క్వాలిటీ రాజకీయాలు ఇక పనిచేయవు.. మైండ్సెట్ మార్చుకుంటాం: బొత్స సంచలన వ్యాఖ్యలు.!
Publish Date:Nov 14, 2026
Advertisement
కక్షపూరిత రాజకీయాలు చేస్తే చుక్కలు చూపిస్తాం.. బొత్స వార్నింగ్.! విజయనగరం వైసీపీ సమావేశంలో శాసనమండలిలో ప్రతిపక్ష నేత, మాజీ మంత్రి బొత్స సత్యనారాయణ ఆసక్తికర వ్యాఖ్యలు చేశారు. ప్రస్తుత రాజకీయ పరిణామాలను చూస్తుంటే తమ మైండ్సెట్ మార్చుకోవాల్సిన పరిస్థితి కనిపిస్తోందని అన్నారు. రాజకీయాల్లో క్వాలిటీ, విలువలతో కూడిన రాజకీయాలకు ఇకపై చోటు ఉండదేమోనన్న అనుమానం కలుగుతోందని వ్యాఖ్యానించారు. అధికారం ఉన్నప్పుడు ఎవరైనా పార్టీ వెంట వస్తారని, కానీ అధికారం లేనప్పుడే పార్టీ కోసం ఎవరు నిలబడతారో తెలుస్తుందని బొత్స అన్నారు. కష్టకాలంలో పార్టీకి అండగా నిలిచే నాయకులు, కార్యకర్తలే నిజమైన బలమని పరోక్షంగా పేర్కొన్నారు. రాజకీయాల్లో కక్షపూరిత ధోరణులు పెరిగిపోతున్నాయని బొత్స ఆవేదన వ్యక్తం చేశారు. కక్ష కట్టుకుని వ్యవహరించే వారికి రాబోయే రోజుల్లో తగిన సమాధానం చెబుతామని హెచ్చరించారు. కక్షపూరిత రాజకీయాలు చేస్తే చూస్తూ ఊరుకునే ప్రసక్తే లేదని, అలాంటి వారికి చుక్కలు చూపిస్తామని స్పష్టం చేశారు. ఈ విషయంలో ఎలాంటి రాజీ ఉండబోదని తేల్చిచెప్పారు. ప్రస్తుత రాజకీయ పరిస్థితుల్లో వైసీపీ తన వ్యూహాన్ని మార్చుకోవాల్సిన అవసరం ఉందన్న సంకేతాలను బొత్స వ్యాఖ్యలు ఇస్తున్నాయి. ముఖ్యంగా అధికారంలో లేనప్పుడు పార్టీ కోసం నిలబడే నాయకులు, కార్యకర్తలే కీలకమని ఆయన చెప్పడం రాజకీయంగా ఆసక్తికరంగా మారింది. మీకు నచ్చవచ్చు: 8 బిలియన్ డాలర్ల నుంచి 140 బిలియన్ డాలర్లకు.. అదానీ ఆస్తులు ఎలా పెరిగాయి: రాహుల్ మీకు నచ్చవచ్చు: స్వీట్ అనుకుని నోట్లో పెట్టుకున్నాడు..క్షణాల్లో పేలిన నాటు బాంబు.!
[ Botsa Satyanarayana Warning, YSRCP, Vijayanagaram, Quality Politics, Political Comments, Political Controversy, Andhra Pradesh Politics, YCP Meeting, Faction Politics ]
http://www.teluguone.com/news/content/botsa-satyanarayana-warning-43-237117.html





