ఆయన చెప్పమంటే కాదంటానా... నాని

on Mar 9, 2015

దర్శక దిగ్గజం మణిరత్నం సినిమాలో డబ్బింగ్ చెప్పే అవకాశం వస్తే ఎవరైనా కాదంటారా.. ఎగిరి గంతెస్తారు. నటుడు నానికి కూడా అలాంటి అవకాశమే దక్కింది. ప్రముఖ మలయాళ హీరో మమ్ముట్టి తనయుడు దుల్కర్ సల్మాన్, నిత్యామీనన్ జంటగా మణిరత్నం దర్శకత్వంలో తెరకెక్కించిన 'ఓకె కన్మణి' సినిమాను, 'ఓకే బంగారం' పేరుతో తెలుగులోకి అనువదించారు. అయితే ఈ సినిమాలో హీరో పాత్రకు డబ్బింగ్ చెప్పాలని మణిరత్నం నానికి ఫోన్ చేసి అడిగారు. తన గొంతు అరువు ఇవ్వాలని మణిరత్నం అడిగితే కాదనలేకపోయానని, నిమిషం కూడా ఆలోచించకుండా ఒకే చెప్పేశానని నాని అన్నారు. గతంలో నాని మణిరత్నం దగ్గర అసిస్టెంట్ డైరెక్టర్ గా పని చేసిన సంగతి తెలిసిందే.