ఇస్లాంలోకి మారితే రిజర్వేషన్ వర్తించదు.. సుప్రీంకోర్టు సంచలన తీర్పు.!
Publish Date:Oct 15, 2026
Advertisement
మత మార్పిడి చేసుకున్న వ్యక్తులు తమ పూర్వపు కుల గుర్తింపు లేదా సామాజిక హోదా ఆధారంగా రిజర్వేషన్ల ప్రయోజనాలను క్లెయిమ్ చేయడానికి అర్హులు కాదని సుప్రీంకోర్టు స్పష్టం చేసింది. ఈ మేరకు సర్వోన్నత న్యాయస్థానం వెలువరించిన తీర్పు దేశవ్యాప్తంగా తీవ్ర చర్చనీయాంశంగా మారింది. మద్రాస్ హైకోర్టు గతంలో ఇచ్చిన తీర్పును సమర్థిస్తూ సుప్రీంకోర్టు ఈ సంచలన నిర్ణయం తీసుకుంది. ఇస్లాం మతంలోకి మారిన ఒక వ్యక్తి బీసీ (వెనుకబడిన తరగతులు) రిజర్వేషన్ ఫలాలను పొందడానికి అర్హుడు కాదంటూ హైకోర్టు వెలువరించిన తీర్పును అత్యున్నత న్యాయస్థానం వెనక్కియలేదు. ఒక వ్యక్తి తన మతాన్ని మార్చుకున్నప్పుడు, అతని సామాజిక వర్గం లేదా కుల హోదా మారుతుందని కోర్టు పేర్కొంది. కేవలం మత మార్పిడికి ముందు ఉన్న కుల గుర్తింపును అడ్డుపెట్టుకుని, వేరే మతంలోకి వెళ్లిన తర్వాత కూడా రిజర్వేషన్ల ఫలాలు ఆశించడం చట్టబద్ధంగా సరికాదని న్యాయస్థానం అభిప్రాయపడింది. ఈ కేసు విచారణ సందర్భంగా రిజర్వేషన్ల ప్రాతిపదిక, రాజ్యాంగ నిబంధనలు మరియు గతంలో వెలువడిన వివిధ తీర్పులను పరిశీలించారు. మతమార్పిడి తర్వాత జీవన విధానం, ఆచారాలు మారుతాయని, కాబట్టి ప్రత్యేక కేటగిరీల కింద లభించే సంక్షేమ ఫలాలు నిలిచిపోతాయని స్పష్టం చేశారు. ఈ తీర్పుపై వివిధ వర్గాల నుంచి భిన్నాభిప్రాయాలు వ్యక్తమవుతున్నాయి. రాజ్యాంగ స్ఫూర్తికి, చట్ట నిబంధనలకు అనుగుణంగానే ఈ తీర్పు వెలువడిందని కొందరు న్యాయనిపుణులు అభిప్రాయపడుతుండగా, సామాజిక మార్పులు వాస్తవ పరిస్థితులను కూడా పరిగణలోకి తీసుకోవాలని మరికొందరు వాదిస్తున్నారు. దేశంలో రిజర్వేషన్ల అమలు తీరు తెన్నులపై, అలాగే మత మార్పిడి చేసుకున్న వర్గాల హక్కులపై ఈ తీర్పు దీర్ఘకాలిక ప్రభావం చూపనుంది. భవిష్యత్తులోనూ రిజర్వేషన్లకు సంబంధించిన అనేక న్యాయపరమైన వివాదాలకు ఈ తీర్పు ఒక స్పష్టమైన దిశానిర్దేశం చేస్తుందని నిపుణులు భావిస్తున్నారు. [ Supreme Court ruling, religious conversion, BC reservation, caste reservation India, Madras High Court judgment, Telugu One News, Telug News ]
http://www.teluguone.com/news/content/supreme-court-ruling-23-234484.html





