పిల్లలకు ఇంటర్నెట్ నిషేధం: రాజ్యాంగ విరుద్ధం.. సుప్రీం సంచలన తీర్పు.!

Publish Date:Oct 17, 2026

Advertisement

దేశంలో పిల్లలకు ఇంటర్నెట్ వినియోగాన్ని పూర్తిగా నిషేధించడం రాజ్యాంగ విరుద్ధమని, డిజిటల్ ప్రపంచాన్ని అందుబాటులోకి తెచ్చుకోవడం వారి ప్రాథమిక హక్కు అని దేశ సర్వోన్నత న్యాయస్థానం సుప్రీం కోర్టు   సంచలన తీర్పు వెలువరించింది. పిల్లల వయస్సుతో సంబంధం లేకుండా ఇంటర్నెట్ సేవలను వినియోగించుకునే హక్కు వారికి ఉందని సుప్రీంకోర్టు స్పష్టం చేసింది. డిజిటల్ సమాచారాన్ని పొందేందుకు ఉద్దేశించిన ఈ స్వేచ్ఛను ఆపడం వారి విజ్ఞాన సముపార్జనకు, ప్రాథమిక హక్కులకు భంగం కలిగించడమేనని విస్పష్టంగా పేర్కొంది. 

ఈ సందర్భంగా సుప్రీం కోర్టు  రాజ్యాంగంలోని   నిబంధనలను ప్రస్తావించింది. రాజ్యాంగంలోని ఆర్టికల్ 21 (జీవించే హక్కు, వ్యక్తిగత స్వేచ్ఛ),  ఆర్టికల్ 19(1)(a) (వాక్ స్వాతంత్ర్యం, భావప్రకటనా స్వేచ్ఛ) కింద ఇంటర్నెట్ సౌకర్యాన్ని పొందడం ప్రతి పౌరుడి ప్రాథమిక హక్కు అని తెలిపింది. ఈ రాజ్యాంగబద్ధమైన డిజిటల్ హక్కులు పెద్దలతో పాటు చిన్న పిల్లలకు కూడా సమానంగా వర్తిస్తాయనీ, వారిని ఆన్‌లైన్ ప్రపంచం నుంచి వేరు చేయడం సరైన విధానం కాదని సుప్రీం ధర్మాసనం పేర్కొంది. 

ఆన్‌లైన్ వేదికలపై పిల్లల రక్షణ, వారి మానసిక ఆరోగ్యం మరియు భద్రత పట్ల ఆందోళనలు సమంజసమే అయినప్పటికీ, దానికి సంపూర్ణ నిషేధం ఒక్కటే పరిష్కారం కాదని స్పష్టం చేసింది. నిషేధాలు విధించడం వల్ల పిల్లల నేర్చుకునే తత్వం, నైపుణ్యాల పెంపొందించుకునే అవకాశం దెబ్బతింటుందనీ,  మారుమూల ప్రాంతాల్లోని పిల్లలకు విద్య, సమాచారం అందించడంలోనూ, ప్రత్యేక అవసరాలు కలిగిన పిల్లలకు సామర్థ్యాలను మెరుగుపరచడంలోనూ ఇంటర్నెట్ కీలక పాత్ర పోషిస్తోందని సుప్రీం కోర్టు గుర్తు చేసింది. 

పిల్లలను ఆన్‌లైన్ ప్రమాదాల నుంచి రక్షించేందుకు నిషేధానికి బదులుగా సాంకేతిక పరిష్కారాలు,  కఠిన నిబంధనలు అమలు చేయాలని సోషల్ మీడియా, డిజిటల్ ప్లాట్‌ఫారమ్‌లకు  ఆదేశాలు జారీ చేసింది. ముఖ్యంగా డిజిటల్ ప్లాట్‌ఫారమ్‌లలో తప్పనిసరిగా  చైల్డ్ మోడ్, పేరెంటింగ్ కంట్రోల్ ఫీచర్లను అందుబాటులోకి తీసుకురావాలనీ,  దీనిద్వారా పిల్లల సెర్చ్ హిస్టరీ, కాంటాక్ట్ సెట్టింగ్‌లు, యాక్సెస్‌ను తల్లిదండ్రులు పర్యవేక్షించే వీలుంటుందని పేర్కొంది.

దీనితో పాటు, పిల్లలపై జరుగుతున్న లైంగిక వేధింపులు, దుర్వినియోగానికి సంబంధించిన కంటెంట్‌ను తక్షణమే గుర్తించి డిజిటల్ వేదికల నుంచి తొలగించేందుకు సమర్థవంతమైన ఐటీ వ్యవస్థను ఏర్పాటు చేయాలని ప్లాట్‌ఫారమ్‌లను ఆదేశించింది. హానికర కంటెంట్‌ను నిరోధించడంలో యాజమాన్యాలు విఫలమైనప్పుడు, ఆ భారాన్ని పిల్లల హక్కులను పరిమితం చేయడం ద్వారా వారిపై మోపడం ఎంతమాత్రం సరికాదని కోర్టు స్పష్టం చేసింది.

కేంద్ర ప్రభుత్వం, ఐటీ విభాగాలు, సోషల్ మీడియా సంస్థలు,  తల్లిదండ్రులు సమన్వయంతో వ్యవహరించి పిల్లలకు సురక్షితమైన డిజిటల్ వాతావరణాన్ని కల్పించాలని న్యాయస్థానం సూచించింది.  

[Supreme Court ensational Verdict  internet Access Children, Ddigital Access, Mandatory Child Mode Social Media, Kids Internet Ban, Telugu One]

By
en-us Political News

  
 పెట్టుబడులు, పరిశ్రమల స్థాపనలో నెలకొన్న పేటీ నేపథ్యంలో అధికారుల తొలగింపు ప్రాధాన్యత సంతరించుకుంది. ఈ నేపథ్యంలోనే ఆంధ్రప్రదేశ్ మంత్రి నారా లోకేష్  సోషల్ మీడియా వేదికగా షేర్ చేసిన పోస్టు హల్ చల్ చేస్తోంది.
రాజస్థాన్ లోకల్ బాడీ ఎన్నికలలో ప్రతిపక్ష కాంగ్రెస్ అద్భుత ఫలితాలను సాధిస్తూ.. పరిశీలకులను విస్మయపరుస్తోంది.   జిల్లా పరిషత్, పంచాయతీ సమితి ఎన్నికల లెక్కింపులో కాంగ్రెస్ దూసుకుపోతుండటం రాష్ట్ర రాజకీయాల్లో సంచలనం సృష్టిస్తోంది.
జమ్మూ కశ్మీర్ సరిహద్దు ప్రాంతాల్లో ఉగ్ర  కదలికలు, సిక్కిం గగనతలంలో చైనా యుద్ధ విమానం సంచారం వంటి పరిణామాలను చూపుతున్నారు. ఈ పరిణామాలు దేశ భద్రతా వర్గాల్లో   చర్చకు దారితీశాయి. 
వయోభారం,  ఇతర అనారోగ్య సమస్యలు, శ్వాస తీసుకోవడంలో ఇబ్బందులు కారణంగా ఆమె మరణించినట్లు కుటుంబ సభ్యులు తెలిపారు.
ప్రపంచ భౌగోళిక రాజకీయాల్లో భారత్ ఒక  సైడ్ ప్లేయర్ గా మారిపోయిందని రాహుల్ చికాగో  వర్సిటీ వేదికగా వ్యాఖ్యానించారు.  గతంలో అంతర్జాతీయ వేదికలపై స్వతంత్ర దృక్పథంతో వ్యవహరించిన దేశం..  ప్రస్తుత పరిస్థితుల్లో తన ప్రభావాన్ని కోల్పోయి పక్కకు తప్పుకుందని  విమర్శించారు.
మైసూరులో విలేకరుల సమవేశంలో మాట్లాడిన  వచ్చే ఎన్నికల బరిలో  తాను ఉండబోననీ, ఇది ఖాయమనీ కుండబద్దలు కొట్టారు. తన వయసు,   ఆరోగ్య పరిస్థితుల దృష్ట్యా ఎన్నికల్లో పోటీ చేయడం సాధ్యం కాదన్నారు. 
జాతీయ జెండాను నేలపై ఉంచకూడదనే స్పృహతో దానిని   తన జేబులో దాచుకున్నారు. పక్కనే నిలబడి ఉన్న అమెరికా అధ్యక్షుడు డొనాల్డ్ ట్రంప్  మోదీ చేసిన ఈ పనికి ముగ్ధులైన ట్రంప్, ఆ జెండా గుర్తును అలాగే భద్రపరుచుకోవాలని సూచించారు. 
 అమెరికా, చైనా వంటి దేశాలను వెనక్కి నెట్టి భారత ఆర్థిక వ్యవస్థ సరికొత్త రికార్డులను సృష్టిస్తోంది.  ఇన్ఫోఇన్‌డేటా నివేదిక ఈ విషయాన్ని విస్పష్టంగా పేర్కొంది.  అంతర్జాతీయంగా నెలకొన్న బాహ్య ఆర్థిక సంక్షోభాలను సమర్థంగా ఎదుర్కొంటూ భారత్ తన సత్తాను చాటుకుంటోంది.
కొద్ది రోజుల క్రితం కుల్గాం ప్రాంతంలో సీఆర్పీఎఫ్ సిబ్బందిని లక్ష్యంగా చేసుకుని ఉగ్రవాదులు జరిపిన కాల్పుల ఘటనకు కొనసాగింపుగా భద్రతా బలగాలు కూంబింగ్ చేపట్టారు.  ఈ నేపథ్యంలోనే తారసపడిన ఉగ్రవాదులు బలగాలపై కాల్పులకు తెగబడటంతో, భద్రతా దళాలు దీటుగా స్పందించి ఎదురుకాల్పులు జరిపాయి. 
ఇటీవల కొన్ని రోజులుగా హస్తిన వాసులను ఉక్కిరి బిక్కిరి చేసిన వాయుకాలుష్య స్థాయిలు తగ్గుముఖం పట్టాయి. అలాగే పొగమంచు బెడద కూడా గణనీయంగా  తగ్గింది. తీవ్ర వాయు కాలుష్యం కారణంగా ఇన్ని రోజులుగా ఉన్న నిబంధనలను అధికారులు తగ్గించారు. 
ఈ కేసులో జీవిత ఖైదు అనుభవిస్తున్న ఇద్దరు దోషుల శిక్షలను నిలిపివేస్తూ సర్వోన్నత న్యాయస్థానం వారికి బెయిల్ మంజూరు చేయడంపై బాధితురాలు బిల్కిస్ బానో తీవ్ర దిగ్భ్రాంతి వ్యక్తం చేశారు. కనీసం తనకు సమాచారం ఇవ్వకుండా, తన తరఫు వాదనలు వినకుండానే ఈ ఉత్తర్వులు వెలువడటం తనను విస్మయపరిచిందని ఆవేదన వ్యక్తం చేశారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.