ఆంధ్రప్రదేశ్‌లో పరిషత్ ఎన్నికల ఫలితాలు వైఎస్సార్ కాంగ్రెస్ పార్టీకి గట్టి షాకిచ్చాయి. రాష్ట్ర రాజకీయాల్లో కీలక వ్యక్తులుగా చెలామణి అయిన కొందరు మాజీ పార్లమెంటు సభ్యులు ఈ ఎన్నికల్లో ఊహించని పరాభవాన్ని ఎదుర్కొన్నారు. పార్టీ బలంగా ఉందని భావించిన నియోజకవర్గాల్లోనూ స్థానిక ఓటర్లు వేరే తీర్పు ఇవ్వడం రాజకీయ వర్గాల్లో హాట్‌ టాపిక్‌గా మారింది.

డాక్టర్ బీఆర్ అంబేద్కర్ కోనసీమ జిల్లాలో మాజీ ఎంపీ  చింతా అనురాధ అనూహ్యంగా ఓటమి చవిచూడాల్సి వచ్చింది. గంగవరం మండలం నుంచి వైఎస్సార్‌సీపీ తరఫున జెడ్పీటీసీ (ZPTC) స్థానానికి ఆమె బరిలోకి దిగారు. నియోజకవర్గంలో విస్తృతంగా ప్రచారం నిర్వహించినప్పటికీ, ఫలితాలు ఆమెకు అనుకూలంగా రాలేదు.

ఈ స్థానంలో తెలుగుదేశం పార్టీ అభ్యర్థి రవ్వా సీతామహాలక్ష్మి సునామీ సృష్టించారు. ప్రత్యర్థిపై ఏకంగా 7,317 ఓట్ల భారీ మెజారిటీతో ఘన విజయం సాధించారు. మాజీ ఎంపీ స్థాయి వ్యక్తి పోటీ చేసినప్పటికీ, స్థానిక కేడర్ మద్దతు కూడగట్టుకోవడంలో విఫలం కావడం  అధికార పార్టీ వ్యతిరేకత ఈ ఫలితాలపై ప్రభావం చూపినట్లు విశ్లేషకులు భావిస్తున్నారు.

ఇక అల్లూరి సీతారామరాజు జిల్లాలోనూ వైఎస్సార్‌సీపీకి ఇలాంటి ఘటనే ఎదురైంది. అరకు మాజీ ఎంపీ గొడ్డేటి మాధవి కొయ్యూరు జడ్పీటీసీ స్థానం నుంచి వైఎస్సార్‌సీపీ అభ్యర్థిగా పోటీ చేశారు. పార్లమెంటు సభ్యురాలిగా పనిచేసిన అనుభవం ఉన్నప్పటికీ, ఆమె స్థానిక ఎన్నికల రాజకీయాన్ని ఎదుర్కోవడంలో చలవ చవిచూశారు.

తెలుగుదేశం పార్టీ అభ్యర్థి హిమబిందు ఈ స్థానంలో గట్టి పోటీనిచ్చి విజయం సాధించారు. మాజీ ఎంపీ అయినప్పటికీ గొడ్డేటి మాధవిని కేవలం 978 ఓట్ల స్వల్ప తేడాతో ఓడించి టీడీపీ అభ్యర్థి సంచలనం సృష్టించారు. గిరిజన ప్రాంతంలో జరిగిన ఈ పోరు ఉత్కంఠభరితంగా సాగింది.

ఈ పరిషత్ ఎన్నికల ఫలితాలు రాష్ట్ర రాజకీయాల్లో సరికొత్త చర్చకు దారితీశాయి. జాతీయ లేదా రాష్ట్ర స్థాయి పదవులు అనుభవించిన నాయకులు సైతం స్థానిక ఎన్నికల్లో గెలుపొందడం అంత సులభం కాదని ఈ ఫలితాలు నిరూపించాయి. క్షేత్రస్థాయిలో ప్రజలతో నిరంతరం మమేకం కాకపోతే ఎంతటి ప్రముఖులకైనా ఓటమి తప్పదనే సంకేతాలను ఈ ఎన్నికలు స్పష్టం చేశాయి.

భవిష్యత్తులో జరగబోయే స్థానిక సంస్థల ఎన్నికలపై ఈ ఫలితాల ప్రభావం పడే అవకాశం ఉంది. ఓటర్లు కేవలం పార్టీలను కాకుండా స్థానిక అభ్యర్థుల పనితీరు, అందుబాటులో ఉండే తత్వాన్ని బేరీజు వేసుకుని ఓటు వేస్తున్నారనే అభిప్రాయం వ్యక్తమవుతోంది. రానున్న రోజుల్లో ఈ ఓటముల నుంచి వైఎస్సార్‌సీపీ నాయకత్వం ఏ విధమైన వ్యూహాత్మక మార్పులు చేస్తుందో వేచి చూడాలి.

ఇది కూడా చదవండి: డీప్‌ఫేక్‌ వీడియోలతో ఎమ్మెల్సీకి బెదిరింపులు.. రూ.5 కోట్లు డిమాండ్.!

[ AP ZPTC Elections, YCP Former MPs Defeat, Konaseema Politics, Goddeti Madhavi, Anuradha ZPTC Result, YSRCP, Chinta Anuradha, Goddeti Madhavi, TDP Alliance Victory, AP Local Body Election Results ]