కృష్ణమ్మ ఒడ్డున సింగపూరు కడితే, హుస్సేన్ సాగర్ పక్కన పెట్రోనాస్ కట్టాల్సిందే

Publish Date:Nov 13, 2014

Advertisement

 

ఆంద్రప్రదేశ్ ముఖ్యమంత్రి చంద్రబాబు నాయుడు హైదరాబాదుకి ధీటుగా అంతర్జాతీయ స్థాయిలో ఒక గొప్ప రాజధాని నిర్మిస్తానని చెప్పడమే కాకుండా ఆ దిశలో అప్పుడే చురుకుగా అడుగులు వేస్తున్నారు కూడా. కేంద్రం కూడా అందుకు సహాయం అందించేందుకు సిద్దంగా ఉంది. ఆ కేంద్రంపై ఒత్తిడి తెచ్చి నిధులు విడుదల చేయించేందుకు ఆయనకు ముగ్గురు మంత్రులు కూడా డిల్లీలో ఉన్నారు. ఇదివరకు హై టెక్ సిటీ నిర్మించి చూపిన ఆయన ఇప్పుడు ఈ అత్యంత ఆధునికమయిన సుందర రాజధానిని తప్పకుండా నిర్మిస్తారని ప్రజలు కూడా గట్టిగా విశ్వసిస్తున్నారు. రాష్ట్రానికి రాజధాని లేదు కనుక తప్పని సరి పరిస్థితుల్లో కొత్త రాజధానిని నిర్మించవలసి వస్తోంది. కనుకనే చంద్రబాబు ఆ పనిలో పడ్డారు.

 

ఆయనకు ఎందులోనూ తీసిపోకూడదనే ఆలోచనో లేకపోతే ప్రజల దృష్టి విద్యుత్ సమస్యలపై మళ్ళించేందుకో తెలియదు కానీ, తెలంగాణా ముఖ్యమంత్రి కేసీఆర్ కి కూడా హుస్సేన్ సాగర్ ను మంచి నీటి చెరువుగా మార్చి దాని చుట్టూ ఆకాశ హర్మ్యాలు నిర్మించాలని డిసైడ్ అయిపోయారు. రాజుగారు తలుచుకొంటే కొరడా దెబ్బలకు కరువా? అన్నట్లు ఆయన వెంటనే అధికారులను సమావేశపరిచి, దీనినేవిధంగా వర్కవుట్ చేయాలో చూడమని ఆదేశించారు. హుస్సేన్ సాగర్ చుట్టూ ఉన్న మురికివాడలలో ప్రజలను అందరినీ ఖాళీ చేయించి, కొత్తగా తన ప్రభుత్వం కట్టబోయే ఆ ‘పెట్రోనాస్ టవర్స్’ లలోకి మార్చేద్దామని ఆయన ప్రతిపాదించారుట. కలల ప్రపంచంలో జీవిస్తున్న కేసీఆర్, ప్రజలని వారి కష్టాల నుండి మరిపించేందుకే వారిని కూడా తన కొత్త బంగారి లోకంలోకి తీసుకుపోయే ప్రయత్నం చేస్తున్నారేమో?

 

ఆయన రాష్ట్ర బడ్జెట్ ను లక్ష కోట్లయితే చాలా వీజీగా దాటించేయగలిగారు, కానీ దానిలో పేర్కొన్న వివిధ సంక్షేమ, అభివృద్ధి కార్యక్రమాలను అమలు చేయడానికి తన వద్ద అంత సొమ్ము లేదని, కేంద్రం నియమనిబంధనలు సడలించి తన ప్రభుత్వానికి అనుమతిస్తే బ్యాంకుల నుండి అప్పులు తెచ్చుకొని ‘పని కానిచ్చేస్తామని’ ఆయనే స్వయంగా శాసనసభలో చెపుతున్నప్పుడు, లక్షల కోట్లు ఖర్చయ్యే పెట్రోనాస్ టవర్లు ఒకటో రెండో డజన్లు ఒకేసారి నిర్మించేద్దామనుకోవడం చాలా గొప్ప విషయమే.

 

ఈ ఐదేళ్ళలో ఆయన ట్యాంక్ బ్యాండ్ చుట్టూ పెట్రోనాస్ టవర్లు నిర్మించినా నిర్మించలేకపోయినా, దానిలో పేరుకు పోయిన మురుగు నీటిని మాత్రం తప్పకుండా ఖాళీ చేయించగలరని ఖచ్చితంగా చెప్పవచ్చును. ఎందుకంటే దానికి పెద్దగా ఖర్చవదు కనుక. ఒకవేళ ఆయన ఆ ఒక్కపని పూర్తిచేసినా చాలు హైదరాబాద్ ప్రజలు చాలా మెచ్చుకొంటారు.

 

ప్రస్తుతం రాష్ట్రంలో తీవ్ర విద్యుత్ సంక్షోభం నెలకొని ఉంది. దానిని అధిగమించడానికి ఇరుగుపొరుగు రాష్ట్రాల నుండి వేలు,లక్షల కోట్లు వెచ్చించి విద్యుత్ కొనుగోలు చేయవలసి ఉంది. అదేసమయంలో లక్షల కోట్లు వ్యయం అయ్యే తన హామీలను కూడా అమలు చేయాల్సి ఉంది. కానీ ఆయన ఇవి సరిపోవన్నట్లు హటాత్తుగా ఈ పెట్రోనాస్ టవర్లు కట్టేయాలని ఎందుకు భావిస్తున్నారు? వాటికి లక్షల కోట్ల నిధులు ఏవిధంగా సమకూర్చుకొంటారు? రైతు సమస్యలను పక్కన బెట్టి గాల్లో మేడలు కడతామంటే ప్రజలు ఏమనుకొంటారు? వంటి ప్రశ్నలకు ఆయన సమాధానాలు సిద్దం చేసుకోవలసి ఉంటుంది. ఒకవైపు నిత్యం రైతన్నలు ఆత్మహత్యలు చేసుకొంటుంటే ఆయన ఆకాశానికి నిచ్చెనలు వేయాలనుకోవడం ఇటువంటి విమర్శాలకే దారి తీస్తుంది.

 

అయితే ఆయన తలబెట్టిన చెరువుల పునరుద్దరణ కార్యక్రమానికి రాష్ట్ర ప్రజల నుండే కాదు, ఆంద్రప్రదేశ్ రాష్ట్ర ప్రజల నుండి కూడా మంచి స్పందన వస్తోంది. ఎందుకంటే ఆ పని చేయడానికి ఈవిధంగా ఆకాశానికి నిచ్చెనలు వేయనవసరం లేదు. పైగా దాని వలన రైతాంగానికి తక్షణమే ప్రయోజనం చేకూరుతుంది. తెలంగాణతో పోలిస్తే ఆంధ్రాలో పాడి పంటలకు పెద్ద ఇబ్బందులు ఏవీ లేవు. కనుక చంద్రబాబు నాయుడు తన రాష్ట్రానికి ముందు ఏది అవసరమో అది చేస్తున్నారు. అదేవిధంగా కేసీఆర్ కూడా తన రాష్ట్రానికి ఏది అవసరమో దానికే ప్రాదాన్యాత నిస్తే అందరూ హర్షిస్తారు.

By
en-us Political News

  
జగన్ తన పాదయాత్రను వచ్చే ఏడాది మార్చి నుంచే ఆరంభించే అవకాశాలు మెండుగా ఉన్నాయని వైసీపీ వర్గాల ద్వారా తెలుస్తోంది.   అన్ని అనుకున్నట్లు జరిగితే 2027 మార్చి నుంచే జగన్ తన పాదయాత్రకు శ్రీకారం చుట్టే అవకాశం ఉందని అంటున్నారు.
ఈ పుస్తకం కేవలం ఆమె ఆత్మకథగానే కాకుండా,   దేశ రాజకీయాలలో కీలకమైన మలుపులు, కుటుంబ బంధాలు, అంతర్గత సంఘర్షణలను సైతం బహిర్గతం చేసింది.  ఈ నేపథ్యంలో ఆమె ఆత్మకథ పుస్తకంలోని అంశాలపై, అందులో ప్రస్తావించిన వివాదాస్పద విషయాలు, అప్పటి రాజకీయాలలో వాటి ప్రభావంపై ఎడతెగని చర్చ జరుగుతోంది.  
రోజుల వ్యవధిలో రాష్ట్రంపై దాడి చేసిన అర్నాబ్, మురసు తుపానులను ఎదుర్కొనడంలోనూ చంద్రబాబు వినూత్న  ఆలోచనలు, వేగవంతమైన నిర్ణయాలు ప్రమాద తీవ్రతను గణనీయంగా తగ్గించడంలో కీలక పాత్ర పోషించాయి.   ప్రతికూల వాతావరణ పరిస్థితుల్లోనూ ఏమాత్రం తడబాటు లేకుండా, ప్రణాళికాబద్ధంగా వ్యవహరించడం ద్వారా ఆయన తన ప్రత్యేకతను మరోసారి చాటుకున్నారు. 
2019 ఎన్నికలు, ఆ తరువాత 2021 స్థానిక ఎన్నికలలో తిరుగులేని విజయాలను దక్కించుకున్న వైసీపీ, ఆ తరువాత 2024 ఎన్నికలలో ఘోర పరాజయం పాలైంది. ఈ పరాజయానికి కొనసాగింపు అన్నట్లుగా తాజాగా జరిగిన మునిసిల్, పరిషత్ ఎన్నికలలో కూడా ఘోరాతి ఘోరంగా పరాజయం పాలైంది.
రాష్ట్రానికి ముఖ్యమంత్రి కావాలనుకునే వ్యక్తి.. రాష్ట్రంలో మాత్రం వారిని ఒక రోజే, మహా అయితే రెండు రోజులకు మించి మకాం వేయరు. ఇలా వచ్చి అలా బెంగళూరు వెళ్లిపోతుంటారు.  
ఈ ఎన్నికల సంగ్రామంలో ఒకప్పుడు రాష్ట్రంలో ఏకఛత్రాధిపత్యం వహించిన కాంగ్రెస్ పార్టీ  సోదిలోకి కూడా కనిపించకపోవడం పొలిటికల్ సర్కిల్స్ లో హాట్ టాపిక్ గా మారింది. అలాగే ఈ ఎన్నికలలో కాంగ్రెస్ దయనీయ పరిస్థితిపై ఆ పార్టీ రాష్ట్ర అధ్యక్షురాలు షర్మిల మౌనంపై ప్రశ్నలు వెల్లువెత్తుతున్నాయి.
2024 ఎన్నికలలో జగన్ కు తేరుకోలేని పరాభాం ఎదురైంది. వైనాట్ 175, వైనాట్ కుప్పం నినాదాలు మరుగున పడిపోయాయి. సొంత అడ్డా పులివెందులలో జగన్ మెజారిటీ గణనీయంగా తగ్గింది. కడప జిల్లాలోనూ పలు అసెంబ్లీ నియోజకవర్గాలు కూటమి వశమయ్యాయి. అలా   2024 ఎన్నికల్లో   జగన్ పార్టీ ఊహించని విధంగా ఘోర ఓటమిని చవిచూడటమే కాకుండా, కనీసం ప్రతిపక్ష హోదాను కూడా దక్కించుకోలేకపోయింది.
గతంలో రాష్ట్రంలో బీఆర్ఎస్ అధికారంలో ఉన్న సమయంలో ఆ పార్టీపై తీవ్ర స్థాయిలో విమర్శలు గుప్పించిన అమిత్ షా తన తాజా పర్యటనలో మాత్రం బీఆర్ఎస్ పై విమర్శల పదును తగ్గించారు. ఇందుకు కారణం తెలంగాణలో బీజేపీ పరిస్థితి ఒక అడుగు ముందుకు రెండడుగులు వెనక్కు అన్న చందంగా మారడమేనని పరిశీలకులు విశ్లేషిస్తున్నారు.
రాజకీయ అవసరం కోసం తన సింగిల్ నినాదాన్ని మడిచి జేబులో పెట్టుకుని ఇండియా కూటమితో కలిసి నడవడానికి రెడీ అయిపోయారు.  జాతీయ స్థాయిలో వైసీపీ వైఖరి ఏమిటన్నది ఇప్పటి వరకూ బాహాటంగా స్పష్టత ఇవ్వని జగన్.. లోపాయికారీ మద్దతు మాత్రం మోడీ నాయకత్వంలోని ఎన్డీయే కూటమికే ఇస్తూ వచ్చారు.
కాగా కేటీఆర్ మారిన ధోరణి రాజకీయ ప్రాధాన్యత సంతరించుకుంది. ఆయన మారారా? గతంలో తాను చేసిన విమర్శలు మరిచారా అన్న చర్చ జరుగుతోంది. ఏపీలో, జాతీయ స్థాయిలో రాజకీయ పరిస్థితుల నేపథ్యంలో కేటీఆర్ జగన్ తో మైత్రి కంటే.. చంద్రబాబుకు, తెలుగుదేశం పార్టీకీ దగ్గరవ్వడమే తెలంగాణలో బీఆర్ఎస్ కురాజకీయంగా ఒకింత మేలు జరుగుతుందన్నభావనతోనే కేటీఆర్ స్వరం మార్చారని పరిశీలకులు అంటున్నారు.  
పులివెందుల, కడప వంటి చోట్ల వైపీపీని ఎంత అధికార పార్టీ అయినా తెలుగుదేశం అడ్డుకునే పరిస్థితి ఉండదు. ఇది అందరికీ తెలిసిన సత్యమే అయినా ఏకగ్రీవం అన్న సాంకేతిక కారణాన్ని చూపి వైసీపీ అధికార దుర్వినియోగం ఆరోపణలు చేస్తోంది.
దర్యాప్తు సంస్థల నుంచి కేంద్ర ఎన్నికల సంఘంవరకూ అన్నిటిపైనా ప్రజా విశ్వాసం ఒకింత మసకబారింది. రాజ్యంగ సంస్థల విశ్వసనీయత దెబ్బతింది. పార్లమెంటు,  , ఎన్నికల సంఘం, కేంద్ర దర్యాప్తు సంస్థల తీరు పట్ల ప్రజలలో అసహనం ప్రస్ఫుటంగా కనిపిస్తోంది.
తాజాగా స్థానిక ఎన్నికల వేళ  ఉప ముఖ్యమంత్రి పవన్ కల్యాణ్ నేతృత్వంలోని జనసేన పార్టీ తీరు, దూకుడు పట్ల పెద్ద ఎత్తున చర్చ ఆరంభమైంది.  పార్టీ   నిర్వహణకు సంబంధించిన కొన్ని అంశాలు సోషల్ మీడియాలో ప్రతికూల ప్రచారానికి దోహదం చేస్తున్నాయి.  ముఖ్యంగా, జనసేన పార్టీకి చెందినవిగా చెప్పుకునే కొన్ని సోషల్ మీడియా ఖాతాల ద్వారా కూటమి ఐక్యతను దెబ్బతీసే పోస్టులు కనిపించడం సంచలనం సృష్టిస్తోంది.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.