బగా పని చేశారు భేష్: అయినా విశ్రమించొద్దు.. అధికారులకు చంద్రబాబు దిశా నిర్దేశం.!

Publish Date:Oct 29, 2026

Advertisement

ఆంధ్రప్రదేశ్ ను అతలాకుతలం చేసిన అర్నబ్ తుపాను తీరం దాటింది.  తీరం దాటి 24 గంటలు గడుస్తున్నా, రాష్ట ప్రజలకు, రాష్ట్ర ప్రభుత్వానికి, ప్రభుత్వ యంత్రాంగానికి ఇసుమంతైనా వెసులుబాటు దక్కలేదు. రాష్ట్రవ్యాప్తంగా చేపట్టిన సహాయక ,  పునరుద్ధరణ చర్యలపై ఆంధ్రప్రదేశ్ ముఖ్యమంత్రి నారా చంద్రబాబు నాయుడు గురువారం (అక్టోబర్ 29) ఉదయం ఉన్నత స్థాయి సమీక్ష నిర్వహించారు. తుపాను తీరం దాటినా, దాని ప్రభావం ఇంకా రాష్ట్రంపై తీవ్రంగా ఉందనీ, మరో వారం రోజుల పాటు రాష్ట్రంలో భారీ నుంచి అతి భారీ వర్షాలు కురిసే అవకాశం ఉందన్న వాతావరణ శాఖ హెచ్చరికల నేపథ్యంలో ఆయన అధికార యంత్రాంగాన్ని అప్రమత్తం చేశారు.  క్షేత్ర స్థాయిలో  సాధారణ పరిస్థితులు నెలకొనేంత వరకు అధికార యంత్రాంగం  విశ్రమించవద్దని విస్పష్ట ఆదేశాలు జారీ చేశారు.  తుపాను తీవ్రత ఉన్నప్పటికీ అధికారులు, యంత్రాంగం, ప్రభుత్వం సమష్టి కృషితో ప్రాణ, ఆస్తి నష్టాన్ని గణనీయంగా తగ్గించగలిగామన్న సీఎం.. అవిశ్రాంతంగా శ్రమించిన అధికారులు, యంత్రాంగాన్ని అభినందిస్తూనే..   విపత్తు ప్రభావం నుంచి ప్రజలు పూర్తిగా కోలుకునే వరకు  నిరంతరం అప్రమత్తంగా ఉండాలని దిశా నిర్దేశం చేశారు.

ముఖ్యంగా తుపాను ప్రభావిత ప్రాంతాలన్నింటిలో రేపటిలోగా విద్యుత్ సరఫరాను పూర్తిస్థాయిలో పునరుద్ధరించాలనీ,  అలాగే తుపాను కారణంగా రోడ్లపై పడిపోయిన చెట్లు, పేరుకుపోయిన చెత్తాచెదారాన్ని తక్షణమే తొలగించి రాకపోకలను సులభతరం చేయాలని సూచించారు. నష్టపరిహారం చెల్లింపునకు సంబంధించి ఇప్పటికే ప్రభుత్వం ప్రత్యేక జీవోను జారీ చేసిందనీ, పంట నష్టం మినహా  బాధితులందరికీ పరిహారం అందజేసే ప్రక్రియను మరింత వేగవంతం చేయాలని  ఆదేశించారు.

ప్రస్తుతం ఆంధ్రప్రదేశ్ రెండు వైరుధ్యాలతో కూడిన విపత్కర పరిస్థితులను ఎదుర్కొంటోందన్న చంద్రబాబు.. ఒకవైపు రాయలసీమ ప్రాంతంలో ఎల్ నినో ప్రభావంతో తీవ్రమైన వర్షాభావ పరిస్థితులు, మరోవైపు కోస్తా,  ఉత్తరాంధ్ర జిల్లాలలో అర్నబ్ తుపాను కారణంగా పంటలు,   తోటలు పూర్తిగా దెబ్బతిన్నాయన్నారు. ఈ రెండు భిన్నమైన సమస్యలను సమర్థవంతంగా ఎదుర్కొని ప్రజలను, రైతులను అన్ని విధాలుగా ఆదుకోవాల్సిన బాధ్యత ప్రభుత్వంపై ఉందన్నారు.  

భారీ వర్షాలకు నీట మునిగిన పంటలను ఏ మేరకు కాపాడగలమనే అంశంపై వ్యవసాయ అధికారులు, శాస్త్రవేత్తలతో కలిసి  అధ్యయనం చేయాలన్నారు. మట్టిపాలు కాకుండా పంటలను రక్షించే మార్గాలపై ప్రణాళికలు రూపొందించాలని, నేలకూలిన కొబ్బరి చెట్లు సహా ఇతర ఉద్యాన పంటల మొక్కలను తిరిగి నాటే అవకాశాలను పరిశీలించాలని సూచించారు. పంట నష్టం అంచనాలను త్వరితగతిన పూర్తి చేసేందుకు ఆధునిక సాంకేతిక పరిజ్ఞానాన్ని పూర్తి స్థాయిలో వినియోగించుకోవాలని ఆదేశించారు.

వ్యవసాయ, ఉద్యాన రంగాల రైతులు నష్టపోయిన  వారికి ప్రభుత్వ పథకాలను సకాలంలో వర్తింపజేయాలని పేర్కొన్నారు. ప్రభుత్వం చేపడుతున్న సహాయక చర్యలను ఎప్పటికప్పుడు ప్రజలకు చేరవేయడం ద్వారా క్షేత్రస్థాయిలో మరింత మెరుగైన ఫలితాలు సాధించవచ్చని తెలిపారు. ఈ విపత్కర సమయంలో ప్రజా ప్రతినిధులు, యంత్రాంగం సమన్వయంతో పనిచేసి ప్రజలకు అండగా నిలవాలని ఆయన పునరుద్ఘాటించారు.

[AP CM Chandrababu Naidu Praises overnment machinery, Arnab Cyclone Andhra Pradesh, Relief and Restoration Works, AP Officials Teleconference, Caution, No Relax, Crop Loss Compensation, Normalcy, Ground, Level, Telugu One]

By
en-us Political News

  
ఎండల తీవ్రత, ఎల్ నినో ఎఫెక్ట్ తో జలాశయాల్లో నీటి మట్టాలు తగ్గుతుండటంతో తిరుమలలో భక్తులకు తాగునీటి సమస్యలు తలెత్తకుండా తిరుమల తిరుపతి దేవస్థానం  అప్రమత్తమైంది. ముందు జాగ్రత్తగా నీటి పొదుపు, సమర్థవంతమైన నీటి యాజమాన్య చర్యలను ప్రారంభించింది
మూడు వేల కోట్ల రూపాయల బకాయిలు విడుదల చేసినట్లు అసెంబ్లీ వేదికగా వెల్లడించామనీ   ఆ హామీకి ప్రభుత్వం పూర్తిగా కట్టుబడి ఉందని మంత్రి లోకేశ్  స్పష్టం చేశారు. చెల్లింపుల ప్రక్రియ సాగే కొద్దీ బడ్జెట్ అంచనాలు సవరించబడతాయని చెప్పారు.
హత్యాయత్నం  కేసుల్లో నిందితులుగా ఉన్న రౌడీ షీటర్లను పోలీసులు అరెస్ట్ చేయకుండా వదిలేయడం వల్లే ఇలాంటి దాడులు జరుగుతున్నాయన్న బీటెక్ రవి,  పోలీసులు తక్షణమే కఠిన చర్యలు తీసుకోకపోతే అధికార పార్టీలో ఉన్నప్పటికీ తానే స్వయంగా డీఎస్పీ కార్యాలయం ఎదుట రోడ్డుపై బైఠాయించి నిరసన తెలపాల్సి వస్తుందని ఆయన హెచ్చరించారు.
బనగానపల్లెలోని ఎంపీడీవో కార్యాలయానికి చేరుకున్న ఇందిరా రెడ్డి, ఎన్నికల రిటర్నింగ్ అధికారికి తన నామినేషన్ పత్రాలను అందజేశారు. ఈ సందర్భంగా కూటమికి చెందిన పలువురు నాయకులు, కార్యకర్తలు పెద్ద సంఖ్యలో హాజరై ఆమెకు మద్దతు పలికారు.  
వాటి ద్వారా ఎంతమంది కార్మికులకు నిజమైన ఉపాధి లభిస్తోంది, మొబైల్ యాప్, నైపుణ్య శిక్షణ ఎలా అమలవుతాయనే అంశాలపై ఇప్పుడు సర్వత్రా ఆసక్తి నెలకొంది. కేవలం వసతి కేంద్రంగానే కాకుండా సమర్థవంతమైన ఉపాధి వేదికగా లేబర్ అడ్డాలను నిలబెట్టడమే తమ లక్ష్య మని ముఖ్యమంత్రి చంద్రబాబు చెబుతున్నారు.
మూడో విడత ఎన్నికలకు సంబంధించి  నవంబర్ 21న రిటర్నింగ్ అధికారులు ఫారమ్-1 ద్వారా నోటీసు జారీ చేసి, వార్డుల వారీగా ఓటర్ల జాబితాలను ప్రదర్శిస్తారు. అదే రోజు నుంచి నవంబర్ 23వ తేదీ వరకు  అభ్యర్థుల నుంచి నామినేషన్లు స్వీకరిస్తారు.   నామినేషన్ల పరిశీలనను నవంబర్ 24న చేపట్టనున్నారు.
తన వ్యక్తిగత, వృత్తిపరమైన ప్రతిష్ఠను దెబ్బతీసేందుకు కొందరు కావాలనే కల్పిత కథనాలను ప్రచారం చేస్తున్నారని, ఇలాంటి నిరాధార ఆరోపణలను తాను చట్టబద్ధంగా ఎదుర్కొంటానని ఆమె ఆ ప్రకటనలో విస్పష్టంగా పేర్కొన్నారు. 
1999 డిసెంబర్ 28న పనులు ఆరంభమయ్యాయి. ఆ రోజు నుంచి టీటీడీ అధికారులు చెప్పిన రెండు నెలల గడువుకు కేవలం 49 రోజులే మిగిలింది. అంటే తిరుమలకు నీటిని తరలించే విషయంపై జరిపిన మేధో మథనం 11 రోజుల్లో ముగిసింది. సరిగ్గా 1999 డిసెంబర్ 28 నుంచి కౌంట్ డౌన్ మొదలైంది.  
ఏపీ భూ ఉపరితలంపై నుంచి వీస్తున్న పొడి గాలుల కారణంగా అక్వాన్ తుపాను తీవ్రత కోల్పోయింది. ప్రస్తుతం ఇది తీవ్ర వాయుగుండంగా మారింది. రేపటికి ఇది మరింత బలహీనపడి శుక్రవారం (నవంబర్ 20)  నాటికి  సాధారణ వాయుగుండంగా మారి తీరాన్ని దాటే అవకాశం ఉందని వాతావరణ శాఖ పేర్కొంది.
నవంబర్ లో బంగాళాఖాతంలో తుపాను ఏర్పడిందన్న వార్త వింటే ఆంధ్రప్రజలకు దివిసీమ, కోనసీమ ఉప్పెనలే గుర్తుకు వవస్తాయి. 1977 నవంబర్ 19న దివిసీమ ఉప్పెన, 1996 నవంబర్ 6న కోనసీమ ఉప్పెన లు రాష్ట్ర తీర ప్రాంతాలను అతలాకుతలం చేశాయి. వందలాది ప్రాణాలను హరించాయి. ఊళ్లకు ఊళ్లు తుడిచిపెట్టుకు పోయాయి. 
గత ఆరు గంటల వ్యవధిలో గంటకు  3 కిలోమీటర్ల వేగంతో కదులుతున్న అక్వాన్ తుపాను,   చెన్నైకి 590 కిలోమీటర్లు, మచిలీపట్నం,  విశాఖపట్నాలకు 620 కిలోమీటర్లు, ఒడిశాలోని గోపాల్‌పూర్‌కు 750 కిలోమీటర్ల దూరంలో కేంద్రీకృతమై ఉంది.  
 తుపాను తీరం దాటే సమయంలో సముద్రం  అల్లకల్లోలంగా మారుతుందనీ, అలలు సాధారణం కంటే కనీసం   రెండు మీటర్ల ఎత్తు వరకు ఎగసిపడే అవకాశం ఉందని వాతావరణ శాఖ హెచ్చరించింది. అలాగే తుపాను తీరం దాటే సమయంలో 160 కిలోమీటర్లకు మించిన వేగంతో పెనుగాలులు వీస్తాయనీ పేర్కొంది.  
ఆంధ్రప్రదేశ్ సీఎం చంద్రబాబునాయుడు ఆర్టీజీసీఅధికారులు, ఉన్నతాధికారులతో టెలీకాన్ఫరెన్స్ తో పరిస్థితిని సమీక్షించారు.  తుపాను కదలికలు,  తీవ్రత,  రాష్ట్రంపై ఆ తుపాను ప్రభావం తదితర అంశాలపై ఆయన అధికారులతో చర్చించారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.