తనకు సరైన ప్రాతినిథ్యం కల్పించటం లేదని ఆగ్రహించిన తెలుగుదేశంపార్టీ సీనియర్ నేత ఉమ్మారెడ్డి వెంకటేశ్వర్లు మొత్తానికి మెత్తబడి అదే పార్టీలోనే కొనసాగేందుకు నిర్ణయించుకున్నారని తెలిసింది. తెలుగుదేశంపార్టీ తరుపున కేంద్ర పదవులను, రాష్ట్ర పదవులను అనుభవించిన ఆయనే కోప్పడితే ఎట్లా అని ఆ పార్టీ నేతలు కోరినందుకు ఉమ్మారెడ్డి వెనక్కి తగ్గారని తెలిసింది.

పార్టీ పొలిట్ బ్యూరో సభ్యుడు యనమల రామకృష్ణుడు, ఎర్రన్నాయుడు, ఎంపి నామా నాగేశ్వరరావు తదితరులు ఉమ్మారెడ్డి నిర్ణయం మార్చుకోవాలని కోరారట. దీనికి ముందు ఆయనతో కాంగ్రెస్ ఎంపి లగడపాటి రాజగోపాల్ ఉమ్మారెడ్డి ఇంట్లోనే చర్చలు జరిపారు. ఆ తరువాత వై.ఎస్.ఆర్. కాంగ్రెస్ నాయకులు కూడా ఈయన్ని ఆహ్వానించారు. ఈ నేపథ్యంలో ఉమ్మారెడ్డి పార్టీ మారుతున్నారని ఆరోపణలు గుప్పుమన్నాయి. ఈ ఉప ఎన్నికలయ్యేంత వరకూ ఆగితే ఉమ్మారెడ్డికి ఖచ్చితంగా న్యాయం చేస్తామని చంద్రబాబు నాయుడు కూడా హామీ ఇచ్చారు. దీంతో వెనక్కితగ్గిన ఉమ్మారెడ్డి పార్టీ మారే నిర్ణయం ఉపసంహరించుకున్నారు. ఉప ఎన్నికల్లో తెలుగుదేశం పార్టీ అభ్యర్థులను గెలిపించేందుకు ఈయన కూడా రంగంలోకి దిగే అవకాశాలు కనిపిస్తున్నాయి.