మహబూబ్ నగర జిలా కొడంగల్ తెలుగుదేశం పార్టీ ఎమ్మెల్యే రేవంత్ రెడ్డి హద్దులు మీరి వ్యవహరితున్నారన్న ఆరోపణలు వస్తున్నాయి. ఈ ఆరోపణలను ప్రత్యర్థి నాయకులు చేయటం లేదు. స్వయానా తెలుగుదేశం పార్టీకి చెందిన తాండూరు ఎమ్మెల్యే మహేంద్రరెడ్డి చేస్తుండటం విశేషం. రేవంత్ రెడ్డి తనకు ఎటువంటి సమాచారం ఇవ్వకుండానే తన నియోజకవర్గంలో పర్యటించటమే కాకుండా కొడంగల్ నియోజకవర్గంలోని 39 గ్రామాలకు నీటిని సరఫరా చేసే పతకాలను ప్రారంభించారని ఆరోపిస్తున్నారు. తన నియోజకవర్గంలో తాను చేయాల్సిన ప్రారంభోత్సవాలను వేరే జిల్లాకు చెందిన రేవంత్ రెడ్డి చేయటం ఏమిటని ఆయన ప్రశ్నిస్తున్నారు.

ఈ అంశాన్ని మహేంద్రరెడ్డి పార్టీ అధినేత చంద్రబాబునాయుడు ద్రుష్టికి తీసుకువెళ్ళినట్లు తెలుస్తోంది. గతంలో కూడా తాండూరు, కొండగల్, ఎమ్మెల్యేల మధ్యన ఇటువంటి వివాదమే వచ్చింది. యాలాల మండలం ముద్దాయిపేట చిన్నవాగు ప్రాజెక్టు మహబూబ్ నగర జిల్లా బోరాన్ పూర్ పరతిలోకి వస్తుందంటూ ఎమ్మెల్యే రేవంత్ రెడ్డి దానిని ప్రారంభించటానికి రావడంతో గ్రామస్థులు అడ్డుకున్నారు. ఈ వివాదం రెండేళ్ళపాటు పరిష్కారం కాలేదు. అప్పట్లో కూడా తాండూరు ఎమ్మెల్యే మహేన్ద్రరేద్ది పార్టీ అధినేతకు రేవంత్ రెడ్డిపై ఫిర్యాదు చేశారు.