రిజర్వేషన్లు ఎవరూ ఇచ్చే భిక్ష కాదు.. రాజ్యాంగం కల్పించిన హక్కు : కేంద్రమంత్రి పాశ్వాన్

Publish Date:Aug 23, 2026

Advertisement

 

డిమాండ్ చేశారని రిజర్వేషన్ల రద్దు చేయలేం..!

దేశంలో సామాజిక న్యాయం, కోటా విధానంపై మరోసారి తీవ్రస్థాయిలో చర్చ మొదలైన వేళ కేంద్రమంత్రి చిరాగ్ పాశ్వాన్ కీలక వ్యాఖ్యలు చేశారు. రిజర్వేషన్లు అనేవి ఏ ఒక్కరి డిమాండ్‌తోనో ముగిసిపోయే అంశం కాదని, అవి రాజ్యాంగం కల్పించిన ప్రాథమిక హక్కు అని ఆయన తేల్చిచెప్పారు.  ఢిల్లీలోని జంతర్ మంతర్ వద్ద కోటా విధానాన్ని నిరసిస్తూ విద్యార్థులు, వివిధ సంఘాల ప్రతినిధులు చేపట్టిన ఆందోళనలపై చిరాగ్ పాశ్వాన్ స్పందించారు. పాట్నా విమానాశ్రయంలో విలేకరులతో మాట్లాడిన ఆయన, రిజర్వేషన్లు ఎవరూ ఇచ్చే దానం లేదా భిక్ష కాదని, వివక్షకు గురైన వర్గాలను ఆదుకోవడానికి రాజ్యాంగ శిల్పులు అందించిన రక్షణ కవచమని పేర్కొన్నారు.  

తరతరాలుగా సామాజికంగా, ఆర్థికంగా వెనుకబడిన వర్గాలను సమాజ ప్రధాన స్రవంతిలోకి తీసుకురావడమే రిజర్వేషన్ల ప్రధాన ఉద్దేశమని ఆయన స్పష్టం చేశారు. షెడ్యూల్డ్ కులాలు, షెడ్యూల్డ్ తెగల అభ్యున్నతికి రాజ్యాంగం ఇచ్చిన ఈ అవకాశాన్ని ఎవరూ ప్రశ్నించలేరని పునరుద్ఘాటించారు.  అదే సమయంలో, నిరసనకారులు తమ డిమాండ్లను నిర్దిష్టమైన రీతిలో ప్రభుత్వం దృష్టికి తీసుకురావచ్చని చిరాగ్ పాశ్వాన్ చెప్పారు. ప్రజాస్వామ్యంలో నిరసన తెలిపే హక్కు ప్రతి ఒక్కరికీ ఉంటుందని, చర్చల ద్వారానే ఈ అంశంపై ఉన్న అపోహలను తొలగించడం సాధ్యమవుతుందని అభిప్రాయపడ్డారు.  

ఇక ఆర్థిక ప్రతిపాదికన రిజర్వేషన్లు కావాలని కోరుతున్న వారికి ఇప్పటికే మోదీ ప్రభుత్వం ఈడబ్ల్యూఎస్ (EWS) ద్వారా 10 శాతం కోటాను అమలు చేస్తోందని ఆయన గుర్తుచేశారు. దీనివల్ల ఎగువ కులాల్లోని పేదలకు కూడా న్యాయం జరుగుతోందని తెలిపారు.  సమాజంలో ఇప్పటికీ అక్కడక్కడా సామాజిక వివక్ష సంఘటనలు వెలుగుచూస్తూనే ఉన్నాయని, అందువల్ల సమానత్వం సిద్ధింజేవరకు కోటా వ్యవస్థ అవసరం ఎంతైనా ఉందని చిరాగ్ స్పష్టం చేశారు.  ప్రస్తుతం దేశ రాజధానిలో జరుగుతున్న ఆందోళనల నేపథ్యంలో కేంద్ర ప్రభుత్వం ఏ విధంగా స్పందిస్తుందనే దానిపై రాజకీయ వర్గాల్లో తీవ్ర ఆసక్తి నెలకొంది. రాబోయే రోజుల్లో ఆందోళనకారులతో ప్రభుత్వం చర్చలు జరిపి వివాదానికి ముగింపు పలుకుతుందో లేదో వేచి చూడాలి.  

Chirag Paswan, Reservation Policy, Anti Quota Protest, Jantar Mantar Protest, Telugu News, Caste Reservation, EWS
 

By
en-us Political News

  
 పెట్టుబడులు, పరిశ్రమల స్థాపనలో నెలకొన్న పేటీ నేపథ్యంలో అధికారుల తొలగింపు ప్రాధాన్యత సంతరించుకుంది. ఈ నేపథ్యంలోనే ఆంధ్రప్రదేశ్ మంత్రి నారా లోకేష్  సోషల్ మీడియా వేదికగా షేర్ చేసిన పోస్టు హల్ చల్ చేస్తోంది.
రాజస్థాన్ లోకల్ బాడీ ఎన్నికలలో ప్రతిపక్ష కాంగ్రెస్ అద్భుత ఫలితాలను సాధిస్తూ.. పరిశీలకులను విస్మయపరుస్తోంది.   జిల్లా పరిషత్, పంచాయతీ సమితి ఎన్నికల లెక్కింపులో కాంగ్రెస్ దూసుకుపోతుండటం రాష్ట్ర రాజకీయాల్లో సంచలనం సృష్టిస్తోంది.
జమ్మూ కశ్మీర్ సరిహద్దు ప్రాంతాల్లో ఉగ్ర  కదలికలు, సిక్కిం గగనతలంలో చైనా యుద్ధ విమానం సంచారం వంటి పరిణామాలను చూపుతున్నారు. ఈ పరిణామాలు దేశ భద్రతా వర్గాల్లో   చర్చకు దారితీశాయి. 
వయోభారం,  ఇతర అనారోగ్య సమస్యలు, శ్వాస తీసుకోవడంలో ఇబ్బందులు కారణంగా ఆమె మరణించినట్లు కుటుంబ సభ్యులు తెలిపారు.
ప్రపంచ భౌగోళిక రాజకీయాల్లో భారత్ ఒక  సైడ్ ప్లేయర్ గా మారిపోయిందని రాహుల్ చికాగో  వర్సిటీ వేదికగా వ్యాఖ్యానించారు.  గతంలో అంతర్జాతీయ వేదికలపై స్వతంత్ర దృక్పథంతో వ్యవహరించిన దేశం..  ప్రస్తుత పరిస్థితుల్లో తన ప్రభావాన్ని కోల్పోయి పక్కకు తప్పుకుందని  విమర్శించారు.
మైసూరులో విలేకరుల సమవేశంలో మాట్లాడిన  వచ్చే ఎన్నికల బరిలో  తాను ఉండబోననీ, ఇది ఖాయమనీ కుండబద్దలు కొట్టారు. తన వయసు,   ఆరోగ్య పరిస్థితుల దృష్ట్యా ఎన్నికల్లో పోటీ చేయడం సాధ్యం కాదన్నారు. 
జాతీయ జెండాను నేలపై ఉంచకూడదనే స్పృహతో దానిని   తన జేబులో దాచుకున్నారు. పక్కనే నిలబడి ఉన్న అమెరికా అధ్యక్షుడు డొనాల్డ్ ట్రంప్  మోదీ చేసిన ఈ పనికి ముగ్ధులైన ట్రంప్, ఆ జెండా గుర్తును అలాగే భద్రపరుచుకోవాలని సూచించారు. 
 అమెరికా, చైనా వంటి దేశాలను వెనక్కి నెట్టి భారత ఆర్థిక వ్యవస్థ సరికొత్త రికార్డులను సృష్టిస్తోంది.  ఇన్ఫోఇన్‌డేటా నివేదిక ఈ విషయాన్ని విస్పష్టంగా పేర్కొంది.  అంతర్జాతీయంగా నెలకొన్న బాహ్య ఆర్థిక సంక్షోభాలను సమర్థంగా ఎదుర్కొంటూ భారత్ తన సత్తాను చాటుకుంటోంది.
కొద్ది రోజుల క్రితం కుల్గాం ప్రాంతంలో సీఆర్పీఎఫ్ సిబ్బందిని లక్ష్యంగా చేసుకుని ఉగ్రవాదులు జరిపిన కాల్పుల ఘటనకు కొనసాగింపుగా భద్రతా బలగాలు కూంబింగ్ చేపట్టారు.  ఈ నేపథ్యంలోనే తారసపడిన ఉగ్రవాదులు బలగాలపై కాల్పులకు తెగబడటంతో, భద్రతా దళాలు దీటుగా స్పందించి ఎదురుకాల్పులు జరిపాయి. 
ఇటీవల కొన్ని రోజులుగా హస్తిన వాసులను ఉక్కిరి బిక్కిరి చేసిన వాయుకాలుష్య స్థాయిలు తగ్గుముఖం పట్టాయి. అలాగే పొగమంచు బెడద కూడా గణనీయంగా  తగ్గింది. తీవ్ర వాయు కాలుష్యం కారణంగా ఇన్ని రోజులుగా ఉన్న నిబంధనలను అధికారులు తగ్గించారు. 
ఈ కేసులో జీవిత ఖైదు అనుభవిస్తున్న ఇద్దరు దోషుల శిక్షలను నిలిపివేస్తూ సర్వోన్నత న్యాయస్థానం వారికి బెయిల్ మంజూరు చేయడంపై బాధితురాలు బిల్కిస్ బానో తీవ్ర దిగ్భ్రాంతి వ్యక్తం చేశారు. కనీసం తనకు సమాచారం ఇవ్వకుండా, తన తరఫు వాదనలు వినకుండానే ఈ ఉత్తర్వులు వెలువడటం తనను విస్మయపరిచిందని ఆవేదన వ్యక్తం చేశారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.