హైదరాబాద్‌ నగరంలోని ఫిలింనగర్‌ ప్రాంతంలో శనివారం అర్థరాత్రి భారీ అగ్నిప్రమాదం చోటుచేసుకుంది. హుడా ఎన్‌క్లేవ్‌, జర్నలిస్టు కాలనీలోని ఓ నివాస భవనం సెల్లార్‌లో అకస్మాత్తుగా మంటలు చెలరేగాయి. సెల్లార్‌లో పార్క్ చేసి ఉన్న వాహనాలకు మంటలు వ్యాపించడంతో మొత్తం ఆరు కార్లు పూర్తిగా దగ్ధమయ్యాయి. దీంతో స్థానికంగా కొద్దిసేపు తీవ్ర భయాందోళన నెలకొంది. సెల్లార్‌ నుంచి మంటలు, దట్టమైన పొగ వెలువడటాన్ని గమనిం చిన స్థానికులు వెంటనే అగ్నిమాపక సిబ్బందికి సమాచారం అందించారు. సమాచారం అందుకున్న వెంటనే పంజాగుట్ట, జూబ్లీహిల్స్‌, అన్నపూర్ణ స్టూడియో అగ్నిమాపక కేంద్రాల నుంచి ఫైర్‌ టెండర్లు హుటాహుటిన సంఘటనా స్థలానికి చేరుకున్నాయి. అగ్నిమాపక సిబ్బంది పరిస్థితిని అంచనా వేసి వెంటనే మంటలను అదుపులోకి తీసుకు రావడానికి చర్యలు చేపట్టారు. 

అగ్నిప్రమాదం సంభవించిన సమయంలో నివాస భవనంలో 15 మంది ఉన్నట్లు ఫైర్‌ సిబ్బంది గుర్తించారు. సెల్లార్‌లో మంటలు చెలరేగడంతో భవనంలో ఉన్నవారికి ఎలాంటి ప్రమాదం జరగకుండా అధికారులు అప్రమత్తమయ్యారు. అగ్నిమాపక సిబ్బంది వెంటనే భవనంలోకి వెళ్లి అక్కడ ఉన్న 15 మందిని సురక్షి తంగా బయటకు తీసుకు వచ్చారు. మరోవైపు సెల్లార్‌ లో మంటలు మరింత విస్తరించకుండా ఫైర్‌ సిబ్బంది సమన్వయంతో చర్యలు చేపట్టారు. పలువైపుల నుంచి నీటిని ప్రయోగిస్తూ మంటలను అదుపులోకి తీసుకువ చ్చారు. కొంతసేపు శ్రమించిన అనంతరం మంటలను పూర్తిగా ఆర్పివేశారు. అనంతరం సెల్లార్‌లో ఎక్కడైనా మంటలు, పొగ మిగిలి ఉన్నాయా అనే విషయాన్ని పరిశీలించారు.

ఈ అగ్నిప్రమాదంలో ఎలాంటి ప్రాణనష్టం  సంభవించలేదు. అయితే సెల్లార్‌లో పార్క్ చేసిన ఆరు కార్లు మంటల్లో పూర్తిగా దగ్ధం కావడంతో భారీగా ఆస్తిన ష్టం జరిగినట్లు తెలుస్తోంది. అగ్నిప్రమాదం సమయంలో భవనంలో ఉన్న 15 మందిని సకాలంలో గుర్తించి సురక్షితంగా బయటకు తరలించడం వల్ల పెను ప్రమాదం తప్పింది. ఫైర్‌ సిబ్బంది సకాలంలో స్పందించి వేగంగా సహాయక చర్యలు చేపట్టడంతో మంటలు భవనంలోని ఇతర ప్రాంతాలకు వ్యాపించ కుండా నియంత్రించగలిగారు.

దీంతో పెద్ద ప్రమాదం తప్పినట్లయింది. అగ్నిప్రమాదానికి అసలు కారణం ఏమిటన్న దానిపై అధికారులు ఆరా తీస్తున్నారు. సెల్లార్‌లో వాహనాల పార్కింగ్‌ ప్రాంతం కావడంతో షార్ట్‌ సర్క్యూట్‌ లేదా ఇతర కారణాలతో మంటలు చెలరేగాయా అనే కోణంలో దర్యాప్తు చేస్తున్నారు. అర్థరాత్రి సమయంలో చోటుచేసు కున్న ఈ ఘటనతో హుడా ఎన్‌క్లేవ్‌, జర్నలిస్టు కాలనీలో కొద్దిసేపు ఉద్రిక్త పరిస్థితి నెలకొంది. అయితే ఫైర్‌ సిబ్బంది సమర్థవంతంగా స్పందించి మంటలను పూర్తిగా అదుపులోకి తీసుకురావడంతో స్థానికులు ఊపిరిపీల్చుకున్నారు.

Major fire in Filmnagar, Journalist Colony, Hyderabad police, CP Sajjanar, DGP C.V. Anand,  Telugu News, Telugu One