నెల్లూరు టీడీపీలో వర్గ విభేదాలు.. బీద రవిచంద్రపై మంత్రి ఆనం ఆగ్రహం.!

Publish Date:Oct 27, 2026

Advertisement

నెల్లూరు జిల్లా తెలుగుదేశం పార్టీలో అంతర్గత విభేదాలు మరోసారి తెరపైకి వచ్చాయి. జిల్లా టీడీపీ అధ్యక్షుడు బీద రవిచంద్ర, జిల్లా టీడీపీ అబ్జర్వర్ గుండి రాకేష్ వ్యవహారంపై మంత్రి ఆనం రామనారాయణరెడ్డి తీవ్ర అసహనం వ్యక్తం చేసినట్లు సమాచారం. తన నియోజకవర్గంలో పార్టీకి వ్యతిరేకంగా పనిచేస్తున్న వారికి ప్రాధాన్యం ఇస్తూ, తనకు తెలియకుండానే జెడ్పీటీసీ అభ్యర్థులకు బీ ఫారాలు ఎలా అందజేస్తారంటూ ఆయన ఆగ్రహం వ్యక్తం చేసినట్లు తెలుస్తోంది.

జిల్లా టీడీపీ కార్యాలయంలో జెడ్పీటీసీ అభ్యర్థులకు బీ ఫారాలు అందజేసే కార్యక్రమం సందర్భంగా ఈ వివాదం చోటుచేసుకున్నట్లు ప్రచారం జరుగుతోంది. తన నియోజకవర్గంలో పార్టీకి వ్యతిరేకంగా పనిచేస్తున్న వారి సూచనల మేరకు అభ్యర్థులకు బీ ఫారాలు ఎలా ఇస్తారని మంత్రి ఆనం ప్రశ్నించినట్లు సమాచారం. అలాంటి వ్యక్తులను పార్టీ కార్యాలయానికి ఎలా రానిస్తారంటూ తీవ్రస్థాయిలో అసహనం వ్యక్తం చేసినట్లు తెలుస్తోంది.

'ఇన్ని జరుగుతున్నా తలవంచుకుని పోతున్నా.. తల ఎత్తితే మీరు రాజకీయాలు చేయలేరు' అంటూ మంత్రి ఆనం వ్యాఖ్యానించినట్లు రాజకీయ వర్గాల్లో చర్చ జరుగుతోంది. అయితే, ఈ వ్యాఖ్యలపై అధికారికంగా స్పష్టత రావాల్సి ఉంది.

జిల్లా రాజకీయాల్లో వర్గపోరుకు కారణం ఎవరు.?

నెల్లూరు జిల్లా రాజకీయాల్లో ఎంపీ వేమిరెడ్డి ప్రభాకర్‌రెడ్డి కీలక పాత్ర పోషిస్తున్న నేపథ్యంలో, పార్టీలో చోటుచేసుకుంటున్న పరిణామాలపై ఆయన దృష్టి సారించాలని మంత్రి ఆనం సూచించినట్లు సమాచారం. రాజకీయ వ్యవహారాలపై అవగాహన ఉన్న చంద్రమోహన్‌రెడ్డి వంటి నేతల నుంచి నేర్చుకోవాలంటూ హితవు పలికినట్లు ప్రచారం జరుగుతోంది.

ఇప్పటికే జిల్లా పరిషత్ చైర్మన్ అభ్యర్థి ఎంపిక విషయంలోనూ టీడీపీలో విభేదాలు తలెత్తినట్లు రాజకీయ వర్గాల్లో చర్చ జరిగింది. పోలంరెడ్డి శ్రీనివాసులురెడ్డిని అభ్యర్థిగా ఎంపీ వేమిరెడ్డి ప్రభాకర్‌రెడ్డి సూచించగా, బీద రవిచంద్ర మాత్రం వంటేరు వేణుగోపాల్‌రెడ్డికి మద్దతు తెలిపినట్లు ప్రచారం సాగింది. చివరకు వేమిరెడ్డి సూచించిన పోలంరెడ్డి శ్రీనివాసులురెడ్డే జెడ్పీ చైర్మన్ అభ్యర్థిగా నిలిచినట్లు సమాచారం.

ఈ పరిణామాలు సద్దుమణగకముందే జెడ్పీటీసీ బీ ఫారాల పంపిణీ అంశం మరోసారి పార్టీలో చర్చకు దారితీసినట్లు తెలుస్తోంది. ఆత్మకూరు నియోజకవర్గంలో మంత్రి ఆనం రామనారాయణరెడ్డికి వ్యతిరేకంగా పనిచేస్తున్నారని భావిస్తున్న కన్నబాబుకు బీద రవిచంద్ర ప్రాధాన్యం ఇస్తున్నారన్న ఆరోపణలు వినిపిస్తున్నాయి. అంతేకాకుండా, మంత్రి ఆనం దృష్టికి తీసుకురాకుండానే జెడ్పీటీసీ అభ్యర్థులకు బీ ఫారాలు అందజేశారన్న ప్రచారం కూడా రాజకీయ వర్గాల్లో సాగుతోంది.

టీడీపీకి నష్టం తప్పదా.?

జిల్లాలో పార్టీ అంతర్గత వ్యవహారాలు, అభ్యర్థుల ఎంపికలో సమన్వయ లోపాలు, నేతల మధ్య విభేదాలు టీడీపీకి ఇబ్బందికరంగా మారే అవకాశముందన్న అభిప్రాయాలు వ్యక్తమవుతున్నాయి. పార్టీ నాయకత్వం వర్గ విభేదాలను నియంత్రించకపోతే భవిష్యత్తులో రాజకీయంగా నష్టం జరిగే ప్రమాదం ఉందని విశ్లేషకులు అభిప్రాయపడుతున్నారు.అయితే, ఈ వివాదంపై సంబంధిత నేతల అధికారిక స్పందనలు వెలువడాల్సి ఉంది.కాగా, జిల్లా టీడీపీ కార్యాలయంలో జరిగిన ఈ కార్యక్రమంలో ఎంపీ వేమిరెడ్డి ప్రభాకర్‌రెడ్డితో పాటు జిల్లాకు చెందిన పలువురు ఎమ్మెల్యేలు, టీడీపీ నాయకులు పాల్గొన్నారు.

 

 

 

[ Anam Ramanarayana Reddy, Beeda Ravichandra, Gundi Rakesh, Nellore TDP, Nellore Politics, TDP Internal Disputes, TDP Group Politics, ZPTC Candidates, ZPTC B-Forms, Vemireddy Prabhakar Reddy, Polamreddy Srinivasulu Reddy, Vanteru Venugopal Reddy, Atmakur Politics, Andhra Pradesh Politics ]

By
en-us Political News

  
ఎండల తీవ్రత, ఎల్ నినో ఎఫెక్ట్ తో జలాశయాల్లో నీటి మట్టాలు తగ్గుతుండటంతో తిరుమలలో భక్తులకు తాగునీటి సమస్యలు తలెత్తకుండా తిరుమల తిరుపతి దేవస్థానం  అప్రమత్తమైంది. ముందు జాగ్రత్తగా నీటి పొదుపు, సమర్థవంతమైన నీటి యాజమాన్య చర్యలను ప్రారంభించింది
మూడు వేల కోట్ల రూపాయల బకాయిలు విడుదల చేసినట్లు అసెంబ్లీ వేదికగా వెల్లడించామనీ   ఆ హామీకి ప్రభుత్వం పూర్తిగా కట్టుబడి ఉందని మంత్రి లోకేశ్  స్పష్టం చేశారు. చెల్లింపుల ప్రక్రియ సాగే కొద్దీ బడ్జెట్ అంచనాలు సవరించబడతాయని చెప్పారు.
హత్యాయత్నం  కేసుల్లో నిందితులుగా ఉన్న రౌడీ షీటర్లను పోలీసులు అరెస్ట్ చేయకుండా వదిలేయడం వల్లే ఇలాంటి దాడులు జరుగుతున్నాయన్న బీటెక్ రవి,  పోలీసులు తక్షణమే కఠిన చర్యలు తీసుకోకపోతే అధికార పార్టీలో ఉన్నప్పటికీ తానే స్వయంగా డీఎస్పీ కార్యాలయం ఎదుట రోడ్డుపై బైఠాయించి నిరసన తెలపాల్సి వస్తుందని ఆయన హెచ్చరించారు.
బనగానపల్లెలోని ఎంపీడీవో కార్యాలయానికి చేరుకున్న ఇందిరా రెడ్డి, ఎన్నికల రిటర్నింగ్ అధికారికి తన నామినేషన్ పత్రాలను అందజేశారు. ఈ సందర్భంగా కూటమికి చెందిన పలువురు నాయకులు, కార్యకర్తలు పెద్ద సంఖ్యలో హాజరై ఆమెకు మద్దతు పలికారు.  
వాటి ద్వారా ఎంతమంది కార్మికులకు నిజమైన ఉపాధి లభిస్తోంది, మొబైల్ యాప్, నైపుణ్య శిక్షణ ఎలా అమలవుతాయనే అంశాలపై ఇప్పుడు సర్వత్రా ఆసక్తి నెలకొంది. కేవలం వసతి కేంద్రంగానే కాకుండా సమర్థవంతమైన ఉపాధి వేదికగా లేబర్ అడ్డాలను నిలబెట్టడమే తమ లక్ష్య మని ముఖ్యమంత్రి చంద్రబాబు చెబుతున్నారు.
మూడో విడత ఎన్నికలకు సంబంధించి  నవంబర్ 21న రిటర్నింగ్ అధికారులు ఫారమ్-1 ద్వారా నోటీసు జారీ చేసి, వార్డుల వారీగా ఓటర్ల జాబితాలను ప్రదర్శిస్తారు. అదే రోజు నుంచి నవంబర్ 23వ తేదీ వరకు  అభ్యర్థుల నుంచి నామినేషన్లు స్వీకరిస్తారు.   నామినేషన్ల పరిశీలనను నవంబర్ 24న చేపట్టనున్నారు.
తన వ్యక్తిగత, వృత్తిపరమైన ప్రతిష్ఠను దెబ్బతీసేందుకు కొందరు కావాలనే కల్పిత కథనాలను ప్రచారం చేస్తున్నారని, ఇలాంటి నిరాధార ఆరోపణలను తాను చట్టబద్ధంగా ఎదుర్కొంటానని ఆమె ఆ ప్రకటనలో విస్పష్టంగా పేర్కొన్నారు. 
1999 డిసెంబర్ 28న పనులు ఆరంభమయ్యాయి. ఆ రోజు నుంచి టీటీడీ అధికారులు చెప్పిన రెండు నెలల గడువుకు కేవలం 49 రోజులే మిగిలింది. అంటే తిరుమలకు నీటిని తరలించే విషయంపై జరిపిన మేధో మథనం 11 రోజుల్లో ముగిసింది. సరిగ్గా 1999 డిసెంబర్ 28 నుంచి కౌంట్ డౌన్ మొదలైంది.  
ఏపీ భూ ఉపరితలంపై నుంచి వీస్తున్న పొడి గాలుల కారణంగా అక్వాన్ తుపాను తీవ్రత కోల్పోయింది. ప్రస్తుతం ఇది తీవ్ర వాయుగుండంగా మారింది. రేపటికి ఇది మరింత బలహీనపడి శుక్రవారం (నవంబర్ 20)  నాటికి  సాధారణ వాయుగుండంగా మారి తీరాన్ని దాటే అవకాశం ఉందని వాతావరణ శాఖ పేర్కొంది.
నవంబర్ లో బంగాళాఖాతంలో తుపాను ఏర్పడిందన్న వార్త వింటే ఆంధ్రప్రజలకు దివిసీమ, కోనసీమ ఉప్పెనలే గుర్తుకు వవస్తాయి. 1977 నవంబర్ 19న దివిసీమ ఉప్పెన, 1996 నవంబర్ 6న కోనసీమ ఉప్పెన లు రాష్ట్ర తీర ప్రాంతాలను అతలాకుతలం చేశాయి. వందలాది ప్రాణాలను హరించాయి. ఊళ్లకు ఊళ్లు తుడిచిపెట్టుకు పోయాయి. 
గత ఆరు గంటల వ్యవధిలో గంటకు  3 కిలోమీటర్ల వేగంతో కదులుతున్న అక్వాన్ తుపాను,   చెన్నైకి 590 కిలోమీటర్లు, మచిలీపట్నం,  విశాఖపట్నాలకు 620 కిలోమీటర్లు, ఒడిశాలోని గోపాల్‌పూర్‌కు 750 కిలోమీటర్ల దూరంలో కేంద్రీకృతమై ఉంది.  
 తుపాను తీరం దాటే సమయంలో సముద్రం  అల్లకల్లోలంగా మారుతుందనీ, అలలు సాధారణం కంటే కనీసం   రెండు మీటర్ల ఎత్తు వరకు ఎగసిపడే అవకాశం ఉందని వాతావరణ శాఖ హెచ్చరించింది. అలాగే తుపాను తీరం దాటే సమయంలో 160 కిలోమీటర్లకు మించిన వేగంతో పెనుగాలులు వీస్తాయనీ పేర్కొంది.  
ఆంధ్రప్రదేశ్ సీఎం చంద్రబాబునాయుడు ఆర్టీజీసీఅధికారులు, ఉన్నతాధికారులతో టెలీకాన్ఫరెన్స్ తో పరిస్థితిని సమీక్షించారు.  తుపాను కదలికలు,  తీవ్రత,  రాష్ట్రంపై ఆ తుపాను ప్రభావం తదితర అంశాలపై ఆయన అధికారులతో చర్చించారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.