హైదరాబాద్‌లో జర్నలిస్టులమంటూ ఎక్కడికి పడితే అక్కడికి వెళుతూ విఐపిల దగ్గర ఇంటర్యూలకోసం అంటూ రెక్కీలు నిర్వహిస్తున్నారనే భయంకరమైన నిజాన్ని పోలీసులు బయటపెట్టారు. బెంగుళూరులో ఆగస్టు 31 పోలీసులు అరెస్టు చేసిన నలుగురు ఉగ్రవాదులు చెప్పిన వివరాల ప్రకారం జర్నలిస్టు పేరుతో రెక్కీ నిర్వహించిన ఒబెద్‌ అనే వ్యక్తిని అరెస్టు చేశారు. హైదరాబాద్‌, బెంగుళూరు, హుబ్లీలలో పెద్దయెత్తున విద్యంసానికి వీరు పధకం పన్నినట్లు పోలుసులు కనుగొన్నారు. హైదరాబాద్‌లోని మక్కామసీదును, హుస్సేన్‌ ఆలంను పేల్చివేయటానికి కుట్ర పన్నినట్లు పోలీసుల దర్యాప్తులో తేలింది. ఇకపై జర్నలిస్టు లంతా తప్పనిసరిగా అక్రిడేషన్‌ కార్డులు కలిగి వుండాలని పోలీసులు ప్రకటించారు. ఇంటర్యూల పేరుతో వచ్చిన వారిని జర్నలిస్టులా కాదా అని నిర్ధారణ చేసుకున్న తరువాత మాత్రమే ఇంటర్యూలు ఇవ్వాలని పోలీసులు విఐపిలను హెచ్చరించారు.