అద్వానీ ప్రస్థానం అసాధారణం.. ఆయన సేవలను గుర్తుచేసుకున్న ప్రధాని మోదీ.!

భారతీయ జనతా పార్టీ (BJP) సీనియర్ నాయకులు, దేశ మాజీ ఉప ప్రధాని లాల్ కృష్ణ అద్వానీ నవంబర్ 8, 2026 న తన జీవితంలోకి అడుగుపెడుతూ 99 సంవత్సరాలు పూర్తి చేసుకుని 100వ సంవత్సరంలోకి (శతవత్సరంలోకి) ప్రవేశించారు. సరిగ్గా దీపావళి పర్వదినాన ఆయన నూటవ వసంతంలోకి అడుగుపెట్టడం దేశవ్యాప్తంగా ఉన్న పార్టీ శ్రేణులకు, అభిమానులకు ఎంతో ప్రత్యేకమైన సందర్భాన్ని తెచ్చిపెట్టింది. 

ఈ చారిత్రాత్మక సందర్భంగా ప్రధానమంత్రి నరేంద్ర మోదీతో పాటు పలువురు ప్రముఖులు అద్వానీకి ఘనంగా జన్మదిన శుభాకాంక్షలు తెలిపారు. ఆయన దేశ రాజకీయాల్లో తెచ్చిన మార్పులను, పార్టీని నిలబెట్టడంలో ఆయన పడిన కష్టాన్ని ప్రత్యేకంగా గుర్తుచేసుకున్నారు.   ఈ ప్రత్యేక సందర్భాన్ని పురస్కరించుకుని ప్రధానమంత్రి నరేంద్ర మోదీ ఒక ప్రత్యేక వ్యాసాన్ని రాశారు. ఆధునిక భారతదేశ చరిత్రలో ఎల్.కె. అద్వానీ ప్రయాణం అత్యంత కీలకమైనదని ప్రధాని కొనియాడారు. 

దేశ విభజన నాటి జ్ఞాపకాలు, భారతీయ జనసంఘ్  బీజేపీ నిర్మాణంలో ఆయన చేసిన కృషి, అత్యవసర పరిస్థితి (Emergency) చీకటి రోజులను ఎదుర్కొన్న వైనాన్ని మోదీ గుర్తుచేశారు. సోమనాథ్ నుండి అయోధ్య వరకు అద్వానీ నిర్వహించిన చారిత్రాత్మక రథయాత్ర భారతీయ రాజకీయ గతిని పూర్తిగా మార్చివేసిందని, ఆ యాత్రలో తాను దగ్గరుండి పాల్గొనే అదృష్టం దక్కిందని ప్రధాని తన వ్యాసంలో పేర్కొన్నారు. అటల్ బిహారీ వాజ్‌పేయి, ఎల్.కె. అద్వానీల అసాధారణ జోడీ దేశ రాజకీయ గమనాన్ని మలుపు తిప్పిందని ప్రధాని కొనియాడారు.

దాదాపు మూడు దశాబ్దాల పాటు సాగిన పార్లమెంటరీ ప్రయాణంలో అద్వానీ గారు ప్రతిపక్ష నాయకుడిగా, కేంద్ర హోంమంత్రిగా (1999-2004), అలాగే 2002 నుండి 2004 వరకు దేశ ఉప ప్రధానిగా అత్యున్నత సేవలందించారు. 1967లో ఢిల్లీ మెట్రోపాలిటన్ కౌన్సిల్ చైర్మన్‌గా బాధ్యతలు చేపట్టి, 1970లో తన పార్లమెంటరీ ప్రస్థానాన్ని ప్రారంభించిన ఆయన ఎనలేని ప్రజాదరణ పొందారు. దేశ సేవలో ఆయన చూపిన నిబద్ధతకు గుర్తింపుగా భారత ప్రభుత్వం 2024 సంవత్సరంలో దేశ అత్యున్నత పౌర పురస్కారమైన 'భారత రత్న'తో అద్వానీని ఘనంగా గౌరవించింది.  

 కేవలం రాజకీయ నాయకుడిగానే కాకుండా, అద్వానీ గారి వ్యక్తిగత జీవితం కూడా ఎంతో స్ఫూర్తిదాయకమని ప్రధాని తెలిపారు. పుస్తకాలు చదవడంపై మక్కువ, నాటకరంగం మరియు చలనచిత్రాలపై అభిరుచి, సింధీ సంస్కృతి పట్ల ఆయన చూపిన ఆదరణ ఎంతో అనితరసాధ్యమైనవి. గుజరాత్‌లోని జూనాగఢ్‌లో ఒక సాధారణ పార్టీ కార్యకర్తగా నెలరోజుల పాటు నిలబడి పార్టీని బలోపేతం చేసిన ఆయన నిరాండమతను ప్రధాని గుర్తుచేసుకున్నారు. 

 ఎల్‌.కె. అద్వానీ 100వ జన్మదినం సందర్భంగా ఆ పార్టీ నాయకులు ప్రత్యేక పూజలు నిర్వహించారు. బీజేపీ జాతీయ అధ్యక్షుడు నితిన్‌ నబీన్‌ సహా పలువురు నేతలు ఆదివారం పార్టీ కేంద్ర కార్యాలయంలో హోమం చేపట్టారు. అద్వానీ ఆయురారోగ్యాలతో ఉండాలని ప్రార్థించారు.

ఆయన జీవిత భాగస్వామి కమలా అద్వానీ గారు ఆయన ప్రజా జీవితానికి ఎల్లప్పుడూ అండగా నిలిచారని కొనియాడారు. నేడు శతవత్సరంలోకి అడుగుపెట్టిన ఎల్.కె. అద్వానీ ఆయురారోగ్యాలతో వర్ధిల్లాలని, దేశానికి ఆయన మార్గదర్శకత్వం ఎప్పటికీ ఉండాలని కోరుకుంటూ దేశవ్యాప్తంగా శుభాకాంక్షలు వెల్లువెత్తుతున్నాయి.

 

ఇది కూడా చదవండి: రాజేంద్రనగర్ ORRపై ఆటోను ఢీకొట్టిన లారీ.. ముగ్గురు కూలీలు దుర్మరణం.!

 

[ LK Advani Enters 100th Year, BJP Homa celebration, PM Mod, Amit Shah birthday wishes, Ram Janmabhoomi movement, BJP senior leade, Telugu One, Telugu News ]