కాయకష్టం చేసి భూమిలోంచి బంగారం లాంటి పంటను బయటకి తీసుకురావచ్చు. కానీ నెల్లూరు జిల్లాలో మాత్రం ఒక వైకాపా నాయకుడి భూమిలోంచి మద్యం సీసాలు బయటపడుతున్నాయి. నెల్లూరు జిలాలా ముత్తుకూరు మండలం పల్లిపాడు దిబ్బ దగ్గర జగన్ పార్టీ నేత చిన్నపురెడ్డి పొలం దగ్గరకి పోలీసులు పెద్ద పొక్లెయిన్‌తో సహా దిగిపోయారు. స్థానికులు ఏం జరిగిందా అని ఆశ్చర్యంగా చూస్తూ వుండగానే పోలీసుల పొక్లెయిన్ చిన్నపురెడ్డి పొలంలోనుంచి మద్యం బాటిళ్ళని తవ్వి తీయడం ప్రారంభించింది. ఈ తవ్వకాల్లో ఏ వంద బాటిళ్ళో, రెండు వందల బాటిళ్ళో దొరికి వుంటాయని భావిస్తున్నారా? కాదు.. మొత్తం ఐదు వేలకి పైగా మందు బాటిళ్ళు బయటపడ్డాయి. ఈ ఎన్నికలలో పంపిణీ చేయడానికి ముందు జాగ్రత్తగా జగన్ పార్టీ నాయకుడు వాటిని తన భూమిలో పాతిపెట్టాడు. మంచి నిఖార్సయిన సరుకనుకుంటా.. వాసనొచ్చి దొరికిపోయింది.