ఇండియా కూటమిలో జాతీయ గేయం చిచ్చు.. కాంగ్రెస్, నేషనల్ కాన్ఫరెన్స్ మధ్య విభేదాలు భగ్గు.!

Publish Date:Sep 9, 2026

Advertisement

దేశవ్యాప్తంగా రాజకీయ వర్గాల్లో తీవ్ర చర్చనీయాంశంగా మారిన జాతీయ గేయం వందేమాతరం పూర్తిగా పాడటం అన్న అంశంపై ఇండియా కూటమిలోని భాగస్వామ్య పార్టీల మధ్య విభేదాలు పెచ్చరిల్లాయి.   కాంగ్రెస్ పార్టీ అనుసరిస్తున్న వైఖరికి భిన్నంగా, జమ్మూ కాశ్మీర్ నేషనల్ కాన్ఫరెన్స్ అగ్రనేతలు ఫరూఖ్ అబ్దుల్లా, ఆ రాష్ట్ర ముఖ్యమంత్రి ఒమర్ అబ్దుల్లా జాతీయ గేయం వందేమాతరంను పూర్తిగా పాడటం ఇండియా కూటమి పార్టీల మధ్య చిచ్చు పెట్టింది. ముఖ్యంగా నేషనల్ కాన్ఫరెన్స్, కాంగ్రెస్ మధ్య విభేదాలను బట్టబయలు చేసింది.  శ్రీనగర్‌లో జరిగిన తొలి అంతర్జాతీయ చలనచిత్రోత్సవంలో జాతీయ గీతానికి ముందు ప్రసారమైన జాతీయ గేయం వందేమాతరం ఆలపించే సమయంలో కేంద్ర మంత్రిత్వ శాఖ జారీ చేసిన  కొత్త మార్గదర్శకాలకు అనుగుణంగా, ఈ కార్యక్రమంలో వందేమాతరం గేయాన్ని పూర్తిగా పాడారు.  

ఈ వేడుకలో భాగంగా ప్రసారమైన వందేమాతరం పూర్తి పాట   3 నిముషాల 10 సెకన్ల పాటు సాగింది. ఈ  సమయంలో జమ్మూ కాశ్మీర్ ముఖ్యమంత్రి ఒమర్ అబ్దుల్లా, మాజీ ముఖ్యమంత్రి ఫరూఖ్ అబ్దుల్లా గేయం మొదటి నుంచి చివరి వరకు మొత్తం 6  చరణాలు పూర్తయ్యే వరకు గౌరవసూచకంగా నిలబడ్డారు. ఇండియా కూటమిలో కాంగ్రెస్‌తో కలిసి అధికారికంగా భాగస్వామిగా ఉన్నప్పటికీ, జాతీయ గేయానికి గౌరవ విషయంలో నేషనల్ కాన్ఫరెన్స్ నాయకులు వ్యవహరించిన తీరు అందరినీ ఆకట్టుకుంది. సోషల్ మీడియాలో దీనికి సంబంధించిన వీడియో తెగ వైరల్ అయ్యింది.  నేషనల్ కాన్ఫరెన్స్ అగ్రనేతలు కాంగ్రెస్ వైఖరికి భిన్నంగా వ్యవహరించడం  జాతీయ స్థాయిలో హాట్ టాపిక్ గా మారింది.  

స్వాతంత్ర్య దినోత్సవ వేడుకల సందర్భంగా ఢిల్లీలోని కాంగ్రెస్ ప్రధాన కార్యాలయంలో జరిగిన కార్యక్రమంలో    వందేమాతరం ఆలపిస్తున్నప్పుడు, మొదటి రెండు చరణాలు దాటి పాట ముందుకు వెళ్లడాన్ని సీనియర్ నేత సోనియా గాంధీ  వ్యతిరేకించారు. పాట మూడు లేదా అంతకంటే ఎక్కువ చరణాలకు వెడుతున్నట్లు గుర్తించిన వెంటనే సోనియా గాంధీ   అసంతృప్తిని వ్యక్తం చేస్తూ..   నిలిపివేయాలని సైగ ద్వారా ఆదేశాలు జారీ చేయడం  వివాదానికి దారితీసింది.  

కాంగ్రెస్ పార్టీ మాత్రం తమ నిర్ణయాన్ని సమర్థించుకుంటూ 1937 నాటి కాంగ్రెస్ వర్కింగ్ కమిటీ తీర్మానానికి కట్టుబడి ఉన్నామని స్పష్టం చేసింది. దేశంలో మత సామరస్యాన్ని కాపాడే ఉద్దేశంతోనే నాటి అగ్రనేతలు వందేమాతరం గీతంలోని మొదటి రెండు చరణాలను మాత్రమే అధికారిక కార్యక్రమాలలో ఆలపించాలని నిర్ణయించారని, ఇప్పటికీ తాము అదే విధానాన్ని పాటిస్తున్నామని కాంగ్రెస్ వర్గాలు చెబుతున్నాయి. 

అయితే, కేంద్ర ప్రభుత్వం తీసుకొచ్చిన తాజా మార్గదర్శకాల ప్రకారమే అందరూ నడుచుకోవాలని బీజేపీ  డిమాండ్ చేస్తుండగా, కాంగ్రెస్ మాత్రం తన పాత 1937 నాటి తీర్మానానికే కట్టుబడి ఉండటం రాజకీయంగా దుమారం రేపింది. ఇలాంటి సున్నితమైన,  వివాదాస్పద వాతావరణంలో జమ్మూ కాశ్మీర్ లోయ నుండి వచ్చిన ఈ పరిణామం  ప్రాధాన్యత సంతరించుకుంది. ఢిల్లీ వేదికగా వందేమాతరం ఎన్ని చరణాలు పాడాలనే దానిపై అధికార, ప్రతిపక్షాల మధ్య మాటల యుద్ధం జరుగుతుండగా, కాశ్మీర్ లో మాత్రం కేంద్ర మార్గదర్శకాల ప్రకారం వందేమాతర గేయాన్నిపూర్తిగా ఆలకించి గౌరవించడం ఇండియా కూటమి భాగస్వామ్యపక్షాల మధ్య విభేదాలకు అద్దంపట్టింది. 


[Differences Between India Allience Parties, Vande Mataram row, Omar Abdullah, Farooq Abdullah, Sonia Gandhi, Congress 1937 resolution, India bloc allies, Telugu One]

By
en-us Political News

  
 పెట్టుబడులు, పరిశ్రమల స్థాపనలో నెలకొన్న పేటీ నేపథ్యంలో అధికారుల తొలగింపు ప్రాధాన్యత సంతరించుకుంది. ఈ నేపథ్యంలోనే ఆంధ్రప్రదేశ్ మంత్రి నారా లోకేష్  సోషల్ మీడియా వేదికగా షేర్ చేసిన పోస్టు హల్ చల్ చేస్తోంది.
రాజస్థాన్ లోకల్ బాడీ ఎన్నికలలో ప్రతిపక్ష కాంగ్రెస్ అద్భుత ఫలితాలను సాధిస్తూ.. పరిశీలకులను విస్మయపరుస్తోంది.   జిల్లా పరిషత్, పంచాయతీ సమితి ఎన్నికల లెక్కింపులో కాంగ్రెస్ దూసుకుపోతుండటం రాష్ట్ర రాజకీయాల్లో సంచలనం సృష్టిస్తోంది.
జమ్మూ కశ్మీర్ సరిహద్దు ప్రాంతాల్లో ఉగ్ర  కదలికలు, సిక్కిం గగనతలంలో చైనా యుద్ధ విమానం సంచారం వంటి పరిణామాలను చూపుతున్నారు. ఈ పరిణామాలు దేశ భద్రతా వర్గాల్లో   చర్చకు దారితీశాయి. 
వయోభారం,  ఇతర అనారోగ్య సమస్యలు, శ్వాస తీసుకోవడంలో ఇబ్బందులు కారణంగా ఆమె మరణించినట్లు కుటుంబ సభ్యులు తెలిపారు.
ప్రపంచ భౌగోళిక రాజకీయాల్లో భారత్ ఒక  సైడ్ ప్లేయర్ గా మారిపోయిందని రాహుల్ చికాగో  వర్సిటీ వేదికగా వ్యాఖ్యానించారు.  గతంలో అంతర్జాతీయ వేదికలపై స్వతంత్ర దృక్పథంతో వ్యవహరించిన దేశం..  ప్రస్తుత పరిస్థితుల్లో తన ప్రభావాన్ని కోల్పోయి పక్కకు తప్పుకుందని  విమర్శించారు.
మైసూరులో విలేకరుల సమవేశంలో మాట్లాడిన  వచ్చే ఎన్నికల బరిలో  తాను ఉండబోననీ, ఇది ఖాయమనీ కుండబద్దలు కొట్టారు. తన వయసు,   ఆరోగ్య పరిస్థితుల దృష్ట్యా ఎన్నికల్లో పోటీ చేయడం సాధ్యం కాదన్నారు. 
జాతీయ జెండాను నేలపై ఉంచకూడదనే స్పృహతో దానిని   తన జేబులో దాచుకున్నారు. పక్కనే నిలబడి ఉన్న అమెరికా అధ్యక్షుడు డొనాల్డ్ ట్రంప్  మోదీ చేసిన ఈ పనికి ముగ్ధులైన ట్రంప్, ఆ జెండా గుర్తును అలాగే భద్రపరుచుకోవాలని సూచించారు. 
 అమెరికా, చైనా వంటి దేశాలను వెనక్కి నెట్టి భారత ఆర్థిక వ్యవస్థ సరికొత్త రికార్డులను సృష్టిస్తోంది.  ఇన్ఫోఇన్‌డేటా నివేదిక ఈ విషయాన్ని విస్పష్టంగా పేర్కొంది.  అంతర్జాతీయంగా నెలకొన్న బాహ్య ఆర్థిక సంక్షోభాలను సమర్థంగా ఎదుర్కొంటూ భారత్ తన సత్తాను చాటుకుంటోంది.
కొద్ది రోజుల క్రితం కుల్గాం ప్రాంతంలో సీఆర్పీఎఫ్ సిబ్బందిని లక్ష్యంగా చేసుకుని ఉగ్రవాదులు జరిపిన కాల్పుల ఘటనకు కొనసాగింపుగా భద్రతా బలగాలు కూంబింగ్ చేపట్టారు.  ఈ నేపథ్యంలోనే తారసపడిన ఉగ్రవాదులు బలగాలపై కాల్పులకు తెగబడటంతో, భద్రతా దళాలు దీటుగా స్పందించి ఎదురుకాల్పులు జరిపాయి. 
ఇటీవల కొన్ని రోజులుగా హస్తిన వాసులను ఉక్కిరి బిక్కిరి చేసిన వాయుకాలుష్య స్థాయిలు తగ్గుముఖం పట్టాయి. అలాగే పొగమంచు బెడద కూడా గణనీయంగా  తగ్గింది. తీవ్ర వాయు కాలుష్యం కారణంగా ఇన్ని రోజులుగా ఉన్న నిబంధనలను అధికారులు తగ్గించారు. 
ఈ కేసులో జీవిత ఖైదు అనుభవిస్తున్న ఇద్దరు దోషుల శిక్షలను నిలిపివేస్తూ సర్వోన్నత న్యాయస్థానం వారికి బెయిల్ మంజూరు చేయడంపై బాధితురాలు బిల్కిస్ బానో తీవ్ర దిగ్భ్రాంతి వ్యక్తం చేశారు. కనీసం తనకు సమాచారం ఇవ్వకుండా, తన తరఫు వాదనలు వినకుండానే ఈ ఉత్తర్వులు వెలువడటం తనను విస్మయపరిచిందని ఆవేదన వ్యక్తం చేశారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.