డీజిల్ విక్రయాలపై మళ్ళీ ఆంక్షలు: రోజుకు ఎన్ని లీటర్లంటే.!

Publish Date:Sep 30, 2026

Advertisement

దేశీయ ఇంధన మార్కెట్‌లో కీలక పరిణామం చోటుచేసుకుంది. అంతర్జాతీయ మార్కెట్‌లో ముడిచమురు ధరలు హెచ్చుతగ్గులకు లోనవుతున్న నేపథ్యంలో, దేశీయంగా రిటైల్,  బల్క్ డీజిల్ విక్రయాల ధరల మధ్య 40 వరకూ  వ్యత్యాసం ఏర్పడింది. ఈ ధరల వ్యత్యాసం కారణంగా ప్రైవేట్ ఇంధన దిగ్గజాలైన రిలయన్స్-బీపీ, నయారా ఎనర్జీ  సంస్థలు దేశవ్యాప్తంగా తమ పెట్రోల్ బంకుల్లో డీజిల్ విక్రయాలపై   ఆంక్షలు మరియు పరిమితులను విధించాయి. సామాన్య వినియోగదారులకు ఎలాంటి ఇబ్బందులు కలగకుండా, ప్రైవేట్ బంకుల్లో భారీ మొత్తంలో ఇంధనం కొనుగోలు చేసే వాణిజ్య వాహనదారులు, ఫ్యాక్టరీలు మరియు బల్క్ కస్టమర్లపై ఈ నియంత్రణలు అమల్లోకి వచ్చాయి. గరిష్ఠంగా రోజుకు 50 లీటర్లు అని నియంత్రణ విధించాయి. 

అంతర్జాతీయంగా ముడిచమురు ధరల పెరుగుదల భారాన్ని తట్టుకునేందుకు ప్రభుత్వ రంగ చమురు సంస్థలు రిటైల్ ధరలను స్థిరంగా ఉంచినప్పటికీ, ప్రైవేట్ సంస్థలకు మాత్రం బల్క్,  రిటైల్ మార్కెట్ల మధ్య ధరల తేడా వ్యాపార పరంగా తీవ్ర నష్టాలను తెచ్చిపెడుతోంది. ఈ పరిస్థితుల నడుమ జియోబీపీ, నయారా ఎనర్జీ బంకుల ద్వారా ఒక్కో వాహనానికి లేదా వినియోగదారుడికి రోజువారీ విక్రయాలపై  50 లీటర్ల పరిమితి విధించాయి సాధారణంగా రోజువారీ అవసరాలకు మించి భారీ క్యాన్లు లేదా ట్యాంకర్లలో ఇంధనం తీసుకునేవారికి తనిఖీలు తప్పట్లేదు. చాలా బంకుల్లో సాధారణ కార్లు, బైకులకు మాత్రమే కాకుండా వాణిజ్య వాహనాలకు కూడా ఈ పరిమితి వర్తిస్తుంది.

ఈ పరిణామం రవాణా రంగంపై తీవ్ర ప్రభావాన్ని చూపే అవకాశం ఉందంటున్నారు పరిశీలకులు.   మరోవైపు ప్రభుత్వ రంగ చమురు సంస్థలైన ఇండియన్ ఆయిల్ కార్పొరేషన్ , భారత్ పెట్రోలియం, హిందుస్థాన్ పెట్రోలియం   బంకుల్లో మాత్రం సాధారణ విక్రయాలు యథావిధిగా కొనసాగుతున్నాయి. అయితే ప్రైవేట్ మార్కెట్‌లో ఏర్పడిన ఈ డీజిల్ కొరత భయం,  పరిమితుల కారణంగా రాబోయే రోజుల్లో ఇంధన సరఫరా గొలుసుపై మరింత ప్రభావం పడే సూచనలు కనిపిస్తున్నాయి. ధరల వ్యత్యాసం పూర్తిగా సర్దుమణిగే వరకు లేదా కేంద్ర ప్రభుత్వం నుంచి తదుపరి మార్గదర్శకాలు వచ్చే వరకు ఈ ఆంక్షలు అమల్లో ఉండే అవకాశం ఉందని మార్కెట్ నిపుణులు అంచనా వేస్తున్నారు.

[Diesel Shortage, Jio Bp Diesel Limit, Nayara Energy , Bulk Retail Diesel Price Gap, Telugu One]

By
en-us Political News

  
 పెట్టుబడులు, పరిశ్రమల స్థాపనలో నెలకొన్న పేటీ నేపథ్యంలో అధికారుల తొలగింపు ప్రాధాన్యత సంతరించుకుంది. ఈ నేపథ్యంలోనే ఆంధ్రప్రదేశ్ మంత్రి నారా లోకేష్  సోషల్ మీడియా వేదికగా షేర్ చేసిన పోస్టు హల్ చల్ చేస్తోంది.
రాజస్థాన్ లోకల్ బాడీ ఎన్నికలలో ప్రతిపక్ష కాంగ్రెస్ అద్భుత ఫలితాలను సాధిస్తూ.. పరిశీలకులను విస్మయపరుస్తోంది.   జిల్లా పరిషత్, పంచాయతీ సమితి ఎన్నికల లెక్కింపులో కాంగ్రెస్ దూసుకుపోతుండటం రాష్ట్ర రాజకీయాల్లో సంచలనం సృష్టిస్తోంది.
జమ్మూ కశ్మీర్ సరిహద్దు ప్రాంతాల్లో ఉగ్ర  కదలికలు, సిక్కిం గగనతలంలో చైనా యుద్ధ విమానం సంచారం వంటి పరిణామాలను చూపుతున్నారు. ఈ పరిణామాలు దేశ భద్రతా వర్గాల్లో   చర్చకు దారితీశాయి. 
వయోభారం,  ఇతర అనారోగ్య సమస్యలు, శ్వాస తీసుకోవడంలో ఇబ్బందులు కారణంగా ఆమె మరణించినట్లు కుటుంబ సభ్యులు తెలిపారు.
ప్రపంచ భౌగోళిక రాజకీయాల్లో భారత్ ఒక  సైడ్ ప్లేయర్ గా మారిపోయిందని రాహుల్ చికాగో  వర్సిటీ వేదికగా వ్యాఖ్యానించారు.  గతంలో అంతర్జాతీయ వేదికలపై స్వతంత్ర దృక్పథంతో వ్యవహరించిన దేశం..  ప్రస్తుత పరిస్థితుల్లో తన ప్రభావాన్ని కోల్పోయి పక్కకు తప్పుకుందని  విమర్శించారు.
మైసూరులో విలేకరుల సమవేశంలో మాట్లాడిన  వచ్చే ఎన్నికల బరిలో  తాను ఉండబోననీ, ఇది ఖాయమనీ కుండబద్దలు కొట్టారు. తన వయసు,   ఆరోగ్య పరిస్థితుల దృష్ట్యా ఎన్నికల్లో పోటీ చేయడం సాధ్యం కాదన్నారు. 
జాతీయ జెండాను నేలపై ఉంచకూడదనే స్పృహతో దానిని   తన జేబులో దాచుకున్నారు. పక్కనే నిలబడి ఉన్న అమెరికా అధ్యక్షుడు డొనాల్డ్ ట్రంప్  మోదీ చేసిన ఈ పనికి ముగ్ధులైన ట్రంప్, ఆ జెండా గుర్తును అలాగే భద్రపరుచుకోవాలని సూచించారు. 
 అమెరికా, చైనా వంటి దేశాలను వెనక్కి నెట్టి భారత ఆర్థిక వ్యవస్థ సరికొత్త రికార్డులను సృష్టిస్తోంది.  ఇన్ఫోఇన్‌డేటా నివేదిక ఈ విషయాన్ని విస్పష్టంగా పేర్కొంది.  అంతర్జాతీయంగా నెలకొన్న బాహ్య ఆర్థిక సంక్షోభాలను సమర్థంగా ఎదుర్కొంటూ భారత్ తన సత్తాను చాటుకుంటోంది.
కొద్ది రోజుల క్రితం కుల్గాం ప్రాంతంలో సీఆర్పీఎఫ్ సిబ్బందిని లక్ష్యంగా చేసుకుని ఉగ్రవాదులు జరిపిన కాల్పుల ఘటనకు కొనసాగింపుగా భద్రతా బలగాలు కూంబింగ్ చేపట్టారు.  ఈ నేపథ్యంలోనే తారసపడిన ఉగ్రవాదులు బలగాలపై కాల్పులకు తెగబడటంతో, భద్రతా దళాలు దీటుగా స్పందించి ఎదురుకాల్పులు జరిపాయి. 
ఇటీవల కొన్ని రోజులుగా హస్తిన వాసులను ఉక్కిరి బిక్కిరి చేసిన వాయుకాలుష్య స్థాయిలు తగ్గుముఖం పట్టాయి. అలాగే పొగమంచు బెడద కూడా గణనీయంగా  తగ్గింది. తీవ్ర వాయు కాలుష్యం కారణంగా ఇన్ని రోజులుగా ఉన్న నిబంధనలను అధికారులు తగ్గించారు. 
ఈ కేసులో జీవిత ఖైదు అనుభవిస్తున్న ఇద్దరు దోషుల శిక్షలను నిలిపివేస్తూ సర్వోన్నత న్యాయస్థానం వారికి బెయిల్ మంజూరు చేయడంపై బాధితురాలు బిల్కిస్ బానో తీవ్ర దిగ్భ్రాంతి వ్యక్తం చేశారు. కనీసం తనకు సమాచారం ఇవ్వకుండా, తన తరఫు వాదనలు వినకుండానే ఈ ఉత్తర్వులు వెలువడటం తనను విస్మయపరిచిందని ఆవేదన వ్యక్తం చేశారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.