తెల్లజుత్తును తరిమేయాలంటే..?

తెల్లజుత్తును తరిమేయాలంటే..?

 

 

ఒకప్పుడు వయసు మీద పడినప్పుడే వెంట్రుకలు తెల్లబడేవి. ఇప్పుడు రకరకాల ఆరోగ్య సమస్యలు, కాలుష్యం, జీవనశైలి వంటి వాటి వల్ల త్వరగా తెల్ల జుత్తు వచ్చేస్తోంది. యుక్త వయస్సులో వృద్ధాప్య ఛాయల్ని భరించడం ఎవరికైనా కష్టమే. అలాంటి వారి కోసమే ఈ చిట్కాలు. వీటిని పాటిస్తే తెల్లబడిన జుత్తు మళ్లీ నల్లగా నిగనిగలాడటం ఖాయం!

- గోరింటాకుని రుబ్బి... అందులో మూడు చెంచాల ఉసిరిక పొడి, ఒక చెంచాడు కాఫీ పొడి, పెరుగు కలిపి కుదుళ్లకు, జుత్తుకు బాగా పట్టించండి. ఆరిన తరువాత కుంకుడు రసంతో తలంటుకోండి. వారానికి ఒకట్రెండుసార్లు ఇలా చేయాలి.

- బ్లాక్ టీలోఉప్పు కలిపి అప్పుడప్పుడూ జుత్తు కడుగుతూ ఉంటే నల్లబడిపోతుంది.

- గోరింటాకు, మందార ఆకులు, కరివేపాకుల్ని సమపాళ్లలో తీసుకుని మెత్తగా రుబ్బాలి. దీన్ని తలకు పట్టించి, ఆరిన తరువాత మైల్డ్ షాంపూతో తలంటుకుంటే ఫలితముంటుంది.

- తులసి ఆకుల్ని నీటిలో మరిగించాలి. ఇవి గోరువెచ్చగా అయ్యేవరకూ చల్లార్చి, ఆ నీటితో కుదుళ్లకు బాగా మసాజ్ చేస్తే మంచిది.

- ఉసిరికపొడిలో నిమ్మరసం కలిపి కాసేపు పక్కన పెట్టాలి. తర్వాత దీన్ని కుదుళ్లకు పట్టించి అరగంట పాటు వదిలేయాలి. తరువాత కుంకుడు రసంతో కానీ షీకాయ పొడితో కానీ తలంటుకోవాలి. వారానికోసారి ఇలా చేస్తే సమస్య తీరిపోతుంది.

- రెండు చెంచాల గోరింటాకు పొడి, రెండు చెంచాల మెంతి పొడి, చెంచాడు పెరుగు, చెంచాడు కాఫీ పొడి, రెండు చెంచాల పుదీనా రసం, రెండు చెంచాల తులసి రసం కలిపి పేస్ట్ లా చేసుకోవాలి. దీన్ని కుదుళ్లకు, జుత్తుకు బాగా పట్టించి తలకు ఏదైనా బట్ట చుట్టేయాలి. అరగంట నుంచి నలభై అయిదు నిమిషాలు అలానే ఉంచి ఆ తరువాత తలస్నానం చేయాలి. తరచూ ఇలా చేస్తే బాలనెరుపు పోయి జుత్తు నల్లబడిపోతుంది.

-Sameera