ప్రిన్స్, క్రిష్ సినిమా 2012 ఆగస్ట్ లో

on Dec 2, 2011

ప్రిన్స్ మహేష్ బాబు హీరోగా, క్రిష్ దర్శకత్వంలో ఒక చిత్రం ప్రారంభం కానుందని సమాచారం. ఈ చిత్రం 2012 ఆగస్ట్ 9 వ తేదీన, అంటే మహేష్ బాబు జన్మదినాన ప్రారంభమవుతుందని ఫిలిం నగర్ వర్గాలంటున్నాయి. ఈ చిత్రంలో మహేష్ బాబు సరసన ముగ్గురి హీరోయిన్లు నటిస్తారట. వారిలో ఒక హీరోయిన్ గా అమలా పాల్ ఎన్నికయినట్లు సమాచారం. యమ్.యమ్.కీరవాణి సంగీతం అందించబోయే ఈ చిత్రాన్ని మెగా నిర్మాత చలసాని అశ్వనీదత్ నిర్మిస్తారని విశ్వసనీయవర్గాల ద్వారా అందిన సమాచారం.

ప్రిన్స్ మహేష్ బాబు హీరోగా, క్రిష్ దర్శకత్వంలో రాబోయే ఈ చిత్రం సోషియో ఫాంటసీ జోనర్ కి సంబంధించిన కథతో తయారవుతుందట. ఇంతవరకూ హీరో మహేష్ బాబు సోషియో ఫాంటసీ చిత్రంలో నటించలేదు. క్రిష్ గతంలో "గమ్యం", "వేదం"వంటి చక్కని చిత్రాలకు దర్శకత్వం వహించారు.