పింపుల్స్ ని సింపుల్ గా పోగొట్టుకోండి...!

పింపుల్స్ ని సింపుల్ గా  పోగొట్టుకోండి...!

 

 

ఒక్క మొటిమ ముఖంపై వచ్చిందంటే చాలు... ముద్ద దిగదు, నిద్ర పట్టదు. దాన్ని ఎలా తగ్గించాలా అని ఒకటే టెన్షన్. నిజానికంత బాధ పడక్కర్లేదు. ఈ సింపుల్ టిప్స్ పాటిస్తే పింపుల్స్ మాయమైపోతాయి.

* నువ్వుల్ని రాత్రంతా నీటిలో నాబెట్టి, ఉదయం మెత్తగా రుబ్బుకోవాలి. దీన్ని మొటిమలపై రాసి... ఆరిన తర్వాత కడిగేసుకోవాలి. రోజూ ఇలా చేయండి... సమస్య మటుమాయమైపోతుంది.

* లవంగాలను పాలతో కలిపి పేస్ట్ చేసుకోవాలి. ఈ పేస్ట్ ప్రతిరోజూ రాసుకుని, ఆరిన తర్వాత గోరువెచ్చని నీళ్లతో కడిగేసుకుంటూ ఉంటే మొటిమలు పోతాయి. ఇంతకుముందే మొటిమల వల్ల పడ్డ మచ్చలేవైనా ఉంటే అవీ పోతాయి.

* తేనె, నిమ్మరసం సమపాళ్లలో కలుపుకుని రాసుకున్నా ఫలితముంటుంది.

* బంగాళాదుంపకి మొటిమల్ని తగ్గించే శక్తి ఉంది. కాబట్టి తరచూ బంగాళాదుంప రసం రాసుకుంటే మంచిది. 

* పుదీనా, తులసి, వేప... ఈ మూడు ఆకులూ మొటిమలకు మంచి మందు. కాబట్టి వీటిలో ఏదో ఒక ఆకుని పేస్ట్ చేసి మొటిమలకు రాసుకుంటూ ఉండండి.

* పసుపులో నిమ్మరసం కలిపి రాసుకుని, ఆరిన తర్వాత చల్లని నీటితో కడిగేసుకోవాలి. క్రమం తప్పకుండా ఇలా చేయడం వల్ల మొటిమల బాధ తీరిపోతుంది.
 

-Sameera