తెలుగుదేశం పార్టీ హిందూపురం శాసన సభ్యుడు, ప్రముఖ సినీ హీరో నందమూరి బాలకృష్ణ ఈ రోజు సినిమా షూటింగ్ లో గాయపడ్డారు. బాలకృష్ణ కొత్త సినిమా షూటింగ్ రామోజీ ఫిల్మ్ సిటీలో జరుగుతు౦ది. షుటింగ్ లో భాగంగా బైక్ రైడ్ చేస్తుండగా ప్రమాదానికి గురయ్యారు. ఈ ప్రమాదంలో ఆయన స్వల్ప గాయాలయ్యాయి. వెంటనే బాలయ్యను కామినేని ఆస్పత్రికి తరలించి చికిత్స అందిస్తున్నారు. కాగా, నందమూరి బాలకృష్ణ ఓ వైపు రాజకీయాలు, మరోవైపు సినిమాల పైన దృష్టి సారిస్తున్నారు.