సంచలనం సృష్టించిన రాప్తాడు పాఠశాల దాడి ఘటనలో తీవ్రంగా గాయపడిన పదవ తరగతి విద్యార్థిని గోపిక ఆరోగ్యం   కుదుటపడుతోంది. బెంగళూరులోని ప్రసిద్ధ మణిపాల్ ఆసుపత్రిలో ప్రత్యేక వైద్యుల పర్యవేక్షణలో చికిత్స పొందుతున్న ఆమె వేగంగా కోలుకుంటోంది. ఈ విషయాన్ని మంత్రి నారా లోకేష్ స్వయంగా సామాజిక మాధ్యమం ద్వారా వెల్లడించారు.  

దాడి జరిగిన వెంటనే అనంతపురం ప్రభుత్వ ఆసుపత్రిలో ప్రాథమిక చికిత్స అందించిన అనంతరం, ఆమెను మెరుగైన వైద్యం కోసం   అత్యవసరంగా గ్రీన్ కారిడార్ ద్వారా బెంగళూరు మణిపాల్ ఆసుపత్రికి తరలించారు. అక్కడ ఇమెకు వైద్యులు   శస్త్రచికిత్సలు నిర్వహించారు.  ప్రస్తుతం ఆమెకు వెంటిలేటర్ సపోర్ట్ తొలగించారు. ఆమె స్వయంగా ఊపిరి తీసుకుంటూ, నోటి ద్వారా తేలిక పాటి ఆహారం తీసుకుంటున్నది.   

అంతే కాకుండా ప్రస్తుతం ఆసుపత్రిలో చికిత్స పొందుతున్న ఆ బాలిక   ఉల్లాసంగా, ఉత్సాహంగా ఉండటంమే కాకుండా.. స్వయంగా లేచి నడవడానికి  ఉత్సాహం చూపుతోంది.  చిన్నారి మనోధైర్యం వైద్యులనే విస్మయపరుత్సోంది. ఈ వివరాలన్నిటినీ సోషల్ మీడియాలో పంచుకున్న మంత్రి నారా లోకేష్ ఆమె సంపూర్ణ ఆరోగ్యంతో మరింత వేగంగా కోలుకోవాలని   ఆకాంక్షించారు.

రాప్తాడు  ఘటనపై రాష్ట్ర ప్రభుత్వం తీవ్రంగా స్పందించి, బాధితురాలికి మెరుగైన వైద్యం అందేలా ప్రత్యేక చర్యలు తీసుకుంది. రాష్ట్ర మంత్రులు నారా లోకేష్,  సత్యకుమార్ యాదవ్ స్వయంగా ఆసుపత్రిని సందర్శించి, వైద్యులతో మాట్లాడి చికిత్స తీరును ఎప్పటికప్పుడు సమీక్షిస్తూ వచ్చారు. ప్రభుత్వ యంత్రాంగం, వైద్య బృందాల సమన్వయం వల్లనే చిన్నారి ప్రాణాపాయం నుండి బయటపడి వేగంగా కోలుకోగలుగుతోందని కుటుంబ సభ్యులు కృతజ్ఞతలు తెలిపారు.

ఇది కూడా చదవండి: వరుసకు బాబాయ్: పెళ్లికి నిరాకరించిందని బాలికపై కిరాతకం.!

ఇక పోతే రాప్తాడు ఘటన  విద్యా సంస్థల్లో భద్రతా లోపాలపై చర్చకు తెరలేపింది. భవిష్యత్తులో ఇలాంటి ఘటనలు పునరావృతం కాకుండా విద్యా సంస్థల్లో కఠినమైన భద్రతా చర్యలు చేపట్టాలని విద్యార్థి సంఘాలు, ప్రజా సంఘాలు డిమాండ్ చేస్తున్నాయి. విద్యార్థుల భద్రతకు  ప్రాధాన్యత ఇస్తూ ప్రభుత్వాలు మరిన్ని పటిష్టమైన మార్గదర్శకాలను అమలు చేయాల్సిన అవసరం ఎంతైనా ఉందని నిపుణులు అభిప్రాయపడుతున్నారు.

ఇలా ఉండగా రాప్తాడు నిందితుడిని పోలీసులు అదుపులోనికి తీసుకునే సమయంలో అతడు పోలీసులపై తిరగబడటంతో అనివార్య పరిస్థితుల్లో పోలీసులు కాల్పులు జరిపారు. ఆ కాల్పుల్లో నిందితుడి కాలికి తీవ్ర గాయమైంది. అతడి ప్రాణాలకు ముప్పు ఏర్పటంతో కోర్టు అనుమతి తీసుకుని వైద్యులు అతడి కాలు తొలగించారు. 

మీకు నచ్చవచ్చు: రాప్తాడు బాధితుడి కాలు తొలగింపు: అనంతపురం జీజీహెచ్ లో అర్థరాత్రి శస్త్రచికిత్స,!

రాప్తాడు బాధిత బాలికకు అండగా నారా లోకేష్: 48 గంటలు కీలకమన్న వైద్యులు.!

[Raptadu Victim Speedy Recovery, Gopika health update, Raptadu school attack, Manipal Hospital Bengaluru, Naralokesh, Telugu One]