బన్నీగుర్రం సౌండ్ లహరికే సొంతం...!

on Jan 7, 2014

అల్లు అర్జున్, శృతిహాసన్ జంటగా నటిస్తున్న తాజా చిత్రం "రేసుగుర్రం". ఈ చిత్ర ఆడియో హక్కులను లహరి మ్యూజిక్ సంస్థ దాదాపు 54 లక్షలకు సొంతం చేసుకున్నట్లు తెలిసింది. సురేందర్ రెడ్డి దర్శకత్వంలో తెరకెక్కుతున్న ఈ చిత్రానికి తమన్ సంగీతం అందిస్తున్నాడు. జనవరి చివరి నెలలో ఈ చిత్ర షూటింగ్ పూర్తి కానుంది. వేసవి సెలవుల్లో సినిమాను విడుదల చేసేందుకు సన్నాహాలు చేస్తున్నారు. సలోని మరో కథానాయిక. శ్రీ లక్ష్మీ నరసింహ ప్రొడక్షన్స్ బ్యానర్లో నల్లమలుపు బుజ్జి, వెంకటేశ్వరరావు సంయుక్తంగా నిర్మిస్తున్నారు. త్వరలోనే ఆడియో విడుదల చేయనున్నారు.