోకేష్  సోషల్ మీడియా వేదికగా షేర్ చేసిన పోస్టు హల్ చల్ చేస్తోంది.
రాజస్థాన్ లోకల్ బాడీ ఎన్నికలలో ప్రతిపక్ష కాంగ్రెస్ అద్భుత ఫలితాలను సాధిస్తూ.. పరిశీలకులను విస్మయపరుస్తోంది.   జిల్లా పరిషత్, పంచాయతీ సమితి ఎన్నికల లెక్కింపులో కాంగ్రెస్ దూసుకుపోతుండటం రాష్ట్ర రాజకీయాల్లో సంచలనం సృష్టిస్తోంది.
జమ్మూ కశ్మీర్ సరిహద్దు ప్రాంతాల్లో ఉగ్ర  కదలికలు, సిక్కిం గగనతలంలో చైనా యుద్ధ విమానం సంచారం వంటి పరిణామాలను చూపుతున్నారు. ఈ పరిణామాలు దేశ భద్రతా వర్గాల్లో   చర్చకు దారితీశాయి. 
వయోభారం,  ఇతర అనారోగ్య సమస్యలు, శ్వాస తీసుకోవడంలో ఇబ్బందులు కారణంగా ఆమె మరణించినట్లు కుటుంబ సభ్యులు తెలిపారు.
ప్రపంచ భౌగోళిక రాజకీయాల్లో భారత్ ఒక  సైడ్ ప్లేయర్ గా మారిపోయిందని రాహుల్ చికాగో  వర్సిటీ వేదికగా వ్యాఖ్యానించారు.  గతంలో అంతర్జాతీయ వేదికలపై స్వతంత్ర దృక్పథంతో వ్యవహరించిన దేశం..  ప్రస్తుత పరిస్థితుల్లో తన ప్రభావాన్ని కోల్పోయి పక్కకు తప్పుకుందని  విమర్శించారు.
మైసూరులో విలేకరుల సమవేశంలో మాట్లాడిన  వచ్చే ఎన్నికల బరిలో  తాను ఉండబోననీ, ఇది ఖాయమనీ కుండబద్దలు కొట్టారు. తన వయసు,   ఆరోగ్య పరిస్థితుల దృష్ట్యా ఎన్నికల్లో పోటీ చేయడం సాధ్యం కాదన్నారు. 
జాతీయ జెండాను నేలపై ఉంచకూడదనే స్పృహతో దానిని   తన జేబులో దాచుకున్నారు. పక్కనే నిలబడి ఉన్న అమెరికా అధ్యక్షుడు డొనాల్డ్ ట్రంప్  మోదీ చేసిన ఈ పనికి ముగ్ధులైన ట్రంప్, ఆ జెండా గుర్తును అలాగే భద్రపరుచుకోవాలని సూచించారు. 
 అమెరికా, చైనా వంటి దేశాలను వెనక్కి నెట్టి భారత ఆర్థిక వ్యవస్థ సరికొత్త రికార్డులను సృష్టిస్తోంది.  ఇన్ఫోఇన్‌డేటా నివేదిక ఈ విషయాన్ని విస్పష్టంగా పేర్కొంది.  అంతర్జాతీయంగా నెలకొన్న బాహ్య ఆర్థిక సంక్షోభాలను సమర్థంగా ఎదుర్కొంటూ భారత్ తన సత్తాను చాటుకుంటోంది.
కొద్ది రోజుల క్రితం కుల్గాం ప్రాంతంలో సీఆర్పీఎఫ్ సిబ్బందిని లక్ష్యంగా చేసుకుని ఉగ్రవాదులు జరిపిన కాల్పుల ఘటనకు కొనసాగింపుగా భద్రతా బలగాలు కూంబింగ్ చేపట్టారు.  ఈ నేపథ్యంలోనే తారసపడిన ఉగ్రవాదులు బలగాలపై కాల్పులకు తెగబడటంతో, భద్రతా దళాలు దీటుగా స్పందించి ఎదురుకాల్పులు జరిపాయి. 
ఇటీవల కొన్ని రోజులుగా హస్తిన వాసులను ఉక్కిరి బిక్కిరి చేసిన వాయుకాలుష్య స్థాయిలు తగ్గుముఖం పట్టాయి. అలాగే పొగమంచు బెడద కూడా గణనీయంగా  తగ్గింది. తీవ్ర వాయు కాలుష్యం కారణంగా ఇన్ని రోజులుగా ఉన్న నిబంధనలను అధికారులు తగ్గించారు. 
ఈ కేసులో జీవిత ఖైదు అనుభవిస్తున్న ఇద్దరు దోషుల శిక్షలను నిలిపివేస్తూ సర్వోన్నత న్యాయస్థానం వారికి బెయిల్ మంజూరు చేయడంపై బాధితురాలు బిల్కిస్ బానో తీవ్ర దిగ్భ్రాంతి వ్యక్తం చేశారు. కనీసం తనకు సమాచారం ఇవ్వకుండా, తన తరఫు వాదనలు వినకుండానే ఈ ఉత్తర్వులు వెలువడటం తనను విస్మయపరిచిందని ఆవేదన వ్యక్తం చేశారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.