మహేష్ ఫ్యాన్స్ అందరికీ పండగే..!

on May 16, 2016

మహేష్ అభిమానులకు గుడ్ న్యూస్ చెప్పింది బ్రహ్మోత్సవం మూవీ టీం. మహేష్ సినిమాను మొదటిరోజు చూద్దామని చాలా మంది అభిమానులు అనుకుంటారు. కానీ నాలుగు షోలు మాత్రమే ఉండే మొదటి రోజు, అంతకు మించి చూడటం కుదరని పని. కానీ ఈ సారి మాత్రం సూపర్ స్టార్ అభిమానులు మరింత మంది సినిమా చూడచ్చు. సింగిల్ స్క్రీన్స్ మొదటి రోజు ఐదు షోలు వేసుకోవచ్చని తెలంగాణా ప్రభుత్వం పర్మిషన్ ఇచ్చింది. రేపో మాపో ఆంధ్రప్రదేశ్ కూడా ఇచ్చే అవకాశం ఉంది. సో మొదటి రోజు రికార్డ్ కలెక్షన్లతో కుమ్మేసుకోవడానికి మహేష్ రెడీ అయిపోతున్నాడు. అయితే ఈ ఐదు షో ల పర్మిషన్ కేవలం మొదటి రోజుకు మాత్రమే. కేవలం మే 20 న మాత్రమే ఇది అప్లై అవుతుంది. ఆ తర్వాత మామూలుగా వేసినట్టే నడుస్తాయి. ప్రస్తుతం తొలిరోజు కలెక్షన్లలో బాహుబలి, ఆ తర్వాత సర్దార్ గబ్బర్ సింగ్ ముందున్నాయి. మరి బ్రహ్మోత్సవం వాటిని దాటుతుందా..లెటజ్ సీ..