పేదల కళ్లల్లో ఆనందం.. జన్మధన్యమైందంటూ చంద్రబాబు భావోద్వేగం.!

Publish Date:Sep 19, 2026

Advertisement

విశాఖపట్నంలోని వేలాది పేద కుటుంబాల దశాబ్దాల కల సాకారమైది, పేదలకు పట్టాభిషేకం పేరిట నిర్వహించిన ప్రత్యేక కార్యక్రమంలో రాష్ట్ర ముఖ్యమంత్రి నారా చంద్రబాబు నాయుడు స్వయంగా లబ్ధిదారులకు ఇళ్ల స్థలాలకు సంబంధించిన కన్వీనియన్స్ డీడ్స్‌  అందజేశారు. దశాబ్దాలుగా సొంత గూడు ఉన్నప్పటికీ దానిపై పూర్తి స్థాయి హక్కులు లేక సతమతమవుతున్న వేలాది మందికి ఈ నిర్ణయంతో పూర్తి హక్కులు లభించాయి. ఈ డీడ్స్ అందుకున్న ప్రజల ముఖాల్లో  ఆనందోత్సాహాలను కళ్లారా చూసిన ముఖ్యమంత్రి చంద్రబాబు  భావోద్వేగానికి గురయ్యారు. పేద ప్రజల కళ్లలో వెల్లివిరిసిన సంతోషాన్ని చూసి తన జీవితం ధన్యమైపోయిందని, ప్రాణం ఉన్నంతవరకు ఈ అరుదైన క్షణాన్ని  గుర్తుపెట్టుకుంటానని అంటూ ఎమోషన్ అయ్యారు. 

ఈ వేడుకలో భాగంగా ప్రభుత్వం చేపట్టిన భూ క్రమబద్ధీకరణ ప్రక్రియ విశేషాలను ముఖ్యమంత్రి   వెల్లడించారు. విశాఖ  పరిధిలోని గాజువాక, పెందుర్తి, భీమిలి, గోపాలపట్నం తదితర ప్రాంతాలతో పాటు మొత్తం 111 మండలాల పరిధిలోని   399 ఎకరాల విస్తీర్ణంలో ఉన్న 19.33 లక్షల చదరపు గజాల భూమిని పూర్తిగా క్రమబద్ధీకరించినట్లు తెలిపారు. దాదాపు  8,874 కోట్ల రిజిస్ట్రేషన్ విలువ కలిగిన ఈ ఆస్తులను ఎలాంటి వివాదాలకు తావులేకుండా నేరుగా పేద ప్రజలకే దక్కేలా చేశామన్నారు. నిన్నటి వరకు తమ ఇళ్లపై ఎలాంటి అధికారిక హక్కులు లేక, అత్యవసర సమయాల్లో బ్యాంకు రుణాలు కూడా పొందలేని దుస్థితిలో ఉన్న సామాన్యులకు ఇప్పుడు చట్టపరమైన సర్వ హక్కులు లభించాయని చంద్రబాబు చెప్పారు. 

ఈ సందర్భంగా గత ప్రభుత్వ పాలనపై ముఖ్యమంత్రి విమర్శలు కురిపించారు. గడచిన ఐదేళ్ల కాలంలో రాష్ట్రం తీవ్రమైన విధ్వంసానికి,   గురైందన్న చంద్రబాబు.. వేల కోట్ల అప్పులతో పాటు ఎక్కడ చూసినా భూకబ్జాలు, కల్తీ మద్యం దందాలు రాజ్యమేలాయని విమర్శించారు. విశాఖపట్నాన్ని రాజధాని చేస్తామని నమ్మబలికిన గత పాలకులు, రుషికొండపై విలాసవంతమైన భవనాలు నిర్మించుకుని ప్రజా ధనాన్ని  దుర్వినియోగం చేశారని విమర్శించారు. గతంలో వారాంతం వచ్చిందంటే చాలు ఏ ఇళ్లు కూల్చివేస్తారోననే భయానక వాతావరణంలో ప్రజలు బతికారన్నారు. కానీ తాము అధికారంలోకి వచ్చాక విధ్వంసం స్థానంలో వికాసాన్ని, భయం స్థానంలో భరోసాని నింపుతున్నామని పేర్కొన్నారు. తొలి విడతగా 28 వేలకు పైగా కుటుంబాలకు లబ్ధి చేకూర్చామని, మిగిలిన ప్రాంతాల్లోని అర్హులకు కూడా త్వరలోనే హక్కు పత్రాలు అందిస్తామని హామీ ఇచ్చారు. 


[Chandrababu Naidu, Visakhapatnam House Site Pattas, Pedalaku Pattabhishekam, AP Government, Property Rights, Chandrababu Emotional Speech]

By
en-us Political News

  
ఎండల తీవ్రత, ఎల్ నినో ఎఫెక్ట్ తో జలాశయాల్లో నీటి మట్టాలు తగ్గుతుండటంతో తిరుమలలో భక్తులకు తాగునీటి సమస్యలు తలెత్తకుండా తిరుమల తిరుపతి దేవస్థానం  అప్రమత్తమైంది. ముందు జాగ్రత్తగా నీటి పొదుపు, సమర్థవంతమైన నీటి యాజమాన్య చర్యలను ప్రారంభించింది
మూడు వేల కోట్ల రూపాయల బకాయిలు విడుదల చేసినట్లు అసెంబ్లీ వేదికగా వెల్లడించామనీ   ఆ హామీకి ప్రభుత్వం పూర్తిగా కట్టుబడి ఉందని మంత్రి లోకేశ్  స్పష్టం చేశారు. చెల్లింపుల ప్రక్రియ సాగే కొద్దీ బడ్జెట్ అంచనాలు సవరించబడతాయని చెప్పారు.
హత్యాయత్నం  కేసుల్లో నిందితులుగా ఉన్న రౌడీ షీటర్లను పోలీసులు అరెస్ట్ చేయకుండా వదిలేయడం వల్లే ఇలాంటి దాడులు జరుగుతున్నాయన్న బీటెక్ రవి,  పోలీసులు తక్షణమే కఠిన చర్యలు తీసుకోకపోతే అధికార పార్టీలో ఉన్నప్పటికీ తానే స్వయంగా డీఎస్పీ కార్యాలయం ఎదుట రోడ్డుపై బైఠాయించి నిరసన తెలపాల్సి వస్తుందని ఆయన హెచ్చరించారు.
బనగానపల్లెలోని ఎంపీడీవో కార్యాలయానికి చేరుకున్న ఇందిరా రెడ్డి, ఎన్నికల రిటర్నింగ్ అధికారికి తన నామినేషన్ పత్రాలను అందజేశారు. ఈ సందర్భంగా కూటమికి చెందిన పలువురు నాయకులు, కార్యకర్తలు పెద్ద సంఖ్యలో హాజరై ఆమెకు మద్దతు పలికారు.  
వాటి ద్వారా ఎంతమంది కార్మికులకు నిజమైన ఉపాధి లభిస్తోంది, మొబైల్ యాప్, నైపుణ్య శిక్షణ ఎలా అమలవుతాయనే అంశాలపై ఇప్పుడు సర్వత్రా ఆసక్తి నెలకొంది. కేవలం వసతి కేంద్రంగానే కాకుండా సమర్థవంతమైన ఉపాధి వేదికగా లేబర్ అడ్డాలను నిలబెట్టడమే తమ లక్ష్య మని ముఖ్యమంత్రి చంద్రబాబు చెబుతున్నారు.
మూడో విడత ఎన్నికలకు సంబంధించి  నవంబర్ 21న రిటర్నింగ్ అధికారులు ఫారమ్-1 ద్వారా నోటీసు జారీ చేసి, వార్డుల వారీగా ఓటర్ల జాబితాలను ప్రదర్శిస్తారు. అదే రోజు నుంచి నవంబర్ 23వ తేదీ వరకు  అభ్యర్థుల నుంచి నామినేషన్లు స్వీకరిస్తారు.   నామినేషన్ల పరిశీలనను నవంబర్ 24న చేపట్టనున్నారు.
తన వ్యక్తిగత, వృత్తిపరమైన ప్రతిష్ఠను దెబ్బతీసేందుకు కొందరు కావాలనే కల్పిత కథనాలను ప్రచారం చేస్తున్నారని, ఇలాంటి నిరాధార ఆరోపణలను తాను చట్టబద్ధంగా ఎదుర్కొంటానని ఆమె ఆ ప్రకటనలో విస్పష్టంగా పేర్కొన్నారు. 
1999 డిసెంబర్ 28న పనులు ఆరంభమయ్యాయి. ఆ రోజు నుంచి టీటీడీ అధికారులు చెప్పిన రెండు నెలల గడువుకు కేవలం 49 రోజులే మిగిలింది. అంటే తిరుమలకు నీటిని తరలించే విషయంపై జరిపిన మేధో మథనం 11 రోజుల్లో ముగిసింది. సరిగ్గా 1999 డిసెంబర్ 28 నుంచి కౌంట్ డౌన్ మొదలైంది.  
ఏపీ భూ ఉపరితలంపై నుంచి వీస్తున్న పొడి గాలుల కారణంగా అక్వాన్ తుపాను తీవ్రత కోల్పోయింది. ప్రస్తుతం ఇది తీవ్ర వాయుగుండంగా మారింది. రేపటికి ఇది మరింత బలహీనపడి శుక్రవారం (నవంబర్ 20)  నాటికి  సాధారణ వాయుగుండంగా మారి తీరాన్ని దాటే అవకాశం ఉందని వాతావరణ శాఖ పేర్కొంది.
నవంబర్ లో బంగాళాఖాతంలో తుపాను ఏర్పడిందన్న వార్త వింటే ఆంధ్రప్రజలకు దివిసీమ, కోనసీమ ఉప్పెనలే గుర్తుకు వవస్తాయి. 1977 నవంబర్ 19న దివిసీమ ఉప్పెన, 1996 నవంబర్ 6న కోనసీమ ఉప్పెన లు రాష్ట్ర తీర ప్రాంతాలను అతలాకుతలం చేశాయి. వందలాది ప్రాణాలను హరించాయి. ఊళ్లకు ఊళ్లు తుడిచిపెట్టుకు పోయాయి. 
గత ఆరు గంటల వ్యవధిలో గంటకు  3 కిలోమీటర్ల వేగంతో కదులుతున్న అక్వాన్ తుపాను,   చెన్నైకి 590 కిలోమీటర్లు, మచిలీపట్నం,  విశాఖపట్నాలకు 620 కిలోమీటర్లు, ఒడిశాలోని గోపాల్‌పూర్‌కు 750 కిలోమీటర్ల దూరంలో కేంద్రీకృతమై ఉంది.  
 తుపాను తీరం దాటే సమయంలో సముద్రం  అల్లకల్లోలంగా మారుతుందనీ, అలలు సాధారణం కంటే కనీసం   రెండు మీటర్ల ఎత్తు వరకు ఎగసిపడే అవకాశం ఉందని వాతావరణ శాఖ హెచ్చరించింది. అలాగే తుపాను తీరం దాటే సమయంలో 160 కిలోమీటర్లకు మించిన వేగంతో పెనుగాలులు వీస్తాయనీ పేర్కొంది.  
ఆంధ్రప్రదేశ్ సీఎం చంద్రబాబునాయుడు ఆర్టీజీసీఅధికారులు, ఉన్నతాధికారులతో టెలీకాన్ఫరెన్స్ తో పరిస్థితిని సమీక్షించారు.  తుపాను కదలికలు,  తీవ్రత,  రాష్ట్రంపై ఆ తుపాను ప్రభావం తదితర అంశాలపై ఆయన అధికారులతో చర్చించారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.