ఒకసారి వెళ్ళారు ... మళ్ళీ తాను కాంగ్రెస్ వాడినని తిరిగి వచ్చారు. తన కుటుంబచరిత్ర అంతా కాంగ్రెస్ తోనే ముడిపడి ఉందని బోలెడు కబుర్లు చెప్పారు, ఇంతకీ ఎవరనుకుంటున్నారు ...? అదే తూర్పుగోదావరి జిల్లా కాకినాడ ఎమ్మెల్యే ద్వారంపూడి చంద్రశేఖర రెడ్డి, మళ్ళీ కాంగ్రెస్ గడపను రెండోసారి దాటేశారు. ఆయన కాంగ్రెస్ లోనే ఉన్న జగన్ కోవర్టు అని చెప్పకతప్పదు. తన అన్న ద్వారంపూడి వీరభద్రారెడ్డిని వై.ఎస్.ఆర్. కాంగ్రెస్ పార్టీలో చేర్చి తనకు ఆహ్వానం పలికించుకుని వై.ఎస్.ఆర్. కాంగ్రెస్ పార్టీలో తిరిగి చేరాలని ఆయన భావించారు. కానీ జగన్ అరెస్టు కావటం, విజయమ్మ పార్టీ బాధ్యతలు తీసుకోవటంతో జగన్ వైపు తిరిగి చేరిపోయారు. అయితే వాస్తవానికి వ్యాపార వ్యవహారాల్లో బాగా దెబ్బతిన్న ద్వారంపూడిని జగన్ ఆదుకుని పైకి తీసుకువచ్చారని నగరంలో చెప్పుకుంటున్నారు. అందువల్ల ఆయన ఏ పార్టీలో ఉన్నా జగన్ మనిషని తూర్పుగోదావరి జిలా అంతా తెలుసు. ఆయన కాంగ్రెస్ వాడిగా నటించినప్పటికీ కార్యకర్తలు కూడా ద్వారంపూడిని నమ్మలేదు. ఇప్పుడు నేరుగా తన పదవికి రాజీనామా చేసి జగన్ పంచన చేరి తన విశ్వాసాన్ని చాటుకుంటున్నారు. అయితే ద్వారంపూడి ఏ పనులూ చేయని ఎమ్మెల్యేగానూ, తన కులానికి ప్రాధాన్యత ఇచ్చే వ్యక్తిగానూ గుర్తింపునందుకున్నారు. తరువాత ఈయన రాజకీయజీవితంపై ఈ రెండు అంశాల ప్రభావం ఉంటుందని పరిశీలకులు హెచ్చరిస్తున్నారు.