World News | Latest International News & Global Updates

ఇరాక్ దాడుల వెనుక రష్యా సహకారం.. నిఘా సమాచారాన్ని ఇచ్చి పడేసింది.!

పశ్చిమాసియాలో ఉద్రిక్తతలు మరింత ముసరుకుంటున్నాయి. అమెరికాకు చెందిన కీలకమైన సైనిక స్థావరాలు, వ్యూహాత్మక ఆస్తులపై ఇరాన్ జరిపిన ప్రతి దాడుల వెనుక రష్యా అధునాతన ఉపగ్రహాల హస్తం ఉందనే వాదనలు ఇప్పుడు అంతర్జాతీయంగా హాట్ టాపిక్ గా మారాయి. ఈ సరికొత్త పరిణామం ప్రపంచ దేశాల దౌత్య సంబంధాల్లో పెను ప్రకంపనలు సృష్టిస్తోంది. అమెరికా రక్షణ రంగానికి, దాని మిత్రదేశాలకు ఇరాన్ కు రష్యా సమాచారం వార్త ఆందోళనకరమైన పరిణామంగా నిపుణులు అభివర్ణిస్తున్నారు. ఇరాన్ దాడుల దాడుల వెనుక రష్యా సాంకేతిక సహకారం గురించి నిఘా వర్గాలు పలు కీలక విషయాలను వెల్లడించాయి. మాస్కో అందించిన ఖచ్చితమైన గూఢచార చిత్రాలు, మ్యాపింగ్ డేటా సహాయంతోనే ఇరాన్ తన క్షిపణులు, డ్రోన్ల ద్వారా లక్ష్యాలను సులభంగా ఛేదించగలిగిందని నివేదికలు చెబుతున్నాయి. సుదూర ప్రాంతాలలో ఉన్న అమెరికా మరియు, దాని మిత్రదేశాల బలగాల కదలికలను ముందే పసిగట్టడంలో రష్యాకు చెందిన నిఘా ఉపగ్రహాలు కీలక పాత్ర పోషించాయని అంటున్నాయి. వ్యూహాత్మక సమాచార మార్పిడి ద్వారా ఇరాన్, రష్యాలు రక్షణ రంగంలో తమ సహకారాన్ని మరింత పటిష్టం చేసుకుంటున్నాయన్న అనుమానాలు బలపడేందుకు ఇది దోహదం చేస్తున్నది. ఈ తరహా సాంకేతిక మద్దతు కేవలం ఒక ప్రాంతానికి పరిమితం కాకుండా పలు దేశాల పరిధిలో విస్తరించి ఉందని పరిశీలకులు విశ్లేషిస్తున్నారు. పశ్చిమాసియాలోని వివిధ వ్యూహాత్మక ప్రాంతాలు, సైనిక స్థావరాలు, ఇంధన కేంద్రాలు, కీలక మౌలిక వసతులపై రష్యా ఉపగ్రహాలు నిరంతరం నిఘా ఉంచిఅందుకు సంబంధించిన చిత్రాలను ఎప్పటికప్పుడు విశ్లేషించి ఇరాన్ బలగాలకు అందించడం వలనే ఇరాన్ అత్యంత కచ్చితత్వంతో దాడులకు పాల్పడగలుగుతోందని అంటున్నారు. ఈ అనూహ్య పరిణామాల పట్ల వాషింగ్టన్ అప్రమత్తమైంది. గ్లోబల్ భద్రతా సమీకరణాలలో అనూహ్య మార్పులు వస్తున్న తరుణంలో, అమెరికా తన రక్షణ వ్యూహాలను మార్చుకోక తప్పని అనవార్య పరిస్థితిలోకి వెళ్లింది. రష్యా, ఇరాన్ దేశాల మధ్య ఏర్పడిన ఈ రహస్య ఒప్పందాలు అంతర్జాతీయ శాంతికి భంగం కలిగిస్తున్నాయని అమెరికా మండిపడుతోంది. భవిష్యత్తులో ఈ తరహా ఉమ్మడి చర్యలు ఏ విధంగా ఉండబోతున్నాయనే దానిపై అగ్రరాజ్యం నిశితంగా పరిశీలిస్తోంది. చాలా కాలంగా అంతర్జాతీయ వేదికలపై అమెరికా ఆధిపత్యానికి వ్యతిరేకంగా మాస్కో, ఇరాన్ లు కలిసి పనిచేస్తున్న విషయం తెలిసిందే. అయితే.. నేరుగా ఉపగ్రహ సాంకేతికత గూఢచార సమాచారాన్ని పంచుకోవడం ద్వారా అమెరికా ఆస్తులను టార్గెట్ చేయడంలో రష్యా ఇరాన్ కు సహకరించడం, సాయం చేయడం అన్నది ప్రమాద ఘంటికలు మోగిస్తున్నది. ఉక్రెయిన్ సంక్షోభం తర్వాత పశ్చిమాసియాలో రష్యా తన ప్రాభవాన్ని చాటుకోవడానికి, అమెరికాను ఇరుకున పెట్టడానికి ఈ వ్యూహాన్ని ఎంచుకుందని అంతర్జాతీయ దౌత్య రంగ నిపుణులు అంటున్నారు. ఈ పరిణామాలు రాబోయే రోజుల్లో ప్రపంచ దేశాల మధ్య విభేదాలు పెచ్చరిల్లి, ప్రమాదకర ఘర్షణలకు దారితీసే అవకాశం ఉందని హెచ్చరిస్తున్నారు. రక్షణ రంగంలో సాంకేతిక పరిజ్ఞానాన్ని ప్రత్యర్థులకు బదిలీ చేయడం ద్వారా అంతర్జాతీయ చట్టాలకు రష్యా తూట్లు పొడుస్తోందన్న విమర్శలు వెల్లువెత్తుతున్నాయి. మరోవైపు, ఇరాన్ తన సైనిక సామర్థ్యాన్ని మరింత పెంచుకోవడానికి రష్యా సహాయాన్ని ఏ విధంగా ఉపయోగించుకుంటోంది అనే దానిపై నిఘా సంస్థలు దృష్టి పెట్టాయి. భవిష్యత్తులో పశ్చిమాసియాలో శాంతిభద్రతల పరిరక్షణ మరింత క్లిష్టతరంగా మారనుందని అంతర్జాతీయ నిపుణులు ఆందోళన వ్యక్తం చేస్తున్నారు. అమెరికా తన దళాల రక్షణ కోసం మరిన్ని కఠినమైన భద్రతా చర్యలను అమలు చేయవలసిన పరిస్థితి ఏర్పడింది. కేవలం భౌతిక దాడులే కాకుండా సైబర్ భద్రత, డిజిటల్ నిఘా రంగాలలో కూడా రష్యా, ఇరాన్ కలిసి పనిచేస్తున్నాయనే ఆరోపణలు.. రానున్న రోజుల్లో దౌత్యపరమైన ఉద్రిక్తతలను మరింత పెంచేలా కనిపిస్తున్నాయి. [satellites, Iranian attacks, US bases, West Asian tensions, intelligence information, Telugu One]

Published on: Wed Sep 16, 2026 3:03PM

ఇరాన్ తో యుద్ధం.. ఆర్థికంగా అమెరికా కుదేలు.!

ఇరాన్‌తో కొనసాగుతున్న సైనిక ఘర్షణ కారణంగా అమెరికాపై మోయలేని ఆర్థిక భారం పడుతోంది. ఈ ఏడాది జులై వరకు పెంటగాన్ కేవలం ఇరాన్ తో యుద్ధం కోసమే 38 బిలియన్‌ డాలర్లు, అంటే ఇండియన్ కరెన్సీలో దాదాపు 3.65 లక్షల కోట్ల రూపాయలు ఖర్చు చేసినట్లు కాంగ్రెషనల్ బడ్జెట్ ఆఫీస్ (సీబీఓ) తాజా నివేదిక వెల్లడించింది. మధ్యప్రాచ్యంలో నెలకొన్న ఉద్రిక్తతల నడుమ అమెరికన్ రక్షణ శాఖ బడ్జెట్‌పై ఈ యుద్ధం తీవ్ర ప్రభావాన్ని చూపుతోందనడానికి ఈ నివేదికే నిలువెత్తు సాక్ష్యం. ఇరాన్ తో యుద్ధంకు సంబంధించిన సైనిక కార్యకలాపాల వ్యయ వివరాలను పరిశీలిస్తే.. ధ్వంసమైన లేదా వినియోగించిన క్షిపణులు, ఇతర మందుగుండు సామగ్రిని తిరిగి భర్తీ చేసేందుకే అత్యధికంగా నిధులు ఖర్చయ్యాయి. ఈ ఒక్క విభాగం కింద సుమారు 21.7 బిలియన్‌ డాలర్లు వెచ్చించినట్లు అంచనా. ఇందులో ప్రధానంగా క్షిపణి రక్షణ ఇంటర్‌సెప్టర్ల కోసం 13.1 బిలియన్‌ డాలర్లు, ల్యాండ్ అటాక్ క్రూయిజ్ క్షిపణుల కోసం 7.3 బిలియన్‌ డాలర్లు కేటాయించారు. ఇవి కాకుండా అదనపు విమానాల నిర్వహణ గంటల కోసం 10.4 బిలియన్‌ డాలర్లు, రక్షణ రంగ ఇంధన ఖర్చుల నిమిత్తం 2.7 బిలియన్‌ డాలర్లు, యుద్ధంలో కోల్పోయిన పరికరాల కోసం 1.9 బిలియన్‌ డాలర్లు, ఇతర కార్యాచరణ ఖర్చుల కింద 1.5 బిలియన్‌ డాలర్లు ఖర్చయ్యాయని నివేదిక వెల్లడించింది. ఇరాన్ దాడుల కారణంగా ధ్వంసమైన అమెరికన్ సైనిక సదుపాయాల మరమ్మతులు, పునర్నిర్మాణానికి సంబంధించిన వ్యయం ఈ అంచనాలలో చేర్చలేదు. వాటిని కూడా పరిగణలోకి తీసుకుంటే ఈ మొత్తం మరింత పెరిగుతుంది. మరోవైపు, ఇరాన్‌తో జరుగుతున్న యుద్ధ తీవ్రతను బట్టి ముందు ముందు నెలనెలా మరో 2నుంచి 3 బిలియన్‌ డాలర్ల వరకు అదనంగా ఖర్చయ్యేలా ఉందన్నది సీబీఓ అంచనా. ఈ ఘర్షణల కారణంగా లో అమెరికా రక్షణ రంగ మందుగుండు నిల్వలు కూడా వేగంగా తరిగిపోతున్నాయి. క్షిపణి రక్షణ ఇంటర్‌సెప్టర్ల వినియోగాన్ని పరిశీలిస్తే.. అమెరికా తన వద్ద ఉన్న మొత్తం నిల్వలలో దాదాపు మూడింట రెండు వంతుల భాగాన్ని ఇప్పటికే వాడేసినట్లు సమాచారం. ఇది భవిష్యత్తులో దేశ రక్షణ సన్నద్ధతపై ప్రభావం చూపే ప్రమాదం ఉందని నిపుణులు ఆందోళన వ్యక్తం చేస్తున్నారు. ఈ పరిణామాల నడుమ డోనాల్డ్ ట్రంప్ ప్రభుత్వం అదనపు నిధుల కోసం కాంగ్రెస్‌ను ఆశ్రయించింది. అమెరికా రక్షణ శాఖ కార్యకలాపాలు, ఇతర అత్యవసర అవసరాల నిమిత్తం 87.6 బిలియన్‌ డాలర్ల అదనపు నిధులను సమకూర్చాల్సిందిగా శ్వేతసౌధం ప్రతిపాదనలు పంపింది. ఇందులో సుమారు 67.1 బిలియన్‌ డాలర్లు నేరుగా పెంటగాన్‌కే చెందుతాయని, సుమారు 42.3 బిలియన్‌ డాలర్లు ప్రత్యక్షంగా ఇరాన్ యుద్ధానికే ఖర్చవుతాయని అంచనా వేస్తున్నారు. అయితే, ఈ భారీ యుద్ధ ఖర్చులపై అమెరికా రాజకీయ వర్గాలలో వ్యతిరేకత వ్యక్తమవుతోంది. దేశీయంగా నిత్యావసరాలు, ద్రవ్యోల్బణం, ఇంధన ధరల భారం పెరుగుతున్న తరుణంలో, ఈ స్థాయిలో నిధులు వెచ్చించడం పట్ల పలువురు చట్టసభ సభ్యులు ఆందోళన వ్యక్తం చేస్తున్నారు. [US Iran War, Pentagon Expenses, Congressional Budget Office, US Military Budget, Donald Trump Iran Policy]

Published on: Wed Sep 16, 2026 10:28AM

డ్రోన్లని భ్రమపడి గాల్లోకి దూసుకెళ్లిన నాటో యుద్ధ విమానాలు.. తీరా చూస్తే షాకింగ్ నిజం..!

ఐరోపా గగనతలంలో నెలకొన్న ఉద్రిక్తతల నడుమ రక్షణ రంగంలో ఒక విచిత్రమైన ఘటన చోటుచేసుకుంది. శత్రు దేశాల నుంచి డ్రోన్ల దాడి జరుగుతోందన్న అప్రమత్తతతో నాటో రక్షణ దళాలు ఒక్కసారిగా అప్రమత్తమయ్యాయి. ఒక సభ్య దేశానికి చెందిన రాడార్ వ్యవస్థలు గగనతలంలో కొన్ని అనుమానాస్పద కదలికలను గుర్తించాయి. ఆ సంకేతాలు శత్రువులు ప్రయోగించిన మానవహిత రహిత డ్రోన్ల దండును పోలి ఉండటంతో కమాండ్ సెంటర్ తక్షణమే స్పందించింది. పరిస్థితి తీవ్రతను దృష్టిలో ఉంచుకుని అత్యవసర ఉత్తర్వులు జారీ అయ్యాయి. గగనతల భద్రతను కాపాడేందుకు సిద్ధంగా ఉన్న అత్యాధునిక యుద్ధ విమానాలు క్షణాల వ్యవధిలో గాల్లోకి దూసుకెళ్లాయి. నిర్దేశిత ప్రాంతానికి వేగంగా చేరుకున్న పైలట్లు అక్కడ ఎలాంటి ప్రమాదకర వస్తువులు లేకపోవడంతో విస్తుపోయారు. రాడార్ తెరలపై కనిపించిన ఆకృతులు డ్రోన్లకు సంబంధించినవి కాదని, అవి పక్షుల గుంపు అని గుర్తించి ఆశ్చర్యపోయారు. కొన్ని ప్రత్యేక వాతావరణ పరిస్థితుల్లో వందలాది పక్షులు ఒకే వరుసలో ప్రయాణిస్తున్నప్పుడు రాడార్ సంకేతాలు తప్పుగా అర్థం చేసుకునే అవకాశం ఉందని నిపుణులు వివరిస్తున్నారు. పక్షుల గుంపు విసిరే ప్రతిబింబాలు డ్రోన్ల తరహాలోనే కనిపించడంతో ఈ గందరగోళం తలెత్తింది. భద్రతా చర్యల్లో భాగంగా ముందు జాగ్రత్తగా ఒక ప్రధాన అంతర్జాతీయ విమానాశ్రయంలో రాకపోకలను తాత్కాలికంగా నిలిపివేశారు. అయితే అసలు నిజం బయటపడటంతో అధికారులు ఊపిరి పీల్చుకుని తక్కువ సమయంలోనే ఆంక్షలను ఎత్తివేశారు. ప్రస్తుత భౌగోళిక రాజకీయ పరిస్థితుల కారణంగా సరిహద్దుల్లో ఎటువంటి అనుమానాస్పద కదలికలు జరిగినా రక్షణ దళాలు అత్యంత తీవ్రంగా స్పందిస్తున్నాయి. ఈ ఘటనతో రాడార్ సాంకేతికతను మరింత మెరుగుపరచాల్సిన అవసరంపై మళ్లీ చర్చ మొదలైంది. భవిష్యత్తులో ఇలాంటి సాంకేతిక పొరపాట్లు పునరావృతం కాకుండా ఉండటానికి రక్షణ విభాగాలు సరికొత్త విధానాలను పరిశీలిస్తున్నాయి. ఎలాంటి ప్రమాదం లేదని తేలడంతో ప్రయాణికులు, స్థానికులు ఊపిరి పీల్చుకున్నారు. [ NATO jets, intercept drones, bird flock radar confusion, international news, Lithuania airport alert, Telugu News, Telugu One ]

Published on: Tue Sep 15, 2026 4:49PM

అంతరిక్షంలో అమెరికా ఆయుధాలు.!

అంతరిక్షంలోనూ అమెరికా ఆయుధాగారాలు ఉన్నాయా? భూమి, సముద్రం, ఆకాశం.. ఇలా ఏవీ అమెరికా యుద్ధ ఉన్మాద వ్యాప్తికి అతీతం కాదా, అంటే అమెరికా తాజాగా చేసిన ప్రకటనను బట్టి ఔననే అనాల్సి వస్తున్నది. అమెరికా తమ ఆయుధాలు అంతరిక్ష కక్ష్యలోనూ ఉన్నట్ుల స్వయంగా ప్రకటించింది. ఇంత కాలం గోప్యంగా ఉంచిన ఈ వ్యూహాత్మక అంశాన్ని ఆ దేశ స్పేస్‌ ఫోర్స్‌ అత్యున్నత స్థాయి సదస్సులో వెల్లడించింది. శత్రు దేశాల నుంచి ఎదురయ్యే ముప్పులను తిప్పికొట్టేందుకు ఆయుధాలను కక్ష్యలో మోహరంచినట్లు అమెరికా రక్షణ వర్గాలు వెల్లడించాయి. మేరీల్యాండ్‌లో జరిగిన సదస్సులో అమెరికా ఎయిర్ ఫోర్స్ సెక్రటరీ ట్రాయ్ మీంక్.. మారుతున్న కాలానికి అనుగుణంగా అంతరిక్ష రంగంలోనూ ముప్పులు పెరుగుతున్నాయనీ.. వాటిని సమర్థవంతంగా ఎదుర్కొనేందుకు అమెరికా సర్వసన్నద్ధంగా ఉందనీ పేర్కొన్నారు. వ్యూహాత్మక నిరోధక శక్తిని పెంచుకోవడంలో భాగంగానే ఈ స్పేస్‌ కంట్రోల్ ఆయుధాలను అందుబాటులోకి తెచ్చినట్లు వెల్లడించారు. శత్రు దేశాల నుంచి జాయింట్ ఫోర్స్‌కు ఏ క్షణంలోనైనా ముప్పు వాటిల్లే అవకాశం ఉండటంతో, దాన్ని అడ్డుకోవడానికి అంతరిక్ష కక్ష్యలోని ఆయుధాలు సమర్థవంతంగా పని చేస్తాయన్నారు. అయితే.. ఈ ఆయుధాల సాంకేతిక వివరాలు, వాటి సామర్థ్యం, అలాగే వాటిని ఎప్పుడు కక్ష్యలోకి ప్రవేశపెట్టారనే అంశాలపై మాత్రం స్పష్టతనివ్వలేదు. కేవలం భద్రతా ప్రయోజనాల దృష్ట్యానే ఈ ప్రకటన చేసినట్లు రక్షణ నిపుణులు విశ్లేషిస్తున్నారు. గత కొన్ని సంవత్సరాలుగా రష్యా, చైనా దేశాలు అంతరిక్షంలో తమ సైనిక కార్యకలాపాలను వేగవంతం చేస్తున్నాయి. అమెరికాకు చెందిన కమ్యూనికేషన్, నిఘా ఉపగ్రహాలను దెబ్బతీసేందుకు ఆ దేశాలు ప్రత్యేక కార్యక్రమాలను చేపడుతున్నట్లు గతంలో పలు నివేదికలు వెల్లడించాయి. ఈ నేపథ్యంలో అమెరికా సైతం తన ఉపగ్రహాలను రక్షించుకోవడంతో పాటు, ప్రత్యర్థుల కదలికలను నిలువరించేందుకు ఈ తరహా రక్షణ చర్యలకు ఉపక్రమించినట్లు సమాచారం. అంతరిక్షంలో సామూహిక విధ్వంసక ఆయుధాల మోహరింపును నిషేధిస్తూ 1967 నాటి అంతర్జాతీయ ఒప్పందాలు ఉన్నప్పటికీ, ఉపగ్రహాలను లక్ష్యంగా చేసుకునే ఎలక్ట్రానిక్ లేదా ఇతర స్పేస్‌ కంట్రోల్ పరికరాలను ఈ ఒప్పందాల పరిధిలోకి పూర్తిగా తీసుకురాలేదన్న వాదనలు వినిపిస్తున్నాయి. ప్రస్తుత పరిణామాలతో భవిష్యత్తులో అంతరిక్షం సైతం సైనిక పోటీకి వేదికగా మారే ముప్పు ఉందని స్పష్టమౌతోంది. US Weapons in Space [Space Force Orbital Weapons, Trojan Main Announcement, US Space Weapons, Space Control Weapons, TeluguOne]

Published on: Tue Sep 15, 2026 10:51AM

రెండో పెళ్లి చేసుకున్న ఇమ్రాన్ మాజీ సతీమణి.!

పాకిస్థాన్ మాజీ ప్రధాని ఇమ్రాన్ ఖాన్ మాజీ సతీమణి, నిర్మాత జెనిమా గోల్డ్‌స్మిత్ రెండో వివాహం చేసుకున్నారు. ప్రముఖ ఐరిష్-ఆస్ట్రేలియన్ మల్టీ-మిలియనీర్ ఫైనాన్షియర్ కామెరాన్ ఓరైల్లీని వివాహం చేసుకున్నారు. వీరి వివాహ వేడుక నిరాడంబరంగా జరిగింది. జెనిమా గోల్డ్ స్మిత్, కామెరాన్ ఓరైల్లీ గత కొంత కాలంగా ప్రేమలో ఉన్నారు. దాదాపు ఏడాది కాలంగా సహజీవనం చేస్తున్న వారు తాజాగా పెళ్లిబంధంతో ఏకమయ్యారు. తామిరువురం వివాహం చేసుకున్నట్లు జెనిమా కుటుంబ సభ్యుల ద్వారా వెలుగులోకి వచ్చింది. జెనిమా సోదరుడు బెన్ గోల్డ్‌స్మిత్ భార్య జెనిమా జోన్స్ సామాజిక మాధ్యవ వేదికగా అధికారికంగా వెళ్లడించారు. అందమైన పచ్చని ల్యాన్‌లు, నీటి కొలనులతో కూడిన ఒక ఎస్టేట్‌లో ఈ వేడుక జరిగినట్లు పేర్కొన్నారు. అదలా ఉండగా.. జెనిమా గోల్డ్‌స్మిత్ గతంలో పాకిస్థాన్ క్రికెట్ దిగ్గజం, మాజీ ప్రధాని ఇమ్రాన్ ఖాన్‌ను 1995లో వివాహం చేసుకున్నారు. దాదాపు తొమ్మిదేళ్ల పాటు వైవాహిక జీవితాన్ని గడిపిన అనంతరం, వీరిద్దరూ పరస్పర అంగీకారంతో 2004లో విడాకులు తీసుకుని విడిపోయారు. ఆ వివాహం ద్వారా వారికి సులేమాన్, కాసిమ్ అనే ఇద్దరు కుమారులు జన్మించారు. విడాకుల తర్వాత జెనిమా బ్రిటన్‌కు తిరిగి వచ్చి, తన కుమారుల బాధ్యతలను చూసుకుంటూనే చిత్ర నిర్మాతగా గుర్తింపు తెచ్చుకున్నారు. ఇక వరుడైన కామెరాన్ ఓరైల్లీ వయసు 62 సంవత్సరాలు. ప్రముఖ ఐరిష్ మీడియా దిగ్గజం దివంగత సర్ ఆంథోనీ ఓరైల్లీ కుమారుడు. ఆక్స్‌ఫర్డ్ యూనివర్సిటీలో విద్యనభ్యసించిన ఆయన, ఆస్ట్రేలియాలోని ప్రముఖ మీడియా సంస్థల్లో మరియు ప్రైవేట్ ఈక్విటీ రంగంలో ఉన్నత పదవులను నిర్వహించారు. ఆయనకు కూడా గత వివాహం ద్వారా నలుగురు పిల్లలు ఉన్నారు. రెండు దశాబ్దాల సుదీర్ఘ విరామం తర్వాత జెనిమా గోల్డ్‌స్మిత్ మళ్లీ వైవాహిక జీవితంలోకి అడుగుపెట్టడంపై ఆమె శ్రేయోభిలాషులు, కుటుంబ సభ్యులు ఆనందం వ్యక్తం చేస్తున్నారు. ప్రముఖుల నుంచి ఈ నూతన దంపతులకు సోషల్ మీడియా వేదికగా అభినందనలు వెల్లువెత్తుతున్నాయి. [Jemima Goldsmith, Cameron OReilly, Imran Khan exwife, Jemima Goldsmith wedding, Irish millionaire financier]

Published on: Tue Sep 15, 2026 10:29AM

రెండేళ్లుగా బంగ్లా జైల్లోనే హిందూ సాధువు.. తల్లి అంత్యక్రియలకు సైతం అనుమతించకుండా వేధింపులు.!

బంగ్లాదేశ్‌లో హిందువుల రక్షణ కోసం నిలబడిన ఇస్కాన్ సన్యాసి, హిందూ సాధువు చిన్మయ కృష్ణదాస్ దాదాపు రెండేళ్లుగా అక్రమంగా నిర్బంధంలో ఉన్నారు. బంగ్లాదేశ్‌లో హిందువులపై దాడులను ప్రశ్నించిన కారణంగానే ఆయనపై తప్పుడు కేసులు బనాయించి జైల్లో నిర్బంధించారు. మొహమ్మద్ యూనస్ పరిపాలనా కాలంలో 2024లో ఆయనను అరెస్ట్ చేశారు. నాటి నుంచి ఆయనపై అరడజనుకు పైగాద తప్పుడు కేసులు మోపి, విడుదల కాకుండా అన్ని రకాల కుట్రలు చేస్తున్నారు. కొన్ని కేసులలో బెయిల్ లభించినప్పటికీ, మరి కొన్ని కేసుల్లో ఉద్దేశపూర్వకంగా బెయిల్ రాకుండా అడ్డుకుంటూ ప్రభుత్వం వేధింపులకు గురిచేస్తోంది. న్యాయస్థానాల్లో ఎన్నిసార్లు ప్రయత్నించినా బంగ్లాదేశ్ ప్రభుత్వం, పోలీసులు ఆయన్ని బయటకు రానివ్వకుండా అడ్డుకుంటున్నారు. మానసిక వేదనకు గురిచేస్తూ జైలులో దయనీయమైన పరిస్థితుల్లో బంగ్లా పాలకులు జైల్లో ఆయనను రాచిరంపాన పెడుతున్నారు. ఒక హిందూ సాధువు ఇన్ని రోజులుగా కటకటాల వెనుక మగ్గుతున్నాఇటు ఇండియా నుంచి కానీ, అటు అంతర్జాతీయ సమాజం నుంచి కానీ గట్టిగా ఖండనలేకపోవడం, సరైన స్పందన లేకపోవడం గమనార్హం. చిన్మయ కృష్ణదాస్‌ తల్లి సంధ్యారాణి ధర్ సెప్టెంబర్ 10న కన్నుమూశారు. కొడుకు జైలులో ఉండగానే తల్లి మరణించడం, కనీసం తల్లి అంత్యక్రియలకు కూడా చిన్మయ కృష్ణాదాస్ ను అనుమతించకపోవడం, నిస్సహాయ స్థితిలో చిన్మయకృష్ణదాస్ జైల్లో భోరున విలపిస్తున్న దృశ్యాలు నెట్టింట వైరల్ అయ్యాయి. ఆ దృశ్యాలు చూసిన అందరి కళ్లూ చెమ్మగిల్లాయి. తల్లినికడసారి చూసుకునే అవకాశం కూడా ఇవ్వకుండా చిన్మయ కృష్ణదాస్ ను బంగ్లాదేశ్ ప్రభుత్వం వేధించిన తీరు పట్ల సర్వత్రా ఆగ్రహం వ్యక్తం అవుతోంది. బంగ్లాదేశ్ ప్రభుత్వం అమానుషంగా వ్యవహరించిన తీరు పట్ల విమర్శలు వెల్లువెత్తుతున్నాయి. ఇప్పటికైనా మానవతా దృక్పథంతో స్పందించి, చిన్మయ కృష్ణదాస్‌పై మోపిన తప్పుడు కేసులను ఎత్తివేసి వెంటనే విడుదల చేయాలని హిందూ సంఘాలు, మానవ హక్కుల వాదులు డిమాండ్ చేస్తున్నారు. బంగ్లాదేశ్‌లో మైనారిటీ హిందువులపై, వారికి మద్దతుగా గళమెత్తుతున్న వారిపై అణచివేతకు చిన్మయ కృష్ణాదాస్ ఉదంతం నిలువెత్తు నిదర్శనంగా చెప్పవచ్చు. ఇప్పటికైనా ప్రపంచ దేశాలు, అంతర్జాతీయ సంస్థలు స్పందించి బంగ్లాదేశ్ జైళ్లలో మగ్గుతున్న హిందూ సాధువుల రక్షణకు ముందుకు రావాల్సిన అవసరం ఎంతైనా ఉందని పరిశీలకులు అంటున్నారు. [Chinmoy Krishna Das, Bangladesh Hindu monk, Iskcon monk jailed, Bangladesh crisis, Mohammad Yunus government. Telugu One]

Published on: Sun Sep 13, 2026 9:57AM

కాగ్నిజెంట్ ఫ్రాడ్ నిజమేనా?.. అసలు జరిగిందేంటి?

ఒకప్పుడు ప్రపంచం ఒక గ్లోబాల్ విలేజ్ ఐపోయిందని జనం చెప్పుకుంటూ ఉండేవారు. ఈనానుడి రావటానికి రెండు ప్రధానమైన కారణాలు ఉన్నాయి. మొదటిది అంతర్జాలం. ఇంటర్నెట్ పుణ్యమా అని సమాచారం ఎక్కడి నుండి ఎక్కడికైనా మెరుపు వేగంతో చేరుతోంది. ఒకప్పుడు అంటే ఆరు దశాబ్దాల కిందట మన దేశంలోని చాలా ఊళ్ళుకు రోజూ ఉదయమే వార్తాపత్రిక వచ్చే సదుపాయమే లేదు. ఇంటింటికీ కాదుకదా వాడ కొక రేడియో ఐనా అబ్బురమే. ఊళ్ళకు ఊళ్ళే ఒక్క టెలిఫోనూ లేనివి ఉండేవి. అత్యవసరంగా టెలిగ్రాం అని వార్త పంపినా మరునాటికే చేరే ఊళ్ళూ బోలెడు. ఇప్పుడు అచ్ఛుపత్రికల అవసరమే తరిగిపోయింది. మనిషిమనిషికీ అరచేతి వైకుంఠంలా మొబైల్ ఉంది. అందులో ప్రతిక్షణం తాజా వార్తలు ప్రత్యక్షం. ప్రపంచంలో ఎవరితోనైనా ఉచితంగా మాట్లాడే సౌకర్యం ఉంది. అప్పట్లో దేశంలోనే వేరే ప్రాంతాలను దూరం అనుకొనే మానసిక పరిస్థితి. నేడు పిల్లలు దేశదేశాలూ తిరిగి ఉద్యోగాలు చేస్తున్నారు. ఆడియోకాల్ లేని రోజులు పోయి రోజూ పెద్దలు విదేశాల్లోని పిల్లలతో వీడియోకాల్స్ చేసి మాట్లాడుతున్నారు. ఈసమాచార విప్లవం ప్రపంచాన్ని గ్లోబాల్ విలేజీని చేసిన మొదటి కారణం. ఇక రెండో కారణం కూడా బలమైనదే ముఖ్యమైనదే. రెండవ ప్రపంచ యుధ్ధం తరువాత కొన్ని దశాబ్దాల పాటు అమెరికా రష్యాల మధ్య వేడివేడిగా జరిగిన కోల్డ్ వార్ వలన వివిధదేశాల మధ్యన ప్రజలు స్వేఛ్ఛగా తిగగలిగే వాతావరణం ఉండేదికాదు. కాని సోవియట్ రష్యా పతనం తరువాత పరిస్థితి అనూహ్యంగా మారింది. అన్నిదేశాలూ విదేశీయులకు తలుపులు తెరిచేసాయి. దేశదేశాల కరెన్సీలకూ అమెరికన్ డాలర్లు కామన్ ఎక్చేంజ్ కావటంతో ఆర్ధిక ప్రయోజనం కనిపించి అన్ని దేశాల పౌరులూ అమెరికా బాటపట్టారు సంపాదనకోసం. అక్కడే చదివి అక్కడే ఉద్యోగం చేయడం విద్యార్ధులకు కలగా మారిపోయింది. ఈ పరిస్థితికి అమెరికన్ సమాజమూ ఒక కారణమే. దశాబ్దాలుగా తమ ఆయుధాలను భారీ రలకు విదేశాలకు అంటగడుతూ అమెరికా మరింత సంపన్న దేశంగా మారుతూ ఉండటం.. ఆఫాల్స్ మనీతో అమెరికాలో ఉద్యోగస్థుల జీతాలు భారీగా పెరిగాయి. మారిన అంతర్జాతీయ పరిస్థితులూ, సమాచార విప్లవమూ అమెరికన్ కంపెనీలకు ఒక కొత్త అవకాశం కల్పించింది. వారు తమ ఉత్పత్తుల నుండి లాభాల శాతం పెంచుకుందుకు గాను అమఖ్యమైన ఉద్యోగాలను ఇతరదేశాలకు తరలించటం మొదలుపెట్టారు. పనిలో పనిగా అమెరికన్ ఉద్యోగులకు బదులు వలసవచ్చిన విదేశీయులకు తమ కంపెనీలలో ఉద్యోగాలను తక్కువ జీతాలకు ఇవ్వటం మొదలుపెట్టారు. ఆరంభంలో ఈ కార్యకలాపాల జోరు కారణంగా ప్రపంచం పూర్తిగా గ్లోబాల్ విలేజ్ ఐపోయింది. దీని వల్ల అమెరికన్ ప్రజలకూ తమ ఉత్పత్తులు కాస్త చవక ధరలకు దొరకసాగాయి. అమెరికన్ కంపెనీలకూ లాభాలు ఇబ్బడిముబ్బడి అయ్యాయి. అమెరికన్ ఉత్పత్తులు మంచి గ్లోబాల్ మార్కెట్ సాధించాయి. అందరూ హేపీ. ముఖ్యంగా మన విద్యార్ధులు. వాళ్ళకు అమెరికా చదువూ అమెరికా ఉద్యోగం అమెరికన్ డాలర్లపంట. ఇంకేం కావాలి? మన దేశవాళీ కంపెనీలూ కొత్త లాభసాటి వ్యాపారం కనిపెట్టాయి. అమెరికాలో ఉద్యోగాలు ఇప్పిస్తామనే కంపెనీలు వెలిసాయి. అమెరికాలో తమ ఉద్యోగులకు కాంట్రాక్టు ఉద్యోగం ఇప్పించి వాళ్ళిచ్చే సొమ్ములో సింహభాగం తామే బొక్కేసి మ నదేశవాళీ కంపెనీలు వ్యాపారమోసం చేసినా అలా ఐనా చేతికి దొరికే జీతమే బోలెడంత అని మనవాళ్ళూ అమెరికాకు పరుగెత్తటం జోరయ్యింది. ఈ వ్యవహారంలో మన దేశానికి చెందిన ఛోటా కంపెనీలే కాదు మంచి పేరున్న కంపెనీలూ ఉన్నాయి. వందలూ వేలూ జనాన్ని అమెరికాలో ఉద్యోగాల్లో పెట్టి బాగా వ్యాపారం చేస్తున్నాయి. కాలక్రమేణా అమెరికన్ పౌరసమాజం అసలు విషయం గ్రహించింది. కొన్ని ఉత్పత్తుల ధర తగ్గటం అటుంచి తమ పౌరుల ఉద్యోగాలను విదేశీ కంపెనీలు లూటీ చేస్తున్నాయని గ్రహించింది. దీంతో అమెరికాలో ఆందోళనలు మొదలయ్యాయి. . ఇందులో సత్యం లేకపోలేదు. అమెరికా ఒక విధానంగా విదేశీయుల్లోని మేధావులకే తమ దేశంలో ఉద్యోగ వసతి కల్పించి లాభపడాలని యోచించించి. కాని ఆచరణలో అర్హులైన తమ పౌరుల ఉద్యోగాలను విదేశీయులు కాజేయటం కనబడుతోంది. దానితో మా ఉద్యోగాలు మాకే ఇవ్వాలి అనే జాతీయవాద ఉద్యమ్యం మొదలైంది. ప్రస్తుతం అధికారంలో ఉన్న రిపబ్లికన్ పార్టీ వారు ఈఉద్యమానికి రాజకీయంగాబలమైన మద్దతుదారులు. అందుచేత విదేశీయులకు ఉద్యోగాలు ఇవ్వటంపై కఠిన నిబంధనలను విధించటం ద్వారానూ విదేశీ విద్యార్ధులను పరిమితం చేయటం ద్వారాను వారు అమెరికన్ పౌరులకు ఉపాధి అవకాశాలు మెరుగు పరచాలని చూ‌స్తున్నారు. దానని తప్పుపట్టలేం కానీ, విదేశీ విద్యార్ధులపై విదేశీ ఉద్యోగులపై వారు మానసిక హింసకూ భౌతిక దాడులకూ పాల్పడుతూ పరిస్థితిని భీతావహంగా మార్చటం ఇసుమంతైనా సమర్థనీయం కాదు. లాభార్జన కోసం అనైతిక విధానాల ద్వారానూ మోసపూరితచర్యల ద్వారానూ వీసాలను సంపాదిస్తున్నారనీ, తమ ఉద్యోగులకు శాశ్వత నివాసపత్రాలకు దరఖాస్తు చేస్తున్నారనీ కొన్ని కంపెనీలపై అమెరికన్ ప్రభుత్వం కొరడా విసురుతోంది. ఆ కొరడా దెబ్బ తాజాగా కాగ్నిజెంట్ కంపెనీకి తగిలింది. మరోకంపెనీకీ తగిలింది. సరే. కాగ్నిజెంట్ ఏ పాపం చేసందనిఆ దెబ్బతగిలింది? కాగ్నిజెంట్ కంపెనీ 1994లో చెన్నైలో పుట్టి అమెరికాలో స్థిరపడింది. పేరుకు పూర్తిగా అమెరికన్ కంపెనీయే కాని నిజానికి వారికి గల వేలాది మంది ఉద్యోగులలో అత్యధిక శాతం మంది చెన్నై, పుణే, బెంగుళూరు, హైదరాబాదు వంటి ఇండియన్ సిటీలకు చెందిన వారే. గత ఏడాది కాగ్నిజెంట్ ఆదాయం 21 బిలియన్ డాలర్ల చిల్లర. ఇప్పటిదాకా అమెరికన్ ఉద్యోగ వీసాలూ శాశ్వని వాసపత్రాలు (గ్రీన్ కార్డు) వంటివి కేవలం మానవ వనరుల వ్వవహారం కిందే భావించబడుతూ వస్తోంది. క్రమంగా ఆ భావన స్థానంలో విదేశీయుల రాకడా నివాసమూ అమెరికన్ జాతీయ భద్రతా వ్యవహారంగా లెక్కించటం మొదలైంది. అందువలన ఈ విషయాలపై అభ్యర్ధనలు సాధారణ పరిశీలనతో బయటపడటానికి లోతైన విచారణలకు గురికావటం తప్పనిసరి అవుతున్నది. ఇలా ఉద్యోగ వీసాలు, గ్రీన్ కార్డు అభ్యర్ధనలను పంపే వ్యక్తుల గురించీ, కంపెనీల గురించీ ప్రతి చిన్న విషయాన్ని అమెరికా భూతదద్దం పెట్టి శోధించడం మొదలెట్టంది. ఇబ్బడి ముబ్బడిగా అభ్యర్ధనలు పంపే కంపెనీలు నిబంధనలను కచ్చితంగా పాటిస్తున్నాయా? ఉద్దేశపూర్వకంగానే అమెరికన్ అభ్యర్ధులను ప్రక్కన బెట్టి విదేశీయులను ముందుకు తోస్తున్నారా? అంతా సజావుగానే ఉందని చూపటానికి అక్రమమార్గాలు తొక్కతున్నారా? అమెరికన్ ప్రభుత్వ వ్వస్థలను ఏవిధంగానైనా మోసగిస్తున్నారా? ఇటువంటివన్నీ క్షుణ్ణంగా పరిశోధిస్తున్నారు. అసలు ఈ కంపెనీల బిజినెస్ మోడళ్ళు నిజంగా ఎలా నడుస్తున్నాయా అని ఆరాలు. తీస్తున్నారు. తమాషా ఏమిటంటే 15వందల మంది అమెరికన్ కాలేజీ కుర్రాళ్ళను ఉద్యోగులుగా త్వరలో నియమిస్తున్నాం అని కాగ్నిజెంట్ ప్రకటించిన మరునాడే కొరడా మీద పడింది. అంటే ఆప్రకటన కేవలం ఒక డ్రామా అని ప్రభుత్వం భావించిందనే అర్ధం చేసుకోవాల్సి ఉంటుంది. అమెరికాలో పనిచేసే కంపెనీలు తమ ఆదాయ స్థాయికి అనుగుణంగానూ తమ వృత్తిరంగం పరిస్థితికి అనుగుణంగానూ ఉద్యోగకల్పన చేయాలి. అలా చేసే ఉద్యోగ కల్పనలో అమెరికన్ పౌరులకు పెద్దపీట వేయాలి. స్థానికంగా అమెరికన్ పౌరులెవరూ దొరకని సందర్భాలలో మాత్రమే విదేశీయులకు అవకాశం ఇవ్వాలి. ఏవైనా మతలబులు చేసి అమెరికన్ పౌరులను తొక్కవేసి విదేశీయులనే ముఖ్యంగా తెస్తూ ఉంటే అది శిక్షార్హ నేరమే. ఏవేవో గోల్ మాల్ వ్యవహారాలను కొన్ని కంపెనీలు నడిపిస్తూ ఉంటే వాటిని పసిగట్టి ప్రభుత్వ వ్వవస్థలను హెచ్చరించే వారూ ఉంటారక్కడ. అట్టి నిఘాను హర్షణీయం కాదన లేము. అందువలన కాగ్నిజెంట్ పైన హెచ్-1బి వీసాలు, గ్రీన కార్డ్ కోసం ఫైలింగులకూ నిషేధం విధించింది అగ్రరాజ్యం. ఇదే నిషేధం క్లౌడ్-ఎరా కంపెనీపైనా విధించింది.ఆస్ట్రేలియాలో కూడా ఇటువంటి వాతావరణమే పెరుగుతోంది. ఈ మధ్య కాలంలో భారతవిద్యార్ధుల వీసాల తిరస్కరణ బాగా పెరిగింది. అక్కడా భారతీయులు తమ ఉద్యోగాలను దురాక్రమణ చేస్తున్నారన్న భావన బాగా పెరిగింది. గ్లోబాల్ విలేజ్ అని ప్రపంచాన్ని అనటం ఇక కష్టం. ప్రపంచంలో అనేక దేశాలలో వలసదారులు ఉద్యోగావకాశాలను ఇతోధికంగా పొందటం అక్కడి ప్రజలకు ఆమోదయోగ్యం కావటు లేదు. దానికి తోడు కొన్ని కంపెనీలు ముసుగు వ్యాపారాల ద్వారా స్థానికుల అవకాశాలకు గండికొడుతూ ఉండటం తీవ్రమౌతోంది. మనదేశంలో వ్యాపారం చేసే కంపెనీ ఏదైనా ముప్పాతిక మువ్వీసం ఉద్యోగాలను తమ దేశపు అభ్యర్థులతో నింపుతూ ఉంటే మన దేశపు పౌరులూ చట్టసభలూ ఆ కంపెనీని కట్టడి చేసే చర్యల గురించి మాట్లాడటం జర గదా? మన ప్రభుత్వాలు కార్యరంగంలోనికి దిగి కఠినచర్యలకు దిగవా? ఇప్పుడు అమెరికా తీసుకుంటున్న చర్యలూ అవేనని అంటున్నారు అంతర్జాతీయ నిపుణులు. [Is Cognizant Fraud real, What actually happened, Cognizant PERM suspension, US Visa fraud probe, Cloudera labour certification, Green card applications US,Telugu One]

Published on: Sat Sep 12, 2026 2:42PM

ఒకదాని వెంట మరొకటి.. డాలర్ డ్రీమ్స్ కలలు ఆవిరి.!

అమెరికాలో సొంతింటి కల నెరవేర్చుకోవాలని.. గ్రీన్‌కార్డ్‌తో తమ జీవితాల్లో స్థిరత్వం లభిస్తుందని ఏళ్లుగా నిరీక్షిస్తున్న వేలాది మంది భారతీయ ఐటీ నిపుణుల ఆశలపై మళ్ళీ నల్లటి మేఘాలు అలుముకున్నాయి. రాత్రింబవళ్లు కష్టపడి కంపెనీల పురోగతికి ప్రాణం పెట్టే టెక్కీలకు.. అమెరికా డ్రీమ్ అంత తేలికగా నెరవేరేలా కనిపించడం లేదు. ప్రముఖ ఐటీ దిగ్గజం కాగ్నిజెంట్‌లో పనిచేస్తున్న విదేశీ ఉద్యోగులకు.. ముఖ్యంగా భారతీయులకు అమెరికా కార్మిక శాఖ (యూఎస్.డీఓఎల్) తీసుకున్న తాజా నిర్ణయం కంటిమీద కునుకు లేకుండా చేస్తోంది. కాగ్నిజెంట్‌కు చెందిన కొత్త పర్మనెంట్ లేబర్ సర్టిఫికేషన్ (పీఈఆర్ఎం) దరఖాస్తుల ప్రాసెసింగ్‌పై ఆంక్షలు విధించడంతో ఉద్యోగుల గుండెల్లో రైళ్లు పరిగెడుతున్నాయి. కంపెనీకి చెందిన హెచ్1బీ, పీఈఆర్ఎం నియామక ప్రక్రియలపై విచారణ పూర్తయ్యే వరకు కొత్త పీఈఆర్ఎం ఫైలింగ్స్ ముందుకు సాగవని తెలుస్తోంది. గ్రీన్‌కార్డ్ వైపు పడే మొదటి అడుగు 'పీఈఆర్ఎం'. ఆ తొలి అడుగే పడకుండా ఆగిపోతే తాము అమెరికాలో మరిన్ని ఏళ్లు అనిశ్చితి మధ్య గడపాల్సి వస్తుందని టెక్కీలు తీవ్ర ఆవేదన వ్యక్తం చేస్తున్నారు. అమెరికాలో చట్టబద్ధంగా ఉంటూ పన్నులు చెల్లిస్తూ దేశ ఆర్థిక వ్యవస్థకు తమ శ్రమను ధారపోస్తున్నప్పటికీ.. ప్రతి చిన్న మార్పుకూ తమ భవిష్యత్తు తలకిందులవుతుండటంపై టెక్కీల కుటుంబాలు మనోవేదనకు గురవుతున్నాయి. అమెజాన్, ఇన్ఫోసిస్, టీసీఎస్ వంటి సంస్థల సరసన నిలిచే కాగ్నిజెంట్ నుంచి 2026 ఆర్థిక సంవత్సరంలోనే వేలాది మందికి హెచ్1బీ అనుమతులు లభించాయి. అందులో మెజారిటీ నిపుణులు భారతీయులే కావడం వల్ల ఈ తాజా పరిణామం నేరుగా వారి జీవితాలపైనే తీవ్ర ప్రభావం చూపనుంది. [H1B Visa Fees, IT Sector, India US Tech Pipeline, Tech Professionals, US Immigration Policy, Cognigentfraud]

Published on: Sat Sep 12, 2026 2:02PM

ఇరాన్ తో యుద్ధం ఇప్పుడే ఆగదు.. చర్చలకు నో.. ట్రంపరి వ్యాఖ్యలు.!

అమెరికా, ఇరాన్ దేశాల మధ్య యుద్ధం ఇప్పట్లో ఆగదంటూ అగ్రరాజ్యాధినేత డొనాల్డ్ ట్రంప్ ప్రకటించారు. త్వరలో జరగనున్న అమెరికా మధ్యంతర ఎన్నికలు జరగబోయే అమెరికా మధ్యంతర ఎన్నికలు ముగిసేంత వరకూ ఇరాన్ తో యుద్ధం సాగుతుందన్నారు. డల్లాస్‌లో జరగనున్న రిపబ్లికన్ పార్టీ ఎన్నికల ప్రచార కార్యక్రమానికి బయలుదేరే ముందు వైట్ హౌస్ లో మీడియాతో మాట్లాడిన ట్రంప్ దేశంలో రాజకీయ అధికారంలో మార్పు వస్తుందనే ఆశతో ఇరానే ఈ యుద్ధాన్ని సాగదీస్తోందని ఆరోపించారు. అమెరికా ఎన్నికల ఫలితాలను ప్రభావితం చేసేందుకు ఇరాన్ ప్రయత్నిస్తోందని ఆరోపించిన ట్రంప్.. అమెరికా ఓటర్లను భయాందోళనలకు గురి చేసి దేశంలో ఒక బలహీనమైన ప్రభుత్వాన్ని అధికారంలోకి తీసుకురావాలన్న ఉద్దేశంతో ఇరాన్ వ్యవహరిస్తోందన్నారు. అమెరికాలో బలహీనమైన ప్రభుత్వం ఉంటే.. తాము సులువుగా అణ్వాయుధాలు సమకూర్చుకోవచ్చన్నది ఇరాన్ ఉద్దేశమన్న ట్రంప్.. ఆ దేశం వద్ద శక్తివంతమైన ఆయుధాలు ఉంటే మొత్తం ప్రపంచానికే ముప్పు వాటిల్లుతుందన్నారు. ఆ పరిస్థితిని తాను రానివ్వనని ట్రంప్ చెప్పారు. పరిస్థితి ఇంత వరకూ వచ్చిన తరువాత ఇక ఇరాన్ తో చర్చల ప్రశక్తే లేదని కుండబద్దలు కొట్టిన ట్రంప్.. ఒకప్పుడు తాము ఒప్పందానికి సిద్ధపడ్డామని, కానీ ఇప్పుడు పరిస్థితులు పూర్తిగా మారిపోయాయని చెప్పారు. ఒకవేళ భవిష్యత్తులో చర్చలు జరిగినా, అది అణు ఒప్పందానికి మాత్రమే పరిమితం కాకుండా, గతంలో ఎన్నడూ లేని అనేక కఠిన నిబంధనలను ఇరాన్ ముందు ఉంచుతామన్నారు. ఇదలాఉండగా పర్షియన్ గల్ఫ్ ప్రాంతంలో అమెరికా దళాల దాడులు తీవ్రమయ్యాయి. ఇరాన్‌కు చెందిన చమురు రవాణా నౌకలు, ఇంధన నెట్‌వర్క్‌లు లక్ష్యంగా దాడులు చేస్తున్నట్లు ట్రంప్ ధృవీకరించారు. గల్ఫ్ జలాల్లో ఇరాన్‌కు చెందిన దాదాపు తొమ్మిది చమురు ట్యాంకర్లను అమెరికా సైన్యం ధ్వంసం చేసిందన్నారు. ఈ దాడులు రానున్న రోజుల్లో మరింత ఉధృతమౌతాయని హెచ్చరించారు. [War With Iran Wont End Now, Donald Trump, Iran War, US Midterm Elections, US Iran Tensions, Telugu One]

Published on: Thu Sep 10, 2026 7:54AM

ట్రంప్ చొరవతో రష్యా, ఉక్రెయిన్ వార్ కు ఎండ్ కార్డ్.!?

రష్యా ఉక్రెయిన్ దేశాల మధ్య యుద్ధానికి ఎండ్ కార్డ్ పడిందా? అగ్రరాజ్యాధినేత డొనాల్డ్ ట్రంప్ దౌత్యం, చొరవ కారణంగా ఇది సాధ్యపడిందా? అంటే అంతర్జాతీయ పరిశీలకులు ఔననే అంటున్నారు. అధికారిక ప్రకటన వెలువడకపోయినా, రష్యా, ఉక్రెయిన్ యుద్ధం ఇక ముగిసినట్లేనని చెబుతున్నారు. అమెరికా అధ్యక్షుడు డొనాల్డ్ ట్రంప్, రష్యా అధ్యక్షుడు వ్లాదిమిర్ పుతిన్ మధ్య దాదాపు గంటకు పైగా సాగిన ఫోన్ భేటీలో ఉక్రెయిన్ సంక్షోభం, శాంతి స్థాపన, ద్వైపాక్షిక సంబంధాల మెరుగుదల వంటి పలు కీలక అంశాలపై కూలంకషంగా చర్చలు జరిపారు. ఈ ఫోన్ సంభాషణలోనే ఉక్రెయిన్ తో యుద్ధం ఎండ్ కు సంబంధించి పూర్తి అవగాహనకు వచ్చినట్లు చెబుతున్నారు. యుద్ధం ముగింపునకు పుతిన్ దాదాపుగా అంగీకరించినట్లు చెబుతున్నారు. ప్రపంచవ్యాప్తంగా నెలకొన్న ఆర్థిక ఇబ్బందులు, భద్రతాపరమైన ఆందోళనలను ప్రస్తావిస్తూ, సత్వర శాంతికి మార్గం సుగమం చేయాలని ట్రంప్ ఈ సందర్భంగా పుతిన్ ను కోరారు. ఉక్రెయిన్ సంక్షోభం సమసిపోతే వాషింగ్టన్, మాస్కో మధ్య ఆర్థిక, వాణిజ్య బంధాలు మరింత బలోపేతం కావడానికి మార్గం సుగమమౌతుందని ట్రంప్ చెప్పినట్లు చెబుతున్నారు. అమెరికా అధ్యక్షుడు ట్రంప్ శాంతి ప్రతిపాదనలకు పుతిన్ సానుకూలంగా స్పందించినట్లు తెలుస్తోంది. ఈ ఉన్నత స్థాయి సంభాషణకు ముందు, అమెరికా దౌత్య బృందం రష్యా రాజధాని మాస్కోలో పర్యటించి ఉన్నతాధికారులతో భేటీ అయింది. అమెరికా రాయబారులు స్టీవ్ విట్కాఫ్, జార్డ్ కుష్నర్ తదితరులు రష్యా అధికారులతో చర్చలు జరిపిన అనంతరం ఉక్రెయిన్ రాజధాని కీవ్‌కు వెళ్లి ఆ దేశ అధ్యక్షుడు వొలొదిమిర్ జెలెన్‌స్కీతో కూడా సంప్రదింపులు జరిపారు. ఈ దౌత్యపరమైన ముందడుగుల నేపథ్యంలోనే పుతిన్, ట్రంప్ నేరుగా ఫోన్ ద్వారా మాట్లాడుకోవడం ప్రాధాన్యత సంతరించుకుంది. [Russia Ukreain War End, Putin, Trump, Phone, Talk, Telugu One]

Published on: Wed Sep 9, 2026 3:26PM