జాతీయ జెండా పట్టుకుంటే జైల్లో పెడతారా.. రాహుల్ గాంధీ ఆగ్రహం.!

Publish Date:Oct 14, 2026

Advertisement

సీజేపీ నేతలకు ఐదు రోజుల కస్టడీ..తీహార్ జైలుకు తరలింపు.!

ఢిల్లీలోని జంతర్ మంతర్ వద్ద నిరసన తెలిపినందుకు అరెస్టయిన కాక్‌రోచ్ జనతా పార్టీ (సీజేపీ) నేతలకు లోక్‌సభలో ప్రతిపక్ష నేత రాహుల్ గాంధీ మద్దతుగా నిలిచారు. శాంతియుతంగా నిరసన తెలుపుతూ జాతీయ జెండాను ప్రదర్శించడం నేరం కాదని, ఇందుకోసం యువతను జైల్లో పెట్టడం పిరికిపంద చర్య అని విమర్శించారు. పౌరుల రాజ్యాంగ హక్కులను కాపాడేందుకు అందరూ ఒక్కటిగా నిలవాలని పిలుపునిచ్చారు.

చీఫ్ ఎలక్షన్ కమిషనర్ జ్ఞానేశ్ కుమార్ రాజీనామా చేయాలని డిమాండ్ చేస్తూ సీజేపీ సభ్యులు జంతర్ మంతర్ వద్ద నిరసనకు ప్రయత్నించారు. ఈ క్రమంలో నిబంధనలు ఉల్లంఘించి నిరసన ప్రదేశంలోకి ప్రవేశించారనే ఆరోపణలపై పార్టీ నేతలు సౌరవ్ దాస్, అశుతోష్ రాంకాలను పోలీసులు అదుపులోకి తీసుకున్నారు. వీరితో పాటు అరెస్టయిన మరో నేత అజింక్యా షిండే వ్యక్తిగత పూచీకత్తుపై విడుదలయ్యారు.

అరెస్టయిన సౌరవ్ దాస్, అశుతోష్ రాంకాలను కోర్టులో హాజరుపరచగా.. వారికి ఐదు రోజుల జ్యుడీషియల్ కస్టడీ విధిస్తూ ప్రత్యేక ఎగ్జిక్యూటివ్ మేజిస్ట్రేట్ ఆదేశాలు జారీ చేశారు. గతంలోనూ వీరు ఇలాంటి నిరసనలకు సంబంధించి అరెస్టయ్యారని, విడుదల సమయంలో చేసుకున్న శాంతి ఒప్పందాన్ని ఉల్లంఘించారని పోలీసులు కోర్టుకు తెలిపారు. దీంతో వీరిద్దరినీ తీహార్ జైలుకు తరలించారు. మరోవైపు, అజింక్యా షిండే రూ.5 వేల వ్యక్తిగత పూచీకత్తుపై విడుదలయ్యారు.

ఈ అరెస్టులపై రాహుల్ గాంధీ సోషల్ మీడియా వేదికగా స్పందించారు. “జంతర్ మంతర్ భారత ప్రజలది. దానిని మేం తిరిగి స్వాధీనం చేసుకుంటాం. విద్యార్థులు, యువత, జర్నలిస్టులు, ఇండియా కూటమి.. అందరి లక్ష్యం ఒక్కటే. పౌరుల రాజ్యాంగ హక్కులను పరిరక్షించడం” అని పేర్కొన్నారు. రాహుల్ గాంధీతో పాటు అరవింద్ కేజ్రీవాల్, ఎంకే స్టాలిన్, అభిషేక్ బెనర్జీ, ఆదిత్య థాకరే వంటి పలువురు విపక్ష నేతలు కూడా అరెస్టులను ఖండించారు.

తమకు మద్దతుగా నిలిచిన రాహుల్ గాంధీకి సీజేపీ వ్యవస్థాపకుడు అభిజీత్ దీప్కే కృతజ్ఞతలు తెలిపారు. మరోవైపు, జాతీయ జెండాను ప్రదర్శించినందుకు ఐదు రోజుల పాటు జైలులో ఉంచడం ఏమిటని ఆయన ప్రశ్నించారు. “దేశంలో ఎమర్జెన్సీ విధించాలనుకుంటే అధికారికంగా ప్రకటించండి. జంతర్ మంతర్ వద్ద జాతీయ జెండా ఊపినందుకే జైలుకు పంపే అనధికారిక ఎమర్జెన్సీ ఎందుకు?” అంటూ విమర్శించారు.

కాగా, ఢిల్లీ పోలీసులు ఈ నెల 11న జంతర్ మంతర్‌ను నిరసనల వేదికల జాబితా నుంచి తొలగించారు. నిబంధనలు ఉల్లంఘించి అనుమతి లేని ప్రాంతంలోకి ప్రవేశించడం, ప్రభుత్వ విధులకు ఆటంకం కలిగించడం వంటి ఆరోపణలపై సీజేపీ నేతలపై కేసు నమోదు చేశారు. ఈ అరెస్టులు, కోర్టు ఆదేశాలు, విపక్ష నేతల విమర్శలతో ఢిల్లీలో రాజకీయంగా ఈ అంశం చర్చనీయాంశంగా మారింది.

 

 

 

[ CJP Leaders, Cockroach Janata Party, Rahul Gandhi, Saurav Das, Ashutosh Rankala, Ajinkya Shinde, Abhijeet Dipke, Gyanesh Kumar, Jantar Mantar Protest, Delhi Protest, Opposition Leaders, Peace Bond Violation, India Alliance, CJP News, Delhi Latest News, Jantar Mantar Controversy ]


 

By
en-us Political News

  
 పెట్టుబడులు, పరిశ్రమల స్థాపనలో నెలకొన్న పేటీ నేపథ్యంలో అధికారుల తొలగింపు ప్రాధాన్యత సంతరించుకుంది. ఈ నేపథ్యంలోనే ఆంధ్రప్రదేశ్ మంత్రి నారా లోకేష్  సోషల్ మీడియా వేదికగా షేర్ చేసిన పోస్టు హల్ చల్ చేస్తోంది.
రాజస్థాన్ లోకల్ బాడీ ఎన్నికలలో ప్రతిపక్ష కాంగ్రెస్ అద్భుత ఫలితాలను సాధిస్తూ.. పరిశీలకులను విస్మయపరుస్తోంది.   జిల్లా పరిషత్, పంచాయతీ సమితి ఎన్నికల లెక్కింపులో కాంగ్రెస్ దూసుకుపోతుండటం రాష్ట్ర రాజకీయాల్లో సంచలనం సృష్టిస్తోంది.
జమ్మూ కశ్మీర్ సరిహద్దు ప్రాంతాల్లో ఉగ్ర  కదలికలు, సిక్కిం గగనతలంలో చైనా యుద్ధ విమానం సంచారం వంటి పరిణామాలను చూపుతున్నారు. ఈ పరిణామాలు దేశ భద్రతా వర్గాల్లో   చర్చకు దారితీశాయి. 
వయోభారం,  ఇతర అనారోగ్య సమస్యలు, శ్వాస తీసుకోవడంలో ఇబ్బందులు కారణంగా ఆమె మరణించినట్లు కుటుంబ సభ్యులు తెలిపారు.
ప్రపంచ భౌగోళిక రాజకీయాల్లో భారత్ ఒక  సైడ్ ప్లేయర్ గా మారిపోయిందని రాహుల్ చికాగో  వర్సిటీ వేదికగా వ్యాఖ్యానించారు.  గతంలో అంతర్జాతీయ వేదికలపై స్వతంత్ర దృక్పథంతో వ్యవహరించిన దేశం..  ప్రస్తుత పరిస్థితుల్లో తన ప్రభావాన్ని కోల్పోయి పక్కకు తప్పుకుందని  విమర్శించారు.
మైసూరులో విలేకరుల సమవేశంలో మాట్లాడిన  వచ్చే ఎన్నికల బరిలో  తాను ఉండబోననీ, ఇది ఖాయమనీ కుండబద్దలు కొట్టారు. తన వయసు,   ఆరోగ్య పరిస్థితుల దృష్ట్యా ఎన్నికల్లో పోటీ చేయడం సాధ్యం కాదన్నారు. 
జాతీయ జెండాను నేలపై ఉంచకూడదనే స్పృహతో దానిని   తన జేబులో దాచుకున్నారు. పక్కనే నిలబడి ఉన్న అమెరికా అధ్యక్షుడు డొనాల్డ్ ట్రంప్  మోదీ చేసిన ఈ పనికి ముగ్ధులైన ట్రంప్, ఆ జెండా గుర్తును అలాగే భద్రపరుచుకోవాలని సూచించారు. 
 అమెరికా, చైనా వంటి దేశాలను వెనక్కి నెట్టి భారత ఆర్థిక వ్యవస్థ సరికొత్త రికార్డులను సృష్టిస్తోంది.  ఇన్ఫోఇన్‌డేటా నివేదిక ఈ విషయాన్ని విస్పష్టంగా పేర్కొంది.  అంతర్జాతీయంగా నెలకొన్న బాహ్య ఆర్థిక సంక్షోభాలను సమర్థంగా ఎదుర్కొంటూ భారత్ తన సత్తాను చాటుకుంటోంది.
కొద్ది రోజుల క్రితం కుల్గాం ప్రాంతంలో సీఆర్పీఎఫ్ సిబ్బందిని లక్ష్యంగా చేసుకుని ఉగ్రవాదులు జరిపిన కాల్పుల ఘటనకు కొనసాగింపుగా భద్రతా బలగాలు కూంబింగ్ చేపట్టారు.  ఈ నేపథ్యంలోనే తారసపడిన ఉగ్రవాదులు బలగాలపై కాల్పులకు తెగబడటంతో, భద్రతా దళాలు దీటుగా స్పందించి ఎదురుకాల్పులు జరిపాయి. 
ఇటీవల కొన్ని రోజులుగా హస్తిన వాసులను ఉక్కిరి బిక్కిరి చేసిన వాయుకాలుష్య స్థాయిలు తగ్గుముఖం పట్టాయి. అలాగే పొగమంచు బెడద కూడా గణనీయంగా  తగ్గింది. తీవ్ర వాయు కాలుష్యం కారణంగా ఇన్ని రోజులుగా ఉన్న నిబంధనలను అధికారులు తగ్గించారు. 
ఈ కేసులో జీవిత ఖైదు అనుభవిస్తున్న ఇద్దరు దోషుల శిక్షలను నిలిపివేస్తూ సర్వోన్నత న్యాయస్థానం వారికి బెయిల్ మంజూరు చేయడంపై బాధితురాలు బిల్కిస్ బానో తీవ్ర దిగ్భ్రాంతి వ్యక్తం చేశారు. కనీసం తనకు సమాచారం ఇవ్వకుండా, తన తరఫు వాదనలు వినకుండానే ఈ ఉత్తర్వులు వెలువడటం తనను విస్మయపరిచిందని ఆవేదన వ్యక్తం చేశారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.