LATEST NEWS
ప్రజల ప్రాణాలకు ముప్పు కలగకూడదని హెచ్చరించడమే ఆయన చేసిన నేరమైంది. రోడ్డుపై బాణసంచా కాల్చొద్దని చెప్పడమే ఆయన పాలిట శాపమైంది. విధులు ముగించుకుని ఇంటికి వెళ్తున్న ఓ పోలీసు అధికారి.. కొందరు యువకుల విచక్షణారహిత దాడికి బలయ్యారు. పండుగ పూట ఇంటికి తిరిగొస్తాడని ఎదురుచూస్తున్న కుటుంబానికి తీరని శోకాన్ని మిగిల్చారు. రీల్స్ పిచ్చి, క్షణికావేశం కలిసి ఓ నిండు ప్రాణాన్ని బలితీసుకున్నాయి. తమిళనాడులో జరిగిన ఈ దారుణ ఘటన సభ్య సమాజాన్ని ఉలిక్కిపడేలా చేసింది.
తమిళనాడు రాష్ట్రంలోని తేని జిల్లాలో దీపావళి వేళ ఈ హృదయవిదారక ఘటన చోటుచేసుకుంది. సమాజంలో శాంతిభద్రతలను కాపాడాల్సిన పోలీసు అధికారే.. చివరకు కొందరు యువకుల దాడిలో ప్రాణాలు కోల్పోయారు. మృతుడిని తేని డీఎస్పీ కార్యాలయంలో స్పెషల్ సబ్ ఇన్‌స్పెక్టర్‌గా పనిచేస్తున్న సెంథిల్ కుమార్‌గా గుర్తించారు.
ఆదివారం రాత్రి విధులు ముగించుకున్న సెంథిల్ కుమార్ సాధారణ దుస్తుల్లో తన ద్విచక్ర వాహనంపై ఇంటికి బయలుదేరారు. రోజంతా విధుల్లో గడిపిన ఆయన.. కుటుంబ సభ్యుల వద్దకు చేరుకోవాలనే ఆలోచనతో ప్రయాణం సాగిస్తున్నారు. కానీ మార్గమధ్యంలో కనిపించిన ఓ దృశ్యం ఆయన ప్రాణాలనే ప్రమాదంలో పడేస్తుందని ఊహించలేదు.
సమాధర్మపురం ప్రధాన రహదారిపై కొందరు యువకులు రాకపోకలకు తీవ్ర అంతరాయం కలిగిస్తూ బాణసంచా కాలుస్తున్నారు. పండుగ సంబరాల పేరుతో నడిరోడ్డుపై నిప్పులు చిమ్ముతూ.. వాటిని వీడియోలు, రీల్స్‌గా చిత్రీకరిస్తున్నారు. అటుగా వెళ్లే వాహనదారులు, పాదచారుల భద్రతకు ముప్పు ఏర్పడటాన్ని గమనించిన సెంథిల్ కుమార్ వారిని అడ్డుకున్నారు.
రోడ్డుపై బాణసంచా కాల్చడం ప్రమాదకరమని, ఇతరులకు ఇబ్బంది కలిగించవద్దని సర్దిచెప్పే ప్రయత్నం చేశారు. అంతేకాదు.. వారి చర్యలను తన సెల్‌ఫోన్‌లో రికార్డు చేసేందుకు ప్రయత్నించారు. అంతే.. అప్పటివరకు పండుగ సంబరాల్లో ఉన్న యువకుల ఆగ్రహం కట్టలు తెంచుకుంది. మాటామాటా పెరిగి వాగ్వాదానికి దారితీసింది.
హెచ్చరించినందుకు అంతటి కక్షా.?
ఒక పోలీసు అధికారి అన్న గౌరవం కూడా లేకుండా ఆ యువకులు సెంథిల్ కుమార్‌పై మూకుమ్మడిగా దాడికి దిగారు. విచక్షణ కోల్పోయి తీవ్రంగా కొట్టారు. ఊహించని ఈ దాడిలో ఆయన తీవ్రంగా గాయపడి రోడ్డుపైనే కుప్పకూలిపోయారు. కాసేపటి క్రితం వరకు ప్రజల భద్రత కోసం ఆలోచించిన ఆ ఖాకీ అధికారి.. ఇప్పుడు తన ప్రాణాల కోసం పోరాడాల్సిన పరిస్థితి వచ్చింది.
స్థానికులు వెంటనే స్పందించి ఆయనను ఆసుపత్రికి తరలించేందుకు ప్రయత్నించారు. కానీ విధి మరోలా తలచింది. ఆసుపత్రికి చేరుకునేలోపే సెంథిల్ కుమార్ ప్రాణాలు విడిచారు. ఓ కుటుంబానికి పెద్ద దిక్కుగా ఉన్న వ్యక్తి.. ఇంటికి చేరకుండానే అనంతలోకాలకు వెళ్లిపోయారు.
పండుగ వేళ ఇంటికి వస్తాడని ఎదురుచూస్తున్న కుటుంబ సభ్యులకు ఆయన మరణవార్త పిడుగులా తగిలింది. దీపావళి దీపాల వెలుగులు నిండాల్సిన ఆ ఇంట్లో ఒక్కసారిగా చీకట్లు అలుముకున్నాయి. విధి నిర్వహణలో ఎన్నో సవాళ్లను ఎదుర్కొన్న పోలీసు అధికారి.. చివరకు రోడ్డుపై బాణసంచా కాల్చవద్దని చెప్పినందుకే ప్రాణాలు కోల్పోవడం తీవ్ర విషాదాన్ని మిగిల్చింది.
నిందితుల కోసం ఐదు ప్రత్యేక బృందాలు.!
ఈ ఘటనపై తమిళనాడు సౌత్ జోన్ ఐజీ విజయేంద్ర బిదారీ తీవ్రంగా స్పందించారు. నిందితులను పట్టుకునేందుకు పోలీసులు ఐదు ప్రత్యేక క్రైమ్ బృందాలను రంగంలోకి దించారు. సీసీటీవీ ఫుటేజీలు, ఇతర ఆధారాలను పరిశీలించి ఈ హత్యతో సంబంధం ఉన్న ప్రధాన నిందితులతో సహా నలుగురిని అరెస్ట్ చేశారు.
మరోవైపు, దీపావళి వేళ తమిళనాడు వ్యాప్తంగా చోటుచేసుకున్న హింసాత్మక ఘటనలు, బాణసంచా ప్రమాదాలు ఆందోళన కలిగిస్తున్నాయి. అందుబాటులో ఉన్న సమాచారం ప్రకారం.. పలు ప్రాంతాల్లో పది హత్య కేసులు నమోదుకాగా, బాణసంచా ప్రమాదాల్లో పెద్ద సంఖ్యలో ప్రజలు గాయపడ్డారు.
అగ్నిమాపక శాఖకు కూడా 160 అత్యవసర కాల్స్ వచ్చాయి.!
పండుగ అంటే ఆనందం.. కుటుంబంతో కలిసి గడిపే మధుర క్షణాలు. కానీ ఇతరుల భద్రతను పట్టించుకోకుండా చేసే నిర్లక్ష్యం, క్షణికావేశంలో తీసుకునే నిర్ణయాలు ఎన్నో కుటుంబాల్లో తీరని విషాదాన్ని నింపుతున్నాయి. కేవలం రీల్స్ కోసం నడిరోడ్డుపై బాణసంచా కాల్చడం.. వారించిన వారిపై దాడికి దిగడం ఎంతటి ప్రమాదకర పరిణామాలకు దారితీస్తుందో ఈ ఘటన మరోసారి గుర్తుచేస్తోంది. ఒక్క క్షణం ఆవేశం.. ఒక నిండు ప్రాణాన్ని బలితీసుకుంది. ఒక కుటుంబానికి జీవితాంతం కన్నీటిని మిగిల్చింది.
ఇది కూడా చదవండి: మున్సిపల్ ఎన్నికల్లో కూటమి అఖండ విజయం సాధించింది: సీఎం చంద్రబాబు
[ SI Senthil Kumar Murder,Tamil Nadu News, Theni District,Tamil Nadu Police, Police Officer Killed, Special Sub Inspector, Diwali Murder Case, Diwali Violence, Firecracker Dispute, Firecracker Attack, Social Media Reels, Reels Addiction, Police Officer Attack, Theni Crime News, Tamil Nadu Crime News, Four Arrested, Police Investigation, CCTV Footage, Law and Order, South Zone IG, Vijayendra Bidari ]
.webp)
భారతీయ ఆర్థిక వ్యవస్థలో నల్లధనం అరికట్టేందుకు, అవినీతిని పూర్తిగా నిర్మూలించే లక్ష్యంతో పెద్ద నోట్ల రద్దు అంశం ఎప్పుడూ చర్చనీయాంశంగానే ఉంటుంది. ఈ నేపథ్యంలో ఆంధ్రప్రదేశ్ ముఖ్యమంత్రి నారా చంద్రబాబు నాయుడు చేసిన వ్యాఖ్యలు దేశవ్యాప్తంగా తీవ్ర సంచలనం సృష్టించాయి.
దేశంలో పేరుకుపోతున్న అవినీతిని అంతం చేయాలంటే అత్యున్నత విలువ కలిగిన రూ. 500 రూ. నోట్లను రద్దు చేయాలని ఆయన కేంద్రాన్ని బలంగా కోరారు. సమాజంలో పారదర్శకత పెరగాలంటే కఠినమైన ఆర్థిక సంస్కరణలు అత్యవసరమని ఆయన అభిప్రాయపడ్డారు. దేశ అభివృద్ధికి అడ్డుకట్ట వేస్తున్న నల్లధనం మరియు సమాంతర ఆర్థిక వ్యవస్థ (parallel economy) మూలాలను దెబ్బతీయాలంటే పెద్ద నోట్ల రద్దు ఒక్కటే సరైన మార్గమని ఆయన పలు వేదికల ద్వారా స్పష్టం చేశారు.
ఎన్నికల సమయాల్లో కొందరు అక్రమార్కులు ముంబై లేదా బెంగళూరు వంటి నగరాల నుండి భారీగా నగదు మూటలను తీసుకువచ్చి ఓటర్లను ప్రలోభాలకు గురిచేస్తున్నారని చంద్రబాబు ఆందోళన వ్యక్తం చేశారు. కేవలం రూ. 100 నోట్లతో మాత్రమే లావాదేవీలు జరిగే వాతావరణం వస్తేనే ఎన్నికల్లో డబ్బు పాత్రను పూర్తిగా నియంత్రించవచ్చని ఆయన విశ్లేషించారు.
రాష్ట్ర అభివృద్ది కోసం తాము రేయింబవళ్లు కష్టపడుతుంటే, అక్రమ సంపాదనతో వచ్చే శక్తులు ప్రజాస్వామ్యాన్ని అపహాస్యం చేస్తున్నాయని ఆయన మండిపడ్డారు. అవినీతి రహిత సమాజం ఏర్పడినప్పుడే ప్రపంచ దేశాల నుండి నిజాయితీగల పెట్టుబడిదారులు ముందుకు వస్తారని, దీనివల్ల రాష్ట్రాలతో పాటు దేశం కూడా ఆర్థికంగా వేగంగా అభివృద్ధి చెందుతుందని ఆయన బలంగా నొక్కిచెప్పారు.
డిజిటల్ లావాదేవీలను ప్రోత్సహించడం ద్వారా ఆర్థిక వ్యవస్థలో పారదర్శకతను తీసుకురావచ్చని చంద్రబాబు సూచించారు. కేవలం నగదు ఆధారిత చెల్లింపుల వల్ల లెక్కల్లో చూపని ఆదాయం పెరిగిపోతుందని, దానివల్ల ప్రభుత్వ ఆదాయానికి గండి పడుతుందని ఆయన పేర్కొన్నారు. అవినీతిపై పోరాటం కేవలం మాటలకే పరిమితం కాకుండా ఆచరణాత్మక చర్యలు ఉండాలని, అందులో భాగంగానే పెద్ద నోట్లపై ఉక్కుపాదం మోపాలని ఆయన అభిప్రాయపడ్డారు.
అప్పట్లో ఆయన చేసిన ఈ వ్యాఖ్యలు రాజకీయ వర్గాల్లోనూ, ఆర్థిక నిపుణుల మధ్య కూడా తీవ్ర చర్చకు దారితీశాయి. దేశ ప్రయోజనాల దృష్ట్యా తీసుకునే ఇలాంటి కఠిన నిర్ణయాలు దీర్ఘకాలంలో సామాన్యులకు మేలు చేస్తాయని, వ్యవస్థలో సంచలనాత్మక మార్పులకు నాంది పలకగలవని ఈ పరిణామాలు మరోసారి రుజువు చేశాయి.
ఇది కూడా చదవండి: కూర బాగోలేదన్న భర్త.. కత్తితో పొడిచి చంపిన భార్య.. రిటైర్డ్ ఆర్మీ జవాన్ దారుణ హత్య.!
[ Rs. 500 notes should be abolished CM Chandrababu, Chandrababu Naidu statements, demonetization of 500 and 1000 notes, black money curb, AP CM currency ban, digital payments India, corruption free India, Telugu One, Telugu News ]
.webp)
గుజరాత్‌లోని అహ్మదాబాద్‌లో జరిగిన ఒక షాకింగ్ ఘటన దేశవ్యాప్తంగా తీవ్ర సంచలనం సృష్టించింది. రాత్రి భోజనంలో వండిన కూర బాగోలేదన్న చిన్నపాటి కారణంతో మొదలైన వివాదం కాస్తా, చివరకు ఒక నిండు ప్రాణాన్ని బలిగొంది. దేశం కోసం ఆర్మీలో సేవ చేసి రిటైర్ అయిన 39 ఏళ్ల దిలీప్ ఖరాడీని, ఆయన భార్య నిర్మలా ఖరాడీ దారుణంగా హత్య చేసింది.
అహ్మదాబాద్‌లోని నరోడా ప్రాంతంలో ఉన్న నరోడా స్మార్ట్ సిటీ-2లో ఈ విషాద ఘటన చోటుచేసుకుంది. ఈ దంపతుల మధ్య గత ఏడాది కాలంగా ఇల్లు, ఆర్థిక విషయాలకు సంబంధించి తరచూ మనస్పర్థలు, చిన్నపాటి గొడవలు జరుగుతున్నాయని పోలీసులు ప్రాథమిక విచారణలో వెల్లడించారు. గురువారం అర్ధరాత్రి సమయంలో భోజనం చేసే తరుణంలో రాత్రి వండిన కూర ఏమిటని దిలీప్ తన భార్య నిర్మలను ప్రశ్నించడంతో ఇద్దరి మధ్య మాటామాటా పెరిగింది.
ఈ చిన్న వాగ్వాదం క్షణాల్లోనే తీవ్ర రూపం దాల్చింది. ఆగ్రహంతో ఊగిపోయిన నిర్మల ఒక్కసారిగా విచక్షణ కోల్పోయింది. వంటగదిలోకి వెళ్లి కూరగాయలు కోసే పదునైన కత్తిని తీసుకువచ్చి, భర్త దిలీప్ ఎడమ ఛాతిపై బలంగా పొడిచింది. ఈ అనూహ్య పరిణామానికి దిలీప్ ఒక్కసారిగా అపస్మారక స్థితిలోకి వెళ్లడంతో ఇంట్లో ఒక్కసారిగా కలకలం రేగింది. తన భర్తకు తీవ్రగాయాలు కావడంతో భయపడిపోయిన నిర్మల, వెంటనే తన బావ ముకేష్‌కు ఫోన్ చేసి తాను కత్తితో పొడిచినట్లు సమాచారం అందించింది.వెంటనే కుటుంబ సభ్యులు క్షతగాత్రుడైన దిలీప్‌ను ఆసుపత్రికి తరలించే ప్రయత్నం చేశారు.
అయితే మార్గమధ్యలోనే ఆయన పరిస్థితి విషమించడంతో ప్రాణాలు కోల్పోయాడు. సమాచారం అందుకుని హుటాహుటిన ఆసుపత్రికి చేరుకున్న దిలీప్ తండ్రి సోమాజీ ఖరాడీ.. తన కొడుకు ఛాతిపై ఉన్న కత్తిపోటు గాయాలను, చేతులపై ఉన్న గాయాలను చూసి కన్నీటి పర్యంతం అయ్యారు. దేశం కోసం సరిహద్దుల్లో కాపలా కాసి క్షేమంగా తిరిగొచ్చిన తన కొడుకు, కంటికి రెప్పలా చూసుకోవాల్సిన భార్య చేతిలోనే ఇలా దారుణంగా హత్యకు గురికావడాన్ని ఆయన జీర్ణించుకోలేకపోయారు.
ఈ దారుణ ఘటనపై కేసు నమోదు చేసుకున్న నరోడా పోలీసులు వెంటనే రంగంలోకి దిగారు. ఘటనా స్థలాన్ని పరిశీలించి, సీసీటీవీ ఫుటేజీలు స్థానికుల నుంచి లభించిన సమగ్ర సమాచారం ఆధారంగా గాలించి.. నిందితురాలైన భార్య నిర్మలను గంటల వ్యవధిలోనే అరెస్టు చేశారు. ఒక చిన్న వంటకం వివాదం ఇంతటి ఘోరానికి దారితీయడం స్థానికంగా కలకలం రేపింది. కేవలం క్షణికావేశం మనుషుల ప్రాణాలను ఎలా బలి తీసుకుంటుందో చెప్పడానికి ఈ ఘటన నిదర్శనంగా నిలిచింది. పోలీసులు ఈ కేసుపై మరింత లోతుగా దర్యాప్తు జరుపుతున్నారు.
ఇది కూడా చదవండి: దీపావళి వేళ తీవ్ర విషాదం: సొంతూరికి వెళ్తుండగా నదిలో మునిగిన కారు.. నలుగురు మృతి.!
[ Curry dispute murder, retired army jawan dies, Ahmedabad crime, Naroda murder case, husband wife fight, Gujarat news, Telugu One, Telugu News ]
ALSO ON TELUGUONE N E W S
హాలీవుడ్‌లో నటుడిగా, కమెడియన్‌గా గుర్తింపు తెచ్చుకున్న రస్సెల్ బ్రాండ్‌కు భారీ షాక్ తగిలింది. అత్యాచారం, లైంగిక వేధింపుల కేసులో ఆయనకు లండన్‌లోని సౌత్‌వార్క్ క్రౌన్ కోర్టు పదేళ్లకు పైగా జైలు శిక్ష విధించింది.
మొత్తం 10 ఏళ్ల 6 నెలల పాటు జైలులో ఉండాలని న్యాయస్థానం తీర్పునిచ్చింది. ఒకప్పుడు హాలీవుడ్‌లో ప్రముఖ నటుడిగా వెలుగొందిన రస్సెల్ బ్రాండ్‌కు ఇలాంటి శిక్ష పడటం అంతర్జాతీయంగా చర్చనీయాంశంగా మారింది. 2004 నుంచి 2009 మధ్యకాలంలో నలుగురు మహిళలపై ఆయన లైంగిక దాడులకు పాల్పడినట్లు ఆరోపణలు వచ్చాయి. ఈ కేసుపై విచారణ జరిపిన జ్యూరీ.. ఒక మహిళపై అత్యాచారం చేసినట్లు, మరో ముగ్గురు మహిళలపై లైంగిక వేధింపులకు పాల్పడినట్లు నిర్ధారించింది.
దీంతో నాలుగు నేరాల్లో ఆయన దోషిగా తేలారు. అయితే మరో రెండు అత్యాచార అభియోగాలు, ఒక లైంగిక దాడికి ప్రయత్నించిన కేసులో మాత్రం ఆయనను నిర్దోషిగా ప్రకటించారు. ఈ కేసులో బాధిత మహిళలు తమకు ఎదురైన అనుభవాలను, ఆ ఘటనల వల్ల జీవితంపై పడిన ప్రభావాన్ని కోర్టుకు వివరించారు.
రస్సెల్ బ్రాండ్‌కు ఉన్న పేరు, పలుకుబడి కారణంగా అప్పట్లో తాము ఫిర్యాదు చేయడానికి భయపడ్డామని కొందరు తెలిపారు. ఈ ఘటనలు తమపై తీవ్ర ప్రభావం చూపాయని వెల్లడించారు. విచారణ సమయంలో రస్సెల్ బ్రాండ్ తనపై వచ్చిన ఆరోపణలను ఖండించారు. మహిళలతో జరిగిన లైంగిక సంబంధాలన్నీ పరస్పర అంగీకారంతోనే జరిగాయని వాదించారు. తీర్పు వెలువరిస్తూ న్యాయమూర్తి జోయెల్ బెన్నథన్ కీలక వ్యాఖ్యలు చేశారు. తనకున్న కీర్తి, పేరు కారణంగా ఏం చేసినా చెల్లుతుందనే భావనతో రస్సెల్ బ్రాండ్ వ్యవహరించారని పేర్కొన్నారు.
ఇది కూడా చదవండి: విడుదలకు సిద్ధమైన మోహన్‌లాల్ సినిమా.. ఇంతలోనే విషాదం.!
అత్యాచారం కేసులో తొమ్మిదేళ్ల జైలు శిక్ష విధించగా, మూడు లైంగిక వేధింపుల కేసులకు వేర్వేరు శిక్షలు ఖరారు చేశారు. వాటిని కలిపి మొత్తం పదేళ్ల ఆరు నెలల శిక్షగా నిర్ణయించారు. ఆయన తన శిక్షలో మూడింట రెండొంతుల కాలం జైలులో గడిపిన తర్వాత నిబంధనల ప్రకారం విడుదలకు అర్హత పొందవచ్చు. జీవితాంతం లైంగిక నేరస్థుల రిజిస్టర్‌లోనూ ఆయన పేరు ఉంటుంది.
ఇక రస్సెల్ బ్రాండ్‌పై ఆరోపణలు 2023లో మీడియా కథనాల ద్వారా వెలుగులోకి వచ్చాయి. అప్పటి నుంచి ఈ వ్యవహారంపై పోలీసులు దర్యాప్తు చేపట్టారు. ఈ కేసులో తీర్పు వచ్చినప్పటికీ ఆయనపై మరో ఇద్దరు మహిళలు చేసిన అత్యాచార ఆరోపణలపై దర్యాప్తు కొనసాగుతోంది. గతంలో ‘ఫర్గెట్టింగ్ సారా మార్షల్‌’, ‘గెట్ హిమ్ టు ది గ్రీక్‌’, ‘ఆర్థర్’ వంటి హాలీవుడ్ చిత్రాల్లో నటించిన రస్సెల్ బ్రాండ్.. గాయని కేటీ పెర్రీ మాజీ భర్తగానూ గుర్తింపు పొందారు. అయితే ఇప్పుడు ఆయన సినీ కెరీర్ కంటే ఈ క్రిమినల్ కేసు, కోర్టు విధించిన శిక్షే అంతర్జాతీయ మీడియాలో ప్రధాన వార్తగా మారింది.
మీకు నచ్చవచ్చు: ‘ఆర్ఆర్ఆర్’ రికార్డులు బద్దలు: చరిత్ర సృష్టించిన ‘వారణాసి‘.. తెలుగు రాష్ట్రాల్లో ఊహించని డీల్.!
[Russell Brand, Russell Brand Sentenced, Russell Brand Prison Sentence, Russell Brand 10 Years Jail, Russell Brand Rape Case, Russell Brand Sexual Assault Case, Katy Perry Ex Husband, Hollywood Actor News, Russell Brand Court Verdict, Russell Brand Latest News, Southwark Crown Court]
రామ్ గోపాల్ వర్మ.. సినీ రంగంలో ఈ పేరుకి ఉండే వైబ్రేషన్స్ గురించి కొత్తగా చెప్పుకోవాల్సిన పని లేదు. కొంత కాలంగా ఇంటర్వూస్ ద్వారా కూడా పలు విషయాల గురించి ప్రస్తావిస్తూ అదే సినీ వైబ్రేషన్ ని కంటిన్యూ చేస్తున్నాడు.
రీసెంట్ గా వర్మ ఒక ఇంటర్వ్యూలో మాట్లాడుతు బాలీవుడ్ స్టార్ ఆమీర్ ఖాన్ అనుసరించిన వినూత్న మార్కెటింగ్ వ్యూహాన్ని వర్మ ప్రస్తావించారు. ఆమీర్ గజిని వంటి పెద్ద హిట్ తర్వాత, తారే జమీన్ పర్ వంటి చిన్న, ఆర్ట్-హౌస్ సినిమాను తక్కువ బడ్జెట్‌తో నిర్మించి, దానిని గజిని అమ్మిన ధరలో 10వ వంతుకే అమ్మేశారు.
ఈ లాజిక్ ప్రకారం, తక్కువ ధరలో అమ్మి, తక్కువ వసూళ్లు వచ్చినా సినిమా విజయం సాధించినట్లు అవుతుంది, దానివల్ల పెట్టుబడిపై రాబడి పెరుగుతుంది. ఇది భారతీయ సినీ పరిశ్రమలో చాలా మంది అనుసరించని లాజిక్ అని ఆర్జీవీ అన్నారు.
ఇది కూడా చదవండి: సత్యానికి ఎల్లప్పుడూ ఒక స్వరం కావాలి: ఆసక్తికరంగా మారిన రెజీనా తాజా న్యూస్!
భారీ బడ్జెట్ కారణంగా రాధే శ్యామ్ వంటి చిత్రాలు ఆశించిన విజయం సాధించలేదని, బాహుబలి మాత్రం నటులు హిందీ ప్రేక్షకులకు తెలియకపోయినా, భారీ విజువల్స్ కారణంగా విజయం సాధించిందని ఆయన తెలిపారు. ఆర్జీవీ తన సొంత చిత్రాలైన శివ, సత్యలను ఉదాహరణగా చూపుతూ, తనకు ఆనందం కలిగించిన కథలనే తక్కువ బడ్జెట్‌తో, వాస్తవిక లొకేషన్లలో, పక్కా ప్లాన్ తో తీశానని వివరించారు.
సినిమాకు ఏం అవసరమో దానికే ఖర్చు చేశానని, డబ్బు ఆదా చేయాలనే ఉద్దేశ్యం కాదని ఆయన స్పష్టం చేశారు. చిత్ర పరిశ్రమలో చాలా మందికి ఆడియన్స్ టేస్ట్ గురించి తక్కువ అవగాహన ఉంటుందని, ఒక సినిమా ఎందుకు హిట్ అవుతుందో లేదా ఫ్లాప్ అవుతుందో అర్థం చేసుకోలేరని ఆర్జీవీ అన్నారు.
అలాగే చిల్డ్రన్ ఆఫ్ హెవెన్ అనే ఇరానియన్ చిత్రాన్ని ఇండియాలో తార రం పం పేరుతో రీమేక్ చేసిన విధానాన్ని వివరిస్తూ, అసలు సినిమా వెనుక ఉన్న ఉద్దేశ్యం (“పిల్లల కోసం సినిమా తీయడం”) మారిపోయి, వ్యాపార లాభాల కోసం ప్రయత్నించినప్పుడు ఎలాంటి నష్టాలు సంభవిస్తాయో ఆర్జీవీ ఉదహరించారు. హానెస్టీ అలాగే మెయిన్ పాయింట్ నుంచి డైవర్ట్ అవ్వడం వల్ల చిత్రనిర్మాతలకు నష్టం వాటిల్లుతుందని ఆయన చెప్పారు. ప్రస్తుతం, గదర్ 2 , యానిమల్, స్త్రీ 2 వంటి విభిన్న చిత్రాలు విజయం సాధిస్తుండటాన్ని బట్టి, ప్రేక్షకులు ఏదైనా చూస్తారని స్పష్టమవుతోందని, కాబట్టి చిత్రనిర్మాతలు తమ సొంత నమ్మకాన్ని అనుసరించడమే సరైన మార్గమని ఆర్జీవీ అన్నారు.
మీకు నచ్చవచ్చు :కోట శ్రీనివాసరావు నటన సీక్రెట్ బయటకి!
మీకు నచ్చవచ్చు: వైరల్ గా మారిన ఇరుముడి భామ ప్రియభవానీ శంకర్
[Ram Gopal Varma On Star Power And Budget, Ram Gopal Varma, RGV cinema comments, Tollywood updates, star power in movies, Telugu Cinema, Telugu Cinema News, Tollywood, Tollywood News]
మలయాళీ ముద్దుగుమ్మ నజ్రియా నజీమ్‌కు తెలుగులోనూ మంచి క్రేజ్ ఉంది. ‘రాజా రాణి’, ‘నేరం’, ‘ఓం శాంతి ఓషానా’ వంటి సినిమాలతో ప్రేక్షకులకు దగ్గరైన ఈ బ్యూటీ.. పెళ్లి తర్వాత సినిమాలు తగ్గించారు. ముఖ్యంగా తమిళ చిత్ర పరిశ్రమకు దాదాపు 12 ఏళ్ల పాటు దూరంగా ఉన్నారు. అయితే ఇంత సుదీర్ఘ విరామం తర్వాత ఇప్పుడు సూర్య నటించిన ‘సీన్‌’ సినిమాతో మళ్లీ తమిళ ప్రేక్షకుల ముందుకు వచ్చారు. ఈ సందర్భంగా తన కెరీర్‌లో ఇంత పెద్ద గ్యాప్ ఎందుకు వచ్చిందో నజ్రియా వెల్లడించారు.
తమిళంలో చివరిగా 2014లో ‘తిరుమణం ఎనుమ్ నిక్కా’ సినిమాలో కనిపించారు నజ్రియా. ఆ తర్వాత మళ్లీ తమిళ సినిమా చేయలేదు. అయితే కథలు నచ్చకనో, అవకాశాలు రాకనో తాను సినిమాలకు దూరంగా ఉండలేదని ఆమె మాటలను బట్టి అర్థమవుతోంది. గత 12 ఏళ్లలో తాను ఆశించిన కథ, పాత్ర తన దగ్గరకు రాలేదని నజ్రియా చెప్పుకొచ్చారు. అందుకే తమిళ సినిమాల్లో నటించలేకపోయానని, ఇప్పుడు తనకు నచ్చిన కథతో తిరిగి రావడం సంతోషంగా ఉందని తెలిపారు.
ఇక ‘సీన్‌’ సినిమాతో సూర్యతో కలిసి నటించే అవకాశం రావడం కూడా తనకు ప్రత్యేకమని నజ్రియా వెల్లడించారు. చిన్నప్పటి నుంచి సూర్య సినిమాలు చూస్తూ ఆయనకు అభిమానిగా ఉన్నానని, సినిమా కెరీర్‌ను సీరియస్‌గా తీసుకోవడానికి కూడా ఆయన ఒక కారణమని చెప్పారు. సూర్యతో కలిసి నటించాలనే కోరిక ఇన్నాళ్లకు నెరవేరిందని ఆనందం వ్యక్తం చేశారు. దర్శకుడు జితు మాధవన్ తనపై నమ్మకంతో ఈ అవకాశం ఇచ్చినందుకు కృతజ్ఞతలు తెలిపారు.
మరోవైపు సూర్య గతంలో ఓ ప్రమోషనల్ ఈవెంట్‌లో మాట్లాడుతూ.. తన సినిమాల్లో నటించేందుకు నజ్రియాను మూడుసార్లు సంప్రదించామని, ఆమె అంగీకరించలేదని సరదాగా వ్యాఖ్యానించారు. దీనిపై స్పందించిన నజ్రియా అసలు విషయం చెప్పుకొచ్చారు. సూర్య సినిమాలను తాను కావాలని తిరస్కరించలేదని, డేట్స్ సమస్యలు, ఇతర కారణాల వల్ల ఆ ప్రాజెక్టులు కుదరలేదని స్పష్టం చేశారు. ‘సూర్య సర్ సినిమా అవకాశాన్ని నేనెలా వద్దంటాను?’ అంటూ నవ్వుతూ సమాధానమిచ్చారు.
ఇక ‘సీన్‌’ సినిమాలో నజ్రియా మాయ అనే పాత్రలో కనిపించారు. ఈ సినిమాలో ఆమె యాక్షన్ సన్నివేశాల్లోనూ నటించడం విశేషం. ఇప్పటివరకు తనను ఎక్కువగా క్యూట్, చలాకీ పాత్రల్లో చూసిన అభిమానులకు ఈ సినిమాలో కొత్త తరహా పాత్రలో కనిపించడం ఆసక్తిని కలిగిస్తోంది. జితు మాధవన్ దర్శకత్వం వహించిన ఈ చిత్రంలో సూర్యతో పాటు నస్లెన్ కూడా కీలక పాత్ర పోషించారు. నవంబర్ 6న దీపావళి సందర్భంగా ఈ సినిమా థియేటర్లలో విడుదలైంది.
సాధారణంగా హీరోయిన్లు సినిమాలకు గ్యాప్ ఇస్తే అవకాశాలు తగ్గిపోయాయని, కథలు నచ్చకపోవడంతోనే దూరంగా ఉన్నారని రకరకాల చర్చలు జరుగుతుంటాయి. కానీ నజ్రియా మాత్రం తనకు నచ్చిన కథ, పాత్ర కోసం ఎదురుచూశానని స్పష్టం చేశారు. 12 ఏళ్ల తర్వాత మళ్లీ తమిళ సినిమాతో ప్రేక్షకుల ముందుకు వచ్చిన ఆమె.. ఇకపై ఎలాంటి కథలను ఎంచుకుంటారో చూడాలి.
[Nazriya Nazim, Nazriya 12 Years Gap, Nazriya Tamil Cinema Comeback, Nazriya Suriya Scene Movie, Nazriya Latest News, Suriya Nazriya First Movie, Nazriya Acting Career, Nazriya Movie Updates, Scene Movie 2026, Jithu Madhavan, Nazriya Interview, Malayalam Actress Nazriya]
రెజీనా ప్రస్తుతం 'మహాశక్తీ'తో థియేటర్స్ లో సందడి చేస్తూ ఉంది. ఆ చిత్రంలో 'భైరా' అనే ఒక శక్తివంతమైన మంత్రగత్తె క్యారక్టర్ లో సూపర్ పెర్ఫార్మ్ చేసి పాన్ ఇండియా మేకర్స్ తన వైపు చూసేలా చేసుకుంది. ఇప్పుడు ఆమె నుంచి రాబోతున్న కొత్త మూవీకి సంబంధించిన న్యూస్ సోషల్ మీడియా, సినీ సర్కిల్స్ కి ఫ్రెష్ నెస్ ని తెచ్చాయి.
ప్రముఖ స్టార్ డైరెక్టర్ లోకేశ్ కనగరాజ్, టాలీవుడ్ అగ్ర నిర్మాణ సంస్థ మైత్రీ మూవీ మేకర్స్ తొలిసారిగా చేతులు కలిపి ఓ సరికొత్త ప్రయోగాత్మక చిత్రానికి శ్రీకారం చుట్టాయి. రెజీనా కీ రోల్. లెజండ్రీ యాక్టర్ నాజర్, రమేశ్ తిలక్ తదితరులు ముఖ్యమైన క్యారెక్టర్స్ లో కనిపించనున్నారు. విశాల్ వెంకట్ దర్శకుడు ఈ క్రేజీ ప్రాజెక్ట్‌కి 'ఆర్‌ఎక్స్‌' అనే ఆసక్తికరమైన టైటిల్‌ని ఖరారు చేశారు.
తాజాగా దీపావళి పర్వదినాన్ని పురస్కరించుకుని చిత్ర యూనిట్ ఈ సినిమాకు సంబంధించిన టైటిల్ లుక్ పోస్టర్‌ను అధికారికంగా విడుదల చేసింది. ఈ పోస్టర్ ప్రస్తుతం సోషల్ మీడియాలో ట్రెండింగ్‌గా మారింది. విడుదలైన పోస్టర్‌లో నటి రెజీనా ట్రెడిషనల్ చీరకట్టులో కనిపించి అందరి దృష్టిని ఆకర్షించారు.
ఒక రద్దీగా ఉండే రైలులో ప్రయాణికుల మధ్య ఆమె నిలబడి చాలా సీరియస్‌గా, ఏదో తీవ్రమైన ఆలోచనలో ఉన్నట్లు కనిపిస్తున్న ఆమె లుక్ సినిమాపై విపరీతమైన క్యూరియాసిటీని పెంచుతోంది.
ఇది కూడా చదవండి: కోట శ్రీనివాసరావుని గొప్ప నటుడిని చేసింది అదే!
ముఖ్యంగా ఆ పోస్టర్‌పై ముద్రించిన ''సత్యానికి ఎల్లప్పుడూ ఒక స్వరం కావాలి'' అనే శక్తివంతమైన ట్యాగ్‌లైన్ సినిమా కథ ఏ స్థాయిలో ఉండబోతుందనే దానిపై పెద్ద చర్చకే తెరలేపింది.ఇది కేవలం సాధారణ వినోదాత్మక చిత్రం మాత్రమే కాదని, సమాజంలోని కొన్ని కీలక సత్యాలను వెలికితీసే ఒక బహుభాషా (Multi-lingual) సంచలన చిత్రంగా రూపుదిద్దుకుంటోందని ఇండస్ట్రీ వర్గాలు అంటున్నాయి.
ప్రస్తుతం సినిమా షూటింగ్ పూర్తి చేసుకుని ముగింపు దశలో (Final stages) ఉందని, త్వరలోనే పోస్ట్ ప్రొడక్షన్ పనులను కూడా పూర్తి చేసుకుని ప్రేక్షకుల ముందుకు థియేటర్లలోకి రానుందని మేకర్స్ అధికారికంగా వెల్లడించారు. లోకేశ్ కనగరాజ్, మైత్రి నిర్మాణ శైలి, విశాల్ వెంకట్ టేకింగ్, రెజీనా అసాధారణ అభినయం కలగలిసి వస్తున్న ఈ 'ఆర్‌ఎక్స్‌' చిత్రం బాక్సాఫీస్ వద్ద ఎలాంటి సంచలనాలు సృష్టిస్తుందో వేచి చూడాలి మరి.
మీకు నచ్చవచ్చు : రేణు దేశాయ్ సంచలన పోస్ట్!
మీకు నచ్చవచ్చు:రామాయణ వరల్డ్ రికార్డు!
[Regina RX Movie Title Look, Regina new movie, RX movie title look, Lokesh Kanagaraj production, Mythri Movie Makers, Vishal Venkat, Telugu Cinema, Telugu Cinema News, Tollywood, Tollywood News]
మలయాళ చిత్ర పరిశ్రమలో విషాదం చోటుచేసుకుంది. ప్రముఖ సినిమాటోగ్రాఫర్ షాజీ కుమార్ (57) కన్నుమూశారు. మోహన్‌లాల్ నటించిన ‘పులిమురుగన్‌’, ‘నరన్‌’, ‘ఒడియన్‌’ వంటి ఎన్నో విజయవంతమైన చిత్రాలకు తన కెమెరాతో అద్భుతమైన దృశ్యాలను అందించిన ఆయన ఇక లేరనే వార్త సినీ ప్రముఖులను, అభిమానులను కలచివేస్తోంది. కొచ్చిలోని ఓ ప్రైవేట్ ఆసుపత్రిలో చికిత్స పొందుతూ మంగళవారం (నవంబర్ 10) తెల్లవారుజామున తుదిశ్వాస విడిచారు.
షాజీ కుమార్ ఇటీవల అలప్పుళలో ఓ సినిమా షూటింగ్‌లో పాల్గొంటున్నారు. నటుడు దిలీప్ హీరోగా నటిస్తున్న ఈ చిత్రానికి సంబంధించిన షూటింగ్ సమయంలో ఆయనకు అకస్మాత్తుగా అనారోగ్య సమస్యలు తలెత్తాయి. దీంతో వెంటనే సమీపంలోని ఆసుపత్రికి తరలించి ప్రాథమిక చికిత్స అందించారు. అనంతరం మెరుగైన వైద్యం కోసం కొచ్చిలోని ప్రైవేట్ ఆసుపత్రికి తరలించారు. మొదట్లో ఆయన ఆరోగ్యం కొంత మెరుగుపడటంతో ఐసీయూ నుంచి సాధారణ గదికి మార్చినట్లు సమాచారం. అయితే ఆ తర్వాత మళ్లీ అస్వస్థతకు గురై పరిస్థితి విషమించడంతో కన్నుమూశారు.
తిరువనంతపురానికి చెందిన షాజీ కుమార్ ప్రముఖ సినిమాటోగ్రాఫర్ విపిన్ మోహన్ వద్ద శిష్యరికం చేశారు. మొదట అసిస్టెంట్ సినిమాటోగ్రాఫర్‌గా పనిచేసిన ఆయన.. 2001లో వచ్చిన ‘ఉత్తమన్‌’ సినిమాతో స్వతంత్ర సినిమాటోగ్రాఫర్‌గా ప్రయాణం ప్రారంభించారు. ఆ తర్వాత మలయాళ చిత్ర పరిశ్రమలో ప్రముఖ దర్శకులతో కలిసి పనిచేస్తూ తనకంటూ ప్రత్యేక గుర్తింపు తెచ్చుకున్నారు. ముఖ్యంగా యాక్షన్ సన్నివేశాలను, భారీ విజువల్స్‌ను తెరపై అద్భుతంగా చూపించడంలో ఆయనకు మంచి పేరుంది.
మోహన్‌లాల్ నటించిన ‘పులిమురుగన్‌’, ‘నరన్‌’, ‘ఒడియన్‌’ సినిమాలతో పాటు మమ్ముట్టి నటించిన ‘మధుర రాజా’, ‘నస్రాణి’, ‘బాబా కళ్యాణి’, ‘పోకిరి రాజా’, ‘రామలీల’, ‘రింగ్ మాస్టర్‌’, ‘పత్తొన్పతాం నూట్టాండు’, ‘బాంద్రా’, ‘తుడరుం’ వంటి 50కి పైగా చిత్రాలకు ఆయన సినిమాటోగ్రాఫర్‌గా పనిచేశారు. మలయాళంతో పాటు తమిళ, హిందీ సినిమాల్లోనూ తన ప్రతిభను చాటుకున్నారు. తమిళంలో ప్రశాంత్ నటించిన ‘పొన్నర్ శంకర్’ సినిమాకు ఆయన అందించిన సినిమాటోగ్రఫీకి ప్రశంసలు దక్కాయి.
ఇక షాజీ కుమార్ మృతితో ఆయన పనిచేసిన దర్శకులు, నటీనటులు తీవ్ర దిగ్భ్రాంతి వ్యక్తం చేస్తున్నారు. ఆయన చివరిగా పనిచేసిన చిత్రాల్లో మోహన్‌లాల్ నటిస్తున్న ‘అతిమనోహరం’, సురేష్ గోపీ నటిస్తున్న ‘ఒట్టకొంబన్‌’ ఉన్నాయి. ముఖ్యంగా ‘తుడరుం’ తర్వాత మోహన్‌లాల్, దర్శకుడు తరుణ్ మూర్తి కాంబినేషన్‌లో తెరకెక్కుతున్న ‘అతిమనోహరం’ విడుదలకు సిద్ధమవుతున్న సమయంలో ఆయన మరణించడం బాధాకరం. భార్య స్మిత, కుమారులు ఆర్యన్, సూర్యన్‌లను ఆయన వదిలి వెళ్లారు. ఎన్నో విజయవంతమైన సినిమాల వెనుక తన కెమెరా ప్రతిభను చూపించిన షాజీ కుమార్ మరణం మలయాళ చిత్ర పరిశ్రమకు తీరని లోటు.
[Shaji Kumar Cinematographer, Shaji Kumar Passes Away, Malayalam Cinematographer Shaji Kumar, Shaji Kumar Death News, Mohanlal Movies Cinematographer, Pulimurugan Cinematographer, Odiyan Cinematographer, Thudarum Cinematographer, Dileep Upcoming Movie, Malayalam Film Industry, Shaji Kumar Movies]
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్టపడి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్రపంచ యుద్ధ సమయంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది.
అదంటే మరి ఆమెకు ప్రాణ స‌మానం. చాలా కాలం దొరుకుతుంద‌ని, తర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్టర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్.
రెండో ప్రపంచ యుద్ధ సమయంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయన ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం తన న‌గ‌రంలోని ఒక బ్యాంక్‌లో భ‌ద్ర ప‌ర‌చ‌మ‌ని ఇచ్చార‌ట. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట తర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి తన ద‌గ్గ‌ర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి తన వద్దకు చేర‌డంలో చార్లెటీ ఆనందానికి అంతేలేదు. అంతే క‌దా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు! అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆసక్తి వున్న‌ప్ప‌టికీ శ‌క్తి సామ‌ర్ధ్యాలు లేవు. అందుక‌నే త్వ‌ర‌లో ఎవ‌రిక‌యినా అమ్మేసీ వచ్చిన సొమ్మును పిల్ల‌ల‌కు పంచుదామ‌నుకుంటోందిట! చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్లలు ఉన్నారు. అంద‌రూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం తర్వాత ఇల్లు చేరిన క‌ళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్‌, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్‌.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్‌, ఎంపీ అరవింద్‌ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్‌ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్‌, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
(12).webp)
ప్రస్తుత ఆధునిక కాలంలో సూర్యరశ్మి నుండి చర్మాన్ని కాపాడుకోవడం కోసం రసాయనాలతో కూడిన సన్‌స్క్రీన్‌ లోషన్లను విపరీతంగా వాడేస్తున్నాము. అయితే, బ్రెజిల్‌లోని ఫెడరల్ యూనివర్శిటీ ఆఫ్ రియో గ్రాండే డో సుల్ (UFRGS) పరిశోధకులు తాజాగా నిర్వహించిన ఒక అద్భుతమైన శాస్త్రీయ అధ్యయనంలో చర్మానికి ఎలాంటి హాని చేయని సరికొత్త సహజ మార్గదర్శకం వెలుగులోకి వచ్చింది. మొక్కల నుండి సేకరించిన బ్రాచీసెరిన్ (Brachycerine) అనే సహజ ప్లాంట్ మెటబోలైట్ మానవ చర్మానికి అతినీలలోహిత (UV) కిరణాల నుండి అత్యుత్తమ రక్షణ కల్పించగలదని పరిశోధకులు నిరూపించారు.
ఈ ప్రత్యేకమైన సహజ సమ్మేళనం దక్షిణ అమెరికా అడవులలో లభించే ఒకానొక చిన్న చెట్టు ఆకుల నుండి గ్లూకోసైడ్ మోనోటర్పీన్ ఇండోల్ ఆల్కలాయిడ్ రూపంలో వెలికితీశారు. సాధారణంగా సూర్యుడి నుండి వచ్చే యూవీ ఏ (UV A) మరియు యూవీ బి (UV B) కిరణాలు చర్మాన్ని తీవ్రంగా దెబ్బతీస్తాయి. అయితే ఈ బ్రాచీసెరిన్ సమ్మేళనం చర్మ కణాలపై జరిపిన ప్రయోగాలలో అతినీలలోహిత కిరణాల వల్ల జరిగే డీఎన్ఏ (DNA) నష్టాన్ని సమర్థవంతంగా అడ్డుకున్నట్లు వెల్లడైంది.
అంతేకాకుండా, హానికరమైన సూర్యరశ్మి తగలడం వల్ల చర్మంలోని నరాల ముగింపు సాంద్రత దాదాపు సగానికి పైగా క్షీణించిపోతుందని పరిశోధనలు హెచ్చరిస్తున్నాయి. ఈ సన్‌స్క్రీన్‌ ఏజెంట్ కేవలం పైపూత రక్షణ మాత్రమే కాకుండా, చర్మపు కణాల లోపలి వరకు జరిగే నష్టాన్ని కూడా నివారిస్తుంది. పరీక్షించిన క్షీరద కణాలపై జరిపిన సైటోటాక్సిసిటీ (Cytotoxicity) పరీక్షల్లో ఈ బ్రాచీసెరిన్ ఎలాంటి విషపూరిత ప్రభావాన్ని చూపలేదని, మానవ వినియోగానికి ఇది అత్యంత సురక్షితమైనదని స్పష్టమైంది.
సాంప్రదాయ సన్‌స్క్రీన్‌లలో లభించే రసాయనాలు కేవలం యూవీ కిరణాలను అడ్డుకోవడం లేదా గ్రహించడం మాత్రమే చేస్తాయి. కానీ ఈ మొక్కల ఆధారిత మెటబోలైట్ ఏకకాలంలో యూవీ శోషణతో పాటు శక్తివంతమైన యాంటీఆక్సిడెంట్ గుణాలను ప్రదర్శిస్తూ డ్యూయల్ మోడ్ ఆఫ్ యాక్షన్‌ను కలిగి ఉంది. దీనివల్ల చర్మంపై పడే ఫ్రీ రాడికల్స్ నష్టాన్ని ఇది సమర్థవంతంగా తొలగిస్తుంది.
ఇది కూడా చదవండి:జ్వరం లెక్కలు, మారుతున్నాయా? సగటు శరీర ఉష్ణోగ్రతపై తాజా స్టడీ!
ఈ పరిశోధనకు నాయకత్వం వహించిన ప్రొఫెసర్ ఆర్థర్ జెర్మానో ఫెట్ నెటో (Arthur Germano Fett Neto) నేతృత్వంలోని బృందం, ఈ వనరులను అందించే మొక్కలను వెజిటేటివ్ ప్రొపగేషన్ (సహజ శాఖీయ అన్యుత్పాదక పద్ధతి) ద్వారా సులభంగా పెంచవచ్చని తెలిపారు. ఇది భవిష్యత్తులో వాణిజ్యపరంగా విస్తృతమైన, పర్యావరణ హితమైన బ్రాడ్ స్పెక్ట్రమ్ నేచురల్ సన్‌స్క్రీన్‌ల తయారీకి బలమైన పునాది వేయనుంది.
రసాయనాలతో కూడిన ఉత్పత్తులకు కాలం చెల్లే సమయం ఆసన్నమైందని, స్వచ్ఛమైన మొక్కల ఆధారిత చర్మ సంరక్షణ వైపు ప్రపంచం అడుగులు వేస్తోందని నిపుణులు అభిప్రాయపడుతున్నారు. చర్మ క్యాన్సర్ ముప్పును తగ్గించడంలో మరియు ఆరోగ్యకరమైన, సహజసిద్ధమైన రక్షణను అందించడంలో ఈ అద్భుతమైన మొక్కల ఆవిష్కరణ వైద్య మరియు సౌందర్య రంగంలో ఒక మైలురాయిగా నిలవనుంది.
మీకు నచ్చవచ్చు:రోజూ మినప్పప్పు తింటే, మీ శరీరానికి అందే అమేజింగ్, ఆరోగ్య ప్రయోజనాలు!
వెన్నెముక దృఢంగా ఉండాలా? అయితే ఈ 5 సులువైన అలవాట్లు పాటించండి!
Brachycerein Sunscreen, Plant Derived Skin Protection, Skin Cancer Prevention Tips, Natural UV Shield, Dermatology Research Discoveries, Health Science News, Health Articles In Telugu.
వర్షాకాలం, శీతాకాలం వచ్చిందంటే చాలు చాలా మందిని వేధించే ప్రధాన సమస్య మొండి జలుబు మరియు దగ్గు. ఎంతటి మొండి జలుబునైనా, గొంతు గరగరనైనా ఇబ్బంది పెట్టే ఈ సమస్యల నుంచి సహజంగా ఉపశమనం పొందడానికి మన సాంప్రదాయ వంటకాల్లో చక్కటి పరిష్కారాలున్నాయి. ముఖ్యంగా ఆంధ్రప్రదేశ్ వంటకాల్లో ప్రత్యేక స్థానం సంపాదించుకున్న అల్లం వంకాయ కూర కేవలం రుచిలోనే కాకుండా ఆరోగ్య పరంగా కూడా అద్భుతమైన ప్రయోజనాలను అందిస్తుంది. పండుగలు, వ్రతాలు, పూజా సమయాల్లో ఉల్లిపాయ, వెల్లుల్లి లేకుండా తయారుచేసే ఈ సాత్విక వంటకం ఆలయాల్లో లభించే ప్రసాదాల రుచిని గుర్తుకు తెస్తుంది. ఈ ఆరోగ్యకరమైన కూరను సులభంగా ఎలా తయారు చేసుకోవాలో ఇప్పుడు చూద్దాం.
ఈ అల్లం వంకాయ కూర తయారీకి ప్రధానంగా 500 గ్రాముల తాజా తెల్ల వంకాయలను, 30 నుంచి 35 గ్రాముల తాజా అల్లాన్ని సేకరించాలి. వంటకం తయారీ కోసం ముందుగా బాణలీలో 6 నుంచి 7 టేబుల్ స్పూన్ల నూనెను వేడి చేయాలి. ఈ కూరకు నూనె కొంచెం ఎక్కువగా ఉంటేనే అసలైన ఆంధ్ర స్టైల్ రుచి వస్తుంది. నూనె వేడెక్కిన తర్వాత 1 టీస్పూన్ ఆవాలు, 2 ఎండు మిర్చి ముక్కలు వేసి వేయించాలి. ఇలా చేయడం వల్ల వంటకానికి చక్కటి స్మోకీ ఫ్లేవర్ వస్తుంది. ఆ తర్వాత 1 టేబుల్ స్పూన్ పచ్చి శనగపప్పు వేసి ఎర్రగా మారే వరకు వేయించుకోవాలి.
తాలింపు దినుసులు వేగిన తరువాత అర టీస్పూన్ జీలకర్ర, చిటికెడు ఇంగువ, ఒక రెబ్బ కరివేపాకు వేసి పరిమళం వచ్చేలా వేయించాలి. ఇప్పుడు ముందుగా సిద్ధం చేసుకున్న అల్లం తయారీ వైపు దృష్టి పెట్టాలి. అల్లాన్ని మిక్సీలో బరకగా రుబ్బడం కంటే, రోటిలో వేసి మెత్తగా దంచడం వల్ల దానిలోని రసం పూర్తిగా విడుదలై అద్భుతమైన రుచిని ఇస్తుంది. ఇలా రోట్లో నూరుకున్న అల్లం ముద్దను తాలింపులో వేసి 2 నుంచి 3 నిమిషాల పాటు పచ్చి వాసన పోయే వరకు వేయించుకోవాలి. అల్లం వేగిన తర్వాత 2 చీరిన పచ్చిమిర్చిని కలపాలి.
అల్లం, పచ్చిమిర్చి మిశ్రమం బాగా వేగాక 1 టేబుల్ స్పూన్ ధనియాల పొడి, 1 టేబుల్ స్పూన్ జీలకర్ర పొడి, పావు టీస్పూన్ పసుపు, రుచికి సరిపడా ఉప్పు వేసి బాగా కలపాలి. ఈ మసాలా పొడులు నూనెలో చక్కగా వేగిన తర్వాత, ముందుగా క్యూబ్స్‌గా తరిగి ఉప్పు నీటిలో ఉంచిన 500 గ్రాముల తెల్ల వంకాయ ముక్కలను వేయాలి. వంకాయ ముక్కలకు మసాలాలు పూర్తిగా పట్టేలా మూత పెట్టకుండా 3 నుంచి 4 నిమిషాల పాటు మీడియం మంటపై వేయించుకోవాలి.
ఇది కూడా చదవండి:AI వల్ల మరో ప్రాణం గాల్లోకి.. వైద్యుల హెచ్చరికలను కాదని చాట్‌జీపీటీని నమ్మి మహిళ మృతి!
వంకాయ ముక్కలు కాస్త మగ్గిన తర్వాత, బాణలీపై మూత పెట్టి మీడియం ఫ్లేమ్‌లో వంకాయ మెత్తబడే వరకు ఉడికించాలి. అల్లంలో ఉడికిన వంకాయ ముక్కలు, నూనె వేడితో కూడిన మసాలాలు శరీరంలో రోగ నిరోధక శక్తిని పెంచడానికి ఎంతగానో తోడ్పడతాయి. ముఖ్యంగా శీతాకాలంలో వచ్చే దగ్గు, జలుబు సమస్యలను తగ్గించడంలో తాజా అల్లం కీలక పాత్ర పోషిస్తుంది. వంకాయ పూర్తిగా ఉడికి మెత్తబడిన తర్వాత స్టవ్ ఆపడానికి ముందు గుప్పెడు తాజా కొత్తిమీర తరుగును చల్లుకోవాలి.
చివరగా దండిగా కొత్తిమీర వేసి మరో రెండు నిమిషాలు మగ్గనిచ్చి స్టవ్ ఆఫ్ చేయాలి. ఉల్లి, వెల్లుల్లి లేకపోయినా అల్లం కారంతో నోరూరించే ఈ ఆంధ్ర స్టైల్ అల్లం వంకాయ కూర వేడి వేడి అన్నంతో తింటే అమృతంలా ఉంటుంది. చపాతీలు లేదా పూరీలతో కూడా ఇది నూటికి నూ శాతం సరిపోతుంది. ఎంతటి మొండి జలుబునైనా తరిమికొట్టే ఈ అద్భుతమైన సాంప్రదాయ వంటకాన్ని మీ ఇంట్లో కూడా తప్పకుండా ప్రయత్నించి రుచి చూడండి.
మీకు నచ్చవచ్చు:సహజంగా, అందమైన కళ్ల కోసం, ఈ 800 ఏళ్ల నాటి ఆయుర్వేద మార్గం ట్రై చేయండి!
నిపుణులు, హెచ్చరిస్తున్న డయాబెటిస్ తెచ్చే ,4 హానికరమైన ఆహారాలు!
Allam Vankaya Curry, Andhra Ginger Brinjal Recipe, Eggplant Curry For Cold, Traditional Spicy Curries, South Indian Food Recipes, Healthy Home Remedies Food, Food Articles In Telugu.
సాయంకాలం వేళ చల్లటి వాతావరణంలో వేడివేడి టీ త్రాగుతూ, కరకరలాడే స్నాక్స్ తినాలని ఎవరికి మాత్రం ఉండదు? ముఖ్యంగా వర్షాకాలం లేదా చలికాలంలో వేడివేడి వడలంటే ఎవరికైనా నోరూరుతుంది. అయితే శనగపప్పు వడలకు పూర్తిగా భిన్నంగా, కేవలం మినప్పప్పుతో తయారుచేసే ఈ కరకరలాడే మసాలా మినప వడలు దక్షిణాది వంటకాల్లో ప్రత్యేక స్థానం సంపాదించుకున్నాయి.
ఫ్యామిలీ పార్టీలకు, సాయంకాలపు టీ పార్టీలకు ఇది అద్భుతమైన మరియు సరైన ఎంపికగా నిలుస్తుంది. పైన అద్భుతంగా క్రిస్పీగా, లోపల దూదిలా సాఫ్ట్‌గా ఉండే ఈ వడలను ఇంట్లోనే చాలా సులభంగా తయారు చేసుకోవచ్చు. ఈ అరుదైన వంటకం కోసం ముందుగా రెండు కప్పుల పొట్టు మినప్పప్పును శుభ్రంగా కడిగి కనీసం ఆరు గంటల పాటు నానబెట్టుకోవాలి.
పప్పు నానిన తర్వాత దానిలోని నీళ్లన్నీ పూర్తిగా వడారిన తర్వాత, అందులో నుండి అరకప్పు పప్పును పక్కన పెట్టుకోవాలి. పొట్టు లేని పప్పును ఉపయోగిస్తే నాలుగు గంటలు నానబెడితే సరిపోతుంది కానీ, రాత్రంతా నానబెట్టుకుంటే ఉదయం లేదా సాయంత్రం చేసుకోవడానికి మరింత సులభంగా ఉంటుంది. కడిగిన నీటిని వృధా చేయకుండా, అదే నీటిని తిరిగి వాడుకుంటూ పొట్టును సులభంగా తొలగించవచ్చు. ఇప్పుడు మిక్సీ జార్‌లో నీళ్లు అస్సలు పోయకుండా, పక్కనపెట్టిన మిగిలిన మినప్పప్పును కొద్దికొద్దిగా వేసుకుంటూ గ్రైండ్ చేసుకోవాలి. జార్‌ను సగం వరకు మాత్రమే నింపి, మధ్యమధ్యలో ఆపుకుంటూ పల్స్ మోడ్‌లో రుబ్బుకోవడం ద్వారా పప్పు మరీ మెత్తగా కాకుండా కొంచెం పలుకులుగా, ముద్దగా, గట్టిగా తయారవుతుంది.
ఈ విధంగా రుబ్బుకున్న గట్టి పిండిని ఒక పెద్ద గిన్నెలోకి తీసుకోవాలి. ఉల్లిపాయలు, కొత్తిమీర తరిగేటప్పుడు వాటిలో తడి లేకుండా చూసుకోవడం చాలా ముఖ్యం, లేదంటే పిండి పల్చబడిపోతుంది. పిండి ఎల్లప్పుడూ గట్టిగా ఉండేలా ప్రత్యేక జాగ్రత్తలు తీసుకోవాలి. ఆ తర్వాత చేతిని కొద్దిగా నీళ్లతో తడుపుకుని, కొద్దికొద్దిగా పిండిని తీసుకుని వడలుగా ఒత్తుకోవాలి. వడలు సులభంగా రావడానికి తడిపిన కాటన్ క్లాత్‌ను కూడా ఉపయోగించవచ్చు. వడలను మరీ లావుగా కాకుండా కొంచెం పల్చగా ఒత్తుకోవడం వల్ల లోపల వరకు సరిగ్గా ఉడుకుతాయి.
ఇది కూడా చదవండి:ఆరోగ్యకరమైన గుండె కోసం, ఉత్తమమైన వంట నూనెలు ఇవే!
ఇప్పుడు కడాయిలో నూనెను బాగా వేడి చేసి, మంటను మాత్రం మధ్యస్థంగా (Medium Flame) ఉంచాలి. ఒత్తుకున్న వడలను ఒక్కొక్కటిగా నూనెలో వేసుకోవాలి. నూనెలో వేసిన వెంటనే గరిటెతో కదపకుండా, పచ్చిదనం కొద్దిగా తగ్గిన తర్వాత అటూ ఇటూ తిప్పుకుంటూ బంగారు రంగు వచ్చేవరకు వేయించుకోవాలి. మధ్యస్థ మంటపై నిదానంగా వేయించడం వల్ల వడలు నూనెను ఎక్కువగా పీల్చుకోకుండా, లోపల వరకు ఉడికి చక్కటి సువాసనను ఇస్తాయి. హై ఫ్లేమ్‌లో వేయిస్తే బయట త్వరగా రంగు వస్తుంది కానీ లోపల పచ్చిగా అలాగే ఉంటుంది. సరిగ్గా ఈ పద్ధతిని పాటిస్తే కేవలం రెండు కప్పుల పప్పుతో సుమారు 27 నుండి 30 గుల్లటి వడలను సులభంగా తయారు చేసుకోవచ్చు.
బాగా కాలిన క్రిస్పీ వడలను నూనె నుండి తీసి సర్వింగ్ ప్లేట్‌లోకి లేదా కిచెన్ టిష్యూపైకి తీసుకోవాలి. మిగిలిన పిండితో కూడా సరిగ్గా ఇదే పద్ధతిలో వడలను తయారు చేసుకొని పక్కన పెట్టుకోవాలి. వేడివేడిగా ఉండే ఈ మసాలా మినప వడలను అల్లం చట్నీ, కొబ్బరి చట్నీ లేదా గుమగుమలాడే సాంబార్‌తో కలిపి తింటే ఆ రుచి వేరుగా ఉంటుంది. ముఖ్యంగా వర్షాకాలంలో సాయంకాలం వేళ ఈ వడలను తింటే మొండి దగ్గు, గొంతు నొప్పి వంటి సమస్యలు కూడా దెబ్బకు పరారవుతాయని పెద్దలు చెబుతుంటారు. ఇంకెందుకు ఆలస్యం, ఈ వాలెంటైన్ లేదా వీకెండ్ టీ టైమ్‌లో మీ కుటుంబ సభ్యులందరికీ ఈ రుచికరమైన రెసిపీని చేసి ఆశ్చర్యపరచండి!
మీకు నచ్చవచ్చు:జీర్ణక్రియను మెరుగుపరిచి, బరువు తగ్గించే అమృతఫలం.. బేరి పండు ఆరోగ్య ప్రయోజనాలు!
ఫుడ్ పాయిజనింగ్, రావడానికి అసలు కారణం ఇదే.. అన్నం నిల్వ చేసేటప్పుడు ఈ తప్పులు అస్సలు చేయకండి!
Masala Minapa Vadalu, Crispy Urad Dal Vada, Evening Snack Recipes, Tea Time Fritters, South Indian Snacks, Traditional Cooking Guide, Food Articles In Telugu.
మునిసిపోల్స్ లో పులివెందులలో వైసీపీకి ఎదురైన ఘోర పరాభవం నుంచి తేరుకోకముందే పరిషత్ ఎన్నికలలోనూ ఆ పార్టీకి బిగ్ షాక్ తగిలింది. నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది. సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది. పులివెందుల మునిసిపాలిటీని కోల్పోయిన రోజుల వ్యవధిలోనూ వైసీపీ పులివెందుల జడ్పీటీసీ స్థానాన్ని కూడా కోల్పోయింది. . తాజాగా నిర్వహించిన స్థానిక సంస్థల పరిషత్ ఎన్నికల లెక్కింపు ప్రక్రియలో పులివెందుల జడ్పీటీసీ స్థానాన్ని టీడీపీ భారీ ఆధిక్యతతో గెలుచుకుంది.
ఈ పరిషత్ పోరులో తెలుగుదేశం పార్టీ తరఫున పోటీ చేసిన అభ్యర్థి భారతి ఓట్ల లెక్కింపు ప్రారంభం నుంచి ప్రత్యర్థిపై నిలకడగా ఆధిక్యాన్ని కనబరుస్తూ వచ్చారు. తుది ఫలితం వెలువడేసరికి ఆమె తన సమీప ప్రత్యర్థి వైసీపీ అభ్యర్థిపై 1,463 ఓట్ల మెజార్టీతో ఘన విజయం సాధించారు. ఫలితం వెలువడగానే కౌంటింగ్ కేంద్రం వెలుపల అలాగే నియోజకవర్గవ్యాప్తంగా టీడీపీ మద్దతుదారులు పెద్ద ఎత్తున సంబరాలు జరుపుకున్నారు.
కొద్దిరోజుల క్రితమే నిర్వహించిన పులివెందుల మున్సిపల్ ఎన్నికల ఫలితాల్లోనూ తెలుగుదేశం పార్టీ విజయ దుందుభి మోగించిన సంగతి తెలిసిందే. పట్టణ ప్రాంతంలో లభించిన ఆ అనూహ్య మద్దతు కాకతాళీయం కాదని, గ్రామీణ ప్రాంత పరిధిలోకి వచ్చే ఈ జడ్పీటీసీ ఎన్నికలలోనూ తెలుగుదేశం విజయం, పులివెందులలో వైసీపీ పట్టు కోల్పోయిందనడానికి తార్కానమని పరిశీలకులు విశ్లేషిస్తున్నారు. వరుసగా మున్సిపాలిటీ, పరిషత్ స్థానాల్లో వైసీపీ పరాజయం పాలుకావడం ఆ పార్టీ శ్రేణులను తీవ్ర ఆందోళనకు గురిచేయడమే కాకుండా, వారిలో నిరాశను, నిస్ఫృహను నింపింది. ఫలితాలు అధికారికంగా వెలువడిన వెంటనే స్థానిక నాయకులు బాణాసంచా కాల్చి, ఒకరికొకరు మిఠాయి తినిపించుకుంటూ సంబరాలు చేసుకున్నారు. స్థానిక స్థాయిలో సాధించిన ఈ వరుస విజయాలు రాబోయే రోజుల్లో పులివెందుల రాజకీయ సమీకరణాలను పూర్తిగా మార్చివేస్తాయని తెలుగుదేవం శ్రేణులు ధీమా వ్యక్తం చేస్తున్నాయి.
ఇది కూడా చదవండి: ఎస్కార్ట్ నంటూ నీడలా వెంబడించి: చెవిరెడ్డికి చెమటలు పట్టించి, చుక్కలు చూపించిన సుధారెడ్డి.!
వైసీపీకి కంచుకోట అయిన పులివెందులలో చోటుచేసుకున్న ఈ రాజకీయ మార్పు వెనుక స్థానిక ప్రజల నాడిలో వచ్చిన మార్పే కారణమంటున్నారు. వరుస ఓటములతో వైసీపీకి తమ సొంత నియోజకవర్గంలోనే ఓటర్ల నుంచి వ్యతిరేకత వ్యక్తమవుతోందా అన్న అంతర్మథనంలో వైసీపీ ఉంది.
రాబోయే రోజుల్లో పులివెందులలో తెలుగుదేశం పార్టీ తన పట్టును మరింత పటిష్టం చేసుకునే దిశగా ముందుకు సాగుతుందనడంలో సందేహం లేదు. నియోజకవర్గవ్యాప్తంగా స్థానిక సమస్యలపై దృష్టి సారిస్తూ ప్రజల్లోకి వెళ్లేందుకు పార్టీ వ్యూహాలు సిద్ధం చేస్తోంది. మరోవైపు, వరుస పరాజయాల నుంచి కోలుకుని తిరిగి పుంజుకునేందుకు వైసీపీ ఏ విధమైన దిద్దుబాటు చర్యలు చేపడుతుందో వేచి చూడాల్సి ఉంది.
మీకు నచ్చవచ్చు: పోటీ నుంచి వైదొలగిన వైసీపీ జడ్పీటీసీ అభ్యర్థలు: మైదుకూరు, చిన్నమండెంలో వైసీపీకి బిగ్ షాక్.!
పులివెందులలో ఉద్రిక్తత: పార్నపల్లె వద్ద అవినాష్ రెడ్డిని అడ్డుకున్న పోలీసులు.!
[Telugudesham Bags Pulivendula ZPTC, Jagan Bastion, Collapse, YCP, Shock, TeluguOne]
.webp)
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు. పార్టీలో తాను ఎదుర్కొన్న చేదు అనుభవాలను బహిరంగంగా పంచుకుంటూ సంచలన వ్యాఖ్యలు చేశారు.
ఒకరిద్దరి ప్రయోజనాల కోసం పార్టీలో తనను అణగదొక్కే ప్రయత్నాలు జరిగాయని విజయసాయి రెడ్డి ఆరోపించారు. పార్టీ కోసం నిరంతరం శ్రమించినప్పటికీ, తనను మానసికంగా ఇబ్బంది పెట్టేలా పరిస్థితులు సృష్టించారని ఆయన వాపోయారు.
తాను స్వచ్ఛందంగా పార్టీని వీడలేదని, అక్కడి వాతావరణం వల్ల బయటకు వచ్చేలా బలవంతం చేశారని ఆయన స్పష్టం చేశారు. ఏనాడూ లేనివిధంగా పార్టీలో తనను ఇబ్బందులకు గురిచేస్తూ, మానసిక క్షోభ కలిగించారని ఆయన ఆవేదన వ్యక్తం చేశారు.
వైఎస్ రాజశేఖరరెడ్డి హయాంలో తనకు దక్కిన గౌరవం, ఆ తర్వాత మారిన రాజకీయ పరిణామాల్లో కరువైందని ఆయన గుర్తు చేసుకున్నారు. కొందరి తప్పుడు మాటలు నమ్మి తనను దూరం పెట్టారని, ఇది తనను తీవ్రంగా బాధిచించిందని ఆయన పేర్కొన్నారు.
ఎన్నికల సమయంలోనూ, అంతర్గత సమావేశాల్లోనూ తనను కించపరిచేలా వ్యవహరించారని విజయసాయి రెడ్డి ఆరోపించారు. ఒకటి కాదు రెండు కాదు, ఏకంగా 70కి పైగా అవమానాలను మౌనంగా భరించానని, ఇక ఆత్మగౌరవాన్ని చంపుకుని అక్కడ కొనసాగలేకనే ఈ నిర్ణయం తీసుకున్నానని తెలిపారు.
రాజకీయాల్లో ఎవరికైనా ఆత్మగౌరవం ముఖ్యం అని, దానిని తాకట్టు పెట్టి బతకలేమని ఆయన స్పష్టం చేశారు. కూర్చున్న కొమ్మను నరికేసేలా కొందరు వ్యవహరించిన తీరు తనను దిగ్భ్రాంతికి గురిచేసిందని ఆయన పేర్కొన్నారు.
ప్రస్తుత రాజకీయ పరిణామాలపై స్పందిస్తూ, రాష్ట్రంలో కుటుంబ పాలనకు చరమగీతం పాడాల్సిన సమయం ఆసన్నమైందని అభిప్రాయపడ్డారు. ప్రజాస్వామ్య విలువలకు తిలోదకాలు ఇస్తున్న పార్టీలకు ప్రజలు త్వరలోనే తగిన బుద్ధి చెబుతారని హెచ్చరించారు.
భవిష్యత్తులో నూతన రాజకీయ వేదిక ద్వారా ప్రజల గొంతుకగా మారుతామని, అందరికీ సమాన అవకాశాలు కల్పించే పాలనను అందిస్తామని ఆయన ధీమా వ్యక్తం చేశారు. త్వరలోనే తన భవిష్యత్ కార్యాచరణను స్పష్టం చేయనున్నట్లు ఆయన వెల్లడించారు.
[ Vijay Sai Reddy, Jagan Mohan Reddy, YSRCP, New Political Party Andhra Pradesh, Andhra Pradesh Politics, Sumathi Reddy, Andhra Pradesh politics, New political party AP ]
.webp)
ఏపీలో మున్సిపల్ ఎన్నికల్లో కాంగ్రెస్ ఖాతా తెరిచింది. ఇప్పటికే రాష్ట్ర వ్యాప్తంగా అన్ని కార్పోరేషన్లు.. మున్సిపాల్టీల ఫలితాలను ప్రకటించారు. తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది. 25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు.
మరి కొన్నింటిలో ఆధిక్యంలో ఉంది. చీరాల మునిసిపాలిటీ ఎన్నికల ఫలితాలలో వైసీపీ సోదిలోకి కూడా కనిపించలేదు. అనూహ్యంగా అక్కడ తెలుగుదేశం వర్సెస్ కాంగ్రెస్ అన్నట్లుగా ఫలితాలు వెలువడ్డాయి. చీరాల మునిసిపాలిటీ ఎన్నికలలో ప్రధానంగా తెలుగుదేశం కూటమితో కాంగ్రెస్ హోరాహోరీ తలపడింది. ఇక్కడ వైపీపీ మూడో స్థానానికే పరిమితమైంది.
మున్సిపల్ ఎన్నికల పోలింగ్ ముగిసిన తర్వాత ఉత్కంఠగా ఎదురుచూస్తున్న ఓట్ల లెక్కింపు ప్రక్రియను అధికారులు కట్టుదిట్టమైన భద్రతా ఏర్పాట్ల మధ్య శుక్రవారం ప్రారంభించారు. చీరాల మున్సిపాలిటీలో తెలుగుదేశం అభ్యర్థులు ముందంజలో ఉండగా, రెండో స్థానంలో కాంగ్రెస్ నిలిచింది. పలు వార్డులలో తెలుగుదేశం కూటమి అభ్యర్థులకు గట్టిపోటీ ఇచ్చింది. అయితే వైసీపీ మాత్రం కనీస పోటీ ఇవ్వలేక చతికిల బడింది. చీరాల మునిసిపాలిటీలో పలు వార్డులలో కాంగ్రెస్ అభ్యర్థులు తెలుగుదేశం కూటమి అభ్యర్థులకు గట్టిపోటీ ఇచ్చారు.
గతంలో నియోజకవర్గ స్థాయిలో జరిగిన రాజకీయ పరిణామాలు, స్థానిక సమీకరణాల ప్రభావం ఈ మున్సిపల్ ఎన్నికల ఫలితాలపై స్పష్టంగా కనిపిస్తోందని రాజకీయ పరిశీలకులు విశ్లేషిస్తున్నారు. చీరాలలో ఆమంచి కృష్ణ ప్రసాద్ కు ఉన్న పట్టు కాంగ్రెస్ కు లాభించిందని అంటున్నారు. 2024 ఎన్నికల ముందు వైసీపీ నుంచి ఆమంచి కాంగ్రెస్ లో చేరారు. కాగా.. 2024 ఎన్నికల్లోనూ చీరాల నుంచి కాంగ్రెస్ అభ్యర్దిగా పోటీ చేసి 41,859ఓట్లు దక్కించుకున్నారు. మూడో స్థానంలో నిలిచారు.
ఇది కూడా చదవండి: ఏపీ పంచాయతీ ఎన్నికల షెడ్యూల్ విడుదల: మూడు దశల్లో పోలింగ్.!
ఆమంచికి చీరాలలో ఉన్న పట్టు వైసీపీకి మైనస్ గా మారింది. చీరాలలోని ఒక్క వార్డులో కూడా వైసీపీ అభ్యర్థి కనీసం రెండో స్దానానికి చేరుకోలేకపోయారు. ఇక కాంగ్రెస్ విజయం సాధించిన 25వ వార్డులో వైసీపీ బాగా వెనుక బడింది.
చీరాల మున్సిపాలిటీలోని మెజారిటీ వార్డులను కైవసం చేసుకుంటూ తెలుగుదేశం కూటమి ముందంజలో దూసుకుపోతోంది. మున్సిపల్ చైర్మన్ ఓటింగ్‌లోనూ తెలుగుదేశం అభ్యర్థి స్పష్టమైన ఆధిక్యతలో ఉన్నారు. మొత్తంగా కడపటి సమాచారం అందే సరికి చీరాలలో ఎనిమిది వార్డుల్లో కాంగ్రెస్ అభ్యర్థులు స్పష్టమైన ఆధిక్యత కనబరుస్తున్నారు. ఇక వైసీపీ విషయానికి వస్తే చీరాలలో ఆ పార్టీ కనీస పోటీ కూడా ఇవ్వలేని దయనీయ స్థితిలో ఉంది.
మీకు నచ్చవచ్చు:
[Chirala Municipal Election, Congress, Ahead Ycp, Competition TDP Versus Congress, Andhra Pradesh Politics, Amanchi Krishna Mohan, Effect, Telugu One]
.webp)
ఆరోగ్యానికి శ్రీరామ రక్ష.. గుండె జబ్బులను ఆమడ దూరం ఉంటే సూత్రాలివి..!
నేటి ఆధునిక కాలంలో ఆరోగ్యం పట్ల శ్రద్ధ పెరిగిపోయి రకరకాల వ్యాయామాలు, డైట్లు చేయడం సర్వసాధారణమైంది. అయితే సరైన అవగాహన లేకుండా చేసే కొన్ని పద్ధతులు ఆరోగ్యాన్ని మెరుగుపరచడానికి బదులు హాని కలిగించే అవకాశం ఉందని నిపుణులు హెచ్చరిస్తున్నారు. చాలామంది ప్రాణాలను బలిగొంటున్న సమస్య గుండె జబ్బులు.. అయితే దీనికి చాలా కారణాలు ఉన్నాయి. కానీ రోజువారీ జీవితంలో చేసే చిన్న తప్పులే గుండె సమస్యలకు కూడా కారణం అవుతాయి. అవేంటో, వైద్యులు వాటి గురించి ఏం చెప్తున్నారో తెలుసుకుంటే..
నీరు..
రోజూ ఎంత నీరు తాగాలి అనే విషయంలో చాలా మందిలో రకరకాల అపోహలు ఉన్నాయి. రోజుకు ఐదు లీటర్లు లేదా అంతకంటే ఎక్కువ నీరు తాగాలని కొందరు ప్రచారం చేస్తుంటారు. కానీ వైద్యపరంగా ఇది సరైన పద్ధతి కాదని వైద్యులు స్పష్టం చేస్తున్నారు. అవసరానికి మించి విపరీతంగా నీరు తాగడం వల్ల శరీరంలో సోడియం , పొటాషియం స్థాయిల సమతుల్యత దెబ్బతింటుంది. దీనివల్ల హైపోనేట్రిమియా వంటి అనారోగ్య సమస్యలు వచ్చే ముప్పు ఉంది.
కేవలం ఒకటి రెండు లీటర్లకే నీటిని తాగడం పరిమితం కాకుండా, ఎవరి శారీరక శ్రమ , వాతావరణ పరిస్థితులను బట్టి నీటి మోతాదు ఆధారపడి ఉంటుంది. ముఖ్యంగా మనం తాగే కేవలం మంచినీళ్లే కాకుండా, మజ్జిగ, కొబ్బరి నీళ్లు, సూప్స్, టీ, కాఫీ , ఇతర పానీయాలన్నీ కూడా శరీరానికి అందే ద్రవాల జాబితాలోనే లెక్కలోకి వస్తాయి. శరీరం హైడ్రేటెడ్ గా ఉందా లేదా అని తెలుసుకోవడానికి మన మూత్రం రంగు చక్కటి సూచికగా పనిచేస్తుంది. మూత్రం మరీ తెలుపుగా లేదా ముదురు పసుపు రంగులో కాకుండా, లేత పసుపు రంగులో ఉంటే శరీరం సరైన హైడ్రేషన్ స్థితిలో ఉన్నట్లు భావించవచ్చు. కిడ్నీ లేదా గుండె సంబంధిత సమస్యలు ఉన్నవారు మాత్రం వైద్యుల సలహా మేరకే నీటి పరిమాణాన్ని పాటించాలి.
ఆహారం..
ఇక ఆహారపు అలవాట్ల విషయానికి వస్తే, మనం రోజూ తీసుకునే బ్రేక్ ఫాస్ట్ , ఇతర ఆహార పదార్థాలపై ప్రత్యేక శ్రద్ధ పెట్టాలి. ఉదయం పూట తినే చాకోస్ లేదా రెడీమేడ్ సీరిల్స్ పాలలో కలుపుకుని తింటే ఎంతో ఆరోగ్యం అనుకుంటాం. కానీ వాటిలో కార్బోహైడ్రేట్లు, చక్కెర శాతం ఎక్కువగా ఉండి, శరీరానికి అవసరమైన ప్రొటీన్ మాత్రం చాలా తక్కువగా ఉంటుంది. వీటిని తిన్న కొద్దిసేపటికే మళ్లీ ఆకలి వేస్తుండటం వల్ల అనారోగ్యకరమైన ఆహారం వైపు మనసు మళ్లుతుంది. దానికి బదులుగా ఉడికించిన గుడ్లు, మల్టిగ్రెయిన్ ఆహారాలు, ఇడ్లీ వంటి ప్రొటీన్తో కూడిన అల్పాహారం ఎంచుకోవడం ఎంతో శ్రేయస్కరం.
ఇది కూడా చదవండి మనసుపై ఒత్తిడి.. గుండెకు ప్రమాదం! అసలు నిజం ఇదే!
అలాగే మనం ఇష్టపడి తినే బిర్యానీ, ఫ్రైస్ , బయట దొరికే టిఫిన్లు ప్రతిరోజూ తినడం వల్ల శరీరంలో కొవ్వు పదార్థాలు పెరిగిపోతాయి. ఏ ఆహారాన్ని అయినా ఇంట్లో తక్కువ నూనెతో, సహజమైన పద్ధతిలో వండుకుంటే అది ఆరోగ్యకరమైనదే అవుతుంది. హోటళ్లలో లేదా బయట లభించే తినుబండారాలు త్వరగా తయారవ్వడం కోసం ఎక్కువగా నూనెను వాడతారు. వీటిని అప్పుడప్పుడు రుచి కోసం తీసుకోవడంలో తప్పు లేదు కానీ, రోజూ అలవాటుగా మార్చుకోవడం మంచిది కాదు.
అన్నం తినే విషయంలో కూడా వండే పద్ధతిని మార్చుకోవడం ద్వారా గ్లైసమిక్ ఇండెక్స్ ను తగ్గించవచ్చు. అన్నం వండేటప్పుడు గంజి వార్చడం మన పూర్వీకుల కాలం నుంచి ఉన్న పద్ధతి. దీని వల్ల అన్నంలో గ్లైసమిక్ ఇండెక్స్ తగ్గుతుందట. ఇది షుగర్ లెవెల్స్ అకస్మాత్తుగా పెరగకుండా సహాయపడుతుందట.
వ్యాయామం..
ఫిట్నెస్ , మారథాన్ల పేరుతో విపరీతంగా శ్రమించడం, అలాగే రోజూ గంటల తరబడి ఒకే పొజిషన్ లో కదలకుండా కూర్చోవడం వల్ల శరీరంలో రక్త ప్రసరణ మందగించి రక్తం గడ్డకట్టే ప్రమాదం ఉంటుందని వైద్యులు తెలిపారు. కాబట్టి ఆఫీసుల్లో పని చేసేవారు లేదా సుదూర ప్రయాణాలు చేసేవారు ప్రతి గంటకు ఒకసారి లేచి కాస్త నడవడం మంచిది. ఆరోగ్యం విషయంలో ఎవరి సలహాలనో గుడ్డిగా అనుసరించకుండా, మన శరీరం ఇచ్చే సంకేతాలను అర్థం చేసుకుంటూ సరైన జీవనశైలిని అలవర్చుకోవడం ద్వారా సంపూర్ణ ఆరోగ్యాన్ని సొంతం చేసుకోవచ్చు.
మీకు నచ్చవచ్చు ఆహారం తినేటప్పుడు.. మీకు ఈ జబ్బు ఉందేమో చెక్ చేస్కోండి..!
*రూపశ్రీ.
శరీరంలో కఫం పేరుకుపోవడం వల్ల చాలామంది నిత్య జీవితంలో ఎన్నో రకాల శ్వాసకోశ ఇబ్బందులను ఎదుర్కొంటూ ఉంటారు. మారుతున్న కాలం, వాతావరణంలో వచ్చే మార్పులు, వివిధ రకాల అలర్జీల కారణంగా ముక్కు దిబ్బడ, గొంతులో గరగర, ఛాతీలో కఫం గడ్డకట్టుకోవడం వంటి సమస్యలు తీవ్రంగా బాధిస్తుంటాయి. ఈ సమస్యల నుంచి ఉపశమనం పొందడానికి మార్కెట్లో లభించే రకరకాల మందులు, యాంటీబయోటిక్స్ వాడుతుంటారు. వీటి వల్ల తాత్కాలికంగా ఫలితం కనిపిస్తుంది కానీ దీర్ఘకాలంలో ఆరోగ్యానికి హాని కలుగుతుంది. ఎలాంటి సైడ్ ఎఫెక్ట్స్ లేకుండా, మన ఇంట్లోనే దొరికే సహజ సిద్ధమైన పదార్థాలతో తయారు చేసుకునే పానీయం తాగడం వల్ల ఈ సమస్యను శాశ్వతంగా తగ్గించుకోవచ్చు. ఇంతకూ ఈ పానీయం ఏమిటి? దాన్ని తయారు చేయడానికి కావలసిన పదార్థాలు ఏమిటి? ఇప్పుడు వివరంగా తెలుసుకుందాం.
కఫం..
మన శరీరంలో కఫం అనేది ఊపిరితిత్తులు, గొంతు, సైనస్ లేదా ముక్కు భాగాల్లో ఎక్కువగా తయారవుతూ ఉంటుంది. ఇది ఎక్కడ పేరుకుపోయినా శ్వాస తీసుకోవడంలో ఇబ్బంది కలగడమే కాకుండా శరీరం ఎంతో అలసటకు గురవుతుంది. దీనిని నివారించడానికి వంటింట్లో లభించే నాలుగు ముఖ్యమైన పదార్థాలతో ఒక అద్భుతమైన పానీయం తయారు చేసుకోవచ్చు.
కావలసిన పదార్థాలు..
తేనె..
తేనెలో అద్భుతమైన యాంటీ ఇన్ఫ్లమేటరీ , యాంటీ బ్యాక్టీరియల్ గుణాలు పుష్కలంగా ఉంటాయి. ఇది గొంతులో ఇన్ఫెక్షన్లను తగ్గించడంలో చాలా సమర్థవంతంగా పనిచేస్తుంది. గొంతును ప్రశాంతంగా ఉంచుతూ, పేరుకుపోయిన గట్టి కఫాన్ని పల్చగా మార్చడానికి తేనె ఎంతగానో సహాయపడుతుంది.
అల్లం..
అల్లంలో జింజిరాల్స్ అనే శక్తివంతమైన సమ్మేళనాలు ఉంటాయి. ఇది ఒక సహజమైన డికంజస్టెంట్ లా పనిచేస్తుంది. గొంతులో , చాతిలో పేరుకుపోయిన మందపాటి కఫాన్ని కరిగించి, అది సులభంగా శరీరం నుంచి బయటకు వచ్చేలా చేయడంలో అల్లం కీలక పాత్ర పోషిస్తుంది. అలాగే ఇది వాపులను తగ్గించి రోగ నిరోధక శక్తిని పెంపొందిస్తుంది.
మిరియాలు..
మిరియాలు ముక్కు మార్గాల్లో రక్త ప్రసరణను మెరుగుపరుస్తాయి. అక్కడ చిక్కుకున్న కఫాన్ని కరిగించి బయటకు పంపడంలో ఇవి ఎంతగానో ఉపయోగపడతాయి. అంతేకాకుండా, అల్లం , తేనెలోని పోషకాలు శరీరం త్వరగా గ్రహించేలా మిరియాలు సహాయపడతాయి.
నిమ్మరసం..
నిమ్మరసంలో విటమిన్ సి పుష్కలంగా ఉండటం వల్ల ఇది శరీరానికి మంచి రోగ నిరోధక శక్తిని ఇస్తుంది. కఫానికి కారణమయ్యే అలర్జీలను అరికట్టి, గొంతు ఎల్లప్పుడూ శుభ్రంగా ఉండేలా రక్షణ కల్పిస్తుంది.
పై నాలుగు పదార్థాలను ఉపయోగించి ఈ కింది రెండు పద్ధతుల్లో దేనినైనా ఫాలో అవుతూ మంచి ఫలితం పొందవచ్చు..
మొదటి పద్దతి..
ఒక టీస్పూన్ తేనె తీసుకుని, అందులో తాజా అల్లం రసం లేదా అల్లం పొడి కలపాలి. ఆ తర్వాత చిటికెడు మిరియాల పొడి, కొద్దిగా నిమ్మరసం వేసి బాగా కలిపి నేరుగా తీసుకోవాలి. ఇది గొంతులో కఫం ఎక్కువగా ఉన్నప్పుడు వెంటనే ఉపశమనం ఇస్తుంది.
రెండవ పద్ధతి..
ఒక కప్పు నీటిని కొద్దిగా వేడి చేసి, అందులో అల్లం పొడి లేదా తురిమిన అల్లం, చిటికెడు మిరియాల పొడి, కొంచెం నిమ్మరసం వేయాలి. చివరగా ఒక టీస్పూన్ తేనె జోడించి బాగా కలపాలి.
గుర్తుంచుకోవాల్సిన విషయం ఏమిటంటే తేనె కలిపిన తర్వాత నీటిని మరిగించకూడదు. ఈ డ్రింక్ ను గోరువెచ్చగా ఉన్నప్పుడు నెమ్మదిగా తాగితే గొంతుకు ఎంతో ప్రశాంతత లభిస్తుంది.
పైన చెప్పుకున్న రెమిడీని రోజుకు రెండు సార్లు తీసుకోవడం వల్ల మంచి ఫలితాలు కనిపిస్తాయి. ఉదయం నిద్ర లేచిన వెంటనే తీసుకుంటే రాత్రంతా పేరుకుపోయిన కఫం కరిగిపోయి శ్వాస తీసుకోవడం సులభం అవుతుంది. అలాగే రాత్రి పడుకునే ముందు తీసుకుంటే నిద్రలో కఫం అడ్డుపడకుండా ప్రశాంతంగా నిద్రపోవచ్చు. కొద్ది రోజుల పాటు క్రమం తప్పకుండా ఈ పద్ధతిని పాటిస్తే ముక్కు దిబ్బడ, గొంతు సమస్యలు పూర్తిగా తగ్గిపోయి ఆరోగ్యం మెరుగుపడుతుంది.
*రూపశ్రీ.
మలబద్ధకం సమస్యతో చిన్న పిల్లల నుంచి పెద్దవాళ్ల వరకు చాలామంది ఇబ్బందులు ఎదుర్కొంటుంటారు. సరిగ్గా మలవిసర్జన కాకపోవడం, మలం గట్టిగా రావడం, కడుపు ఉబ్బరం వంటి సమస్యలు రోజువారీ జీవితాన్ని ఇబ్బందులకు గురిచేస్తాయి. ఇలాంటి సమస్యలకు సరైన ఆహారపు అలవాట్లు, జీవనశైలిలో మార్పులు ఎంతో ఉపయోగపడతాయి.
ఈ వీడియోలో డాక్టర్ చిట్టిబొట్ల మధుసూదన శర్మ మలబద్ధకం సమస్యకు సంబంధించిన ముఖ్యమైన విషయాలను వివరించారు. వాము, బెల్లం, కరక్కాయ పెచ్చుల వంటి సహజ పదార్థాల ఉపయోగాలు, జీర్ణవ్యవస్థ ఆరోగ్యాన్ని మెరుగుపరచడంలో వాటి పాత్ర గురించి తెలియజేశారు.
మలబద్ధకం సమస్యకు కారణాలు ఏమిటి? పిల్లల నుంచి పెద్దవాళ్ల వరకు ఈ సమస్యను ఎలా ఎదుర్కోవాలి? మలవిసర్జన సాఫీగా జరిగేందుకు ఎలాంటి ఆహారపు అలవాట్లు పాటించాలి? వాము, బెల్లం, కరక్కాయలను ఎలా ఉపయోగించాలి? మలబద్ధకం సమస్యను తగ్గించుకోవడానికి ఎలాంటి జాగ్రత్తలు తీసుకోవాలి? అనే విషయాలను ఈ వీడియోలో తెలుసుకోవచ్చు.
సహజమైన పద్ధతులతో జీర్ణవ్యవస్థ ఆరోగ్యాన్ని కాపాడుకోవాలనుకునే వారికి ఈ వీడియో ఉపయోగకరంగా ఉంటుంది. మలబద్ధకం సమస్య తరచూ వేధిస్తున్నా, తీవ్రమైన కడుపునొప్పి లేదా మలంలో రక్తం కనిపించినా వైద్యులను సంప్రదించడం అవసరం.
మలబద్ధకం సమస్యకు ఆయుర్వేదంలో సూచించే సహజ పరిష్కారాలు, వాము, బెల్లం, కరక్కాయ పెచ్చుల ఉపయోగాల గురించి మరిన్ని వివరాలు తెలుసుకోవడానికి ఈ వీడియోను పూర్తిగా చూడండి.
మీ ఆరోగ్య సమస్య ఏదైనా... మా హెల్త్ యూట్యూబ్ ఛానల్‌లో సీనియర్ డాక్టర్స్ చెప్పిన సలహాలు... సూచనలు ఉన్నాయి. మా యూట్యూబ్ ఛానల్ కోసం ఇక్కడ క్లిక్ చేయండి 👉 TeluguOne Health (సబ్‌స్క్రైబ్ చేయడం మర్చిపోకండి!)