వినాయక చవితి వచ్చిందంటే బాలాపూర్ పేరు ప్రత్యేకంగా వినిపిస్తుంది. గణనాథుడి దర్శనం కోసం నగర నలుమూలల నుంచి భక్తులు తరలిరావడంతో బాలాపూర్‌లో సందడి నెలకొంది. ఉదయం నుంచే భక్తుల రాక మొదలవడంతో ప్రాంతమంతా పండుగ వాతావరణం కనిపిస్తోంది. గణనాథుడిని దర్శించుకునేందుకు పెద్ద సంఖ్యలో భక్తులు బాలాపూర్‌కు చేరుకుంటున్నారు.ఈ క్రమంలో బాలాపూర్ గణేష్ ఉత్సవాల్లో *నేడు సాయంత్రం 6 గంటలకు తొలి పూజా కార్యక్రమాన్ని నిర్వహించనున్నారు. తొలి పూజా కార్యక్రమానికి సంబంధించిన ఏర్పాట్లను ఉత్సవ సమితి నిర్వాహకులు పూర్తి చేశారు. భక్తులకు ఎలాంటి ఇబ్బందులు తలెత్తకుండా అవసరమైన ఏర్పాట్లు చేపట్టినట్లు నిర్వాహకులు తెలిపారు.ఈ ఏడాది బాలాపూర్ గణేష్ ఉత్సవాల్లో ఏర్పాటు చేసిన పూరి జగన్నాథ ఆలయ నమూనా సెట్టింగ్ ప్రత్యేక ఆకర్షణగా నిలుస్తోంది. 

ఆలయాన్ని పోలిన భారీ సెట్టింగ్‌ను అత్యంత ఆకర్షణీయంగా ఏర్పాటు చేశారు. విద్యుత్ దీపాలతో చేసిన అలంకరణలు సెట్టింగ్‌కు మరింత అందాన్ని తీసుకొచ్చాయి. భారీగా నిర్మించిన ఆలయ నమూనా, దాని నిర్మాణ శైలి, విద్యుత్ దీపాల అలంకరణలు భక్తులను విశేషంగా ఆకట్టుకుంటున్నాయి. గణనాథుడి దర్శనానికి వస్తున్న భక్తులు ప్రత్యేకంగా ఈ సెట్టింగ్‌ను వీక్షిస్తూ ఆకర్షితులవుతున్నారు. దీంతో బాలాపూర్ గణేష్ ఉత్సవాల్లో ఈసారి పూరి జగన్నాథ ఆలయ నమూనా ప్రధాన ఆకర్షణగా మారింది. వినాయక చవితి సందర్భంగా బాలాపూర్‌కు భారీగా భక్తులు తరలివస్తుండటంతో ఎలాంటి అసౌకర్యం కలగకుండా ఉత్సవ సమితి నిర్వాహకులు ప్రత్యేక ఏర్పాట్లు చేపట్టారు. 

భక్తులకు అవసరమైన సహాయం అందించేందుకు వాలంటీర్లను అందుబాటులో ఉంచారు.అధికారుల సమన్వయంతో ఉత్సవాలను సజావుగా నిర్వహించేందుకు చర్యలు తీసుకున్నట్లు బాలాపూర్ గణేష్ ఉత్సవ సమితి అధ్యక్షుడు కళ్లెం నిరంజన్ రెడ్డి తెలిపారు. భక్తులకు ఎలాంటి ఇబ్బందులు లేకుండా దర్శనం కల్పించడంతో పాటు ఉత్సవాలను ప్రశాంతంగా నిర్వహించేందుకు అన్ని ఏర్పాట్లు చేసినట్లు ఆయన పేర్కొన్నారు. మొత్తంగా వినాయక చవితి సందర్భంగా బాలాపూర్‌లో ఇప్పటికే పండుగ శోభ నెలకొనగా.. నేడు సాయంత్రం జరిగే తొలి పూజతో గణేష్ ఉత్సవాల సందడి మరింత పెరగనుంది. పూరి జగన్నాథ ఆలయ నమూనా సెట్టింగ్ ప్రత్యేక ఆకర్షణగా నిలవడంతో బాలాపూర్‌కు వచ్చే భక్తుల సంఖ్య మరింత పెరిగే అవకాశం కనిపిస్తోంది.

[ Lord Ganesha of Balapur, Ganesha Chavithi, Vinayaka Chaturthi 2026, Hyderabad Ganesh Utsav, Panchamukha Sankatahara Ganapati ]