మ‌హేష్‌ని కావాల‌ని తొక్కేశారా??
on Jun 1, 2016
.jpg)
బ్ర‌హ్మోత్స‌వం సినిమా ఫ్యాన్స్‌కి సైతం న‌చ్చ‌లేదు. ఇందులో విడ్డూరం ఏం లేదు. క‌థ, క‌థ‌నాలు, పాత్ర‌ల తీరు గాడి త‌ప్ప‌డంతో సినిమా ఫ‌ట్ మంది. ఈ విష‌యంలో చిత్ర‌బృందం కూడా ఏమీ బాధ‌ప‌డ‌డం లేదు. త‌ప్పు జ‌రిగిపోయిందని వాళ్ల‌కూ తెలుసు. కానీ జీర్ణించుకోలేక‌పోతున్న విష‌యం ఏమిటంటే.. ఈసినిమాపై పెరిగిపోయిన నెగిటీవ్ పబ్లిసిటీ. అస‌లు ఈ శ‌తాబ్దంలో ఇంతటి చెత్త సినిమా రాలేద‌న్న‌ట్టు ప్ర‌చారం చేశారంతా. ట్విట్ట‌ర్‌లోనూ, ఫేస్ బుక్‌లోనూ ఇదే జోరు. ఆఖ‌రికి ఓ ఇంగ్లీషు ప‌త్రిక బ్ర‌హ్మోత్స‌వాన్ని దుమ్మెత్తి పోసింది. ఈ సినిమాపై పుట్టిన పేర‌డీలూ, జోకులూ అన్నీ ఇన్నీ కావు. ఆఖ‌రికి మహేష్ బాబు డాన్స్ చేసిన విధానాన్ని కూడా వ‌ద‌ల్లేదు. ఆగ‌డులాంటి డిజాస‌ర్ట్ ఇచ్చినా...ఇంత ఘోర‌మైన నెగిటీవ్ పబ్లిసిటీ రాలేదు. దాంతో చిత్ర‌బృందం కూడా అస‌హానానికి గురైంది. ఈ సినిమా ఎందుకు ఫ్లాప్ అయ్యింది? అనేదానికంటే ఈ సినిమాపై ఇంత నెగిటీవ్ పబ్లిసిటీ ఎందుకొచ్చింది? అనేదానిపైనే తీవ్ర మధ‌నం జ‌రుపుతోంది చిత్ర‌బృందం.
చివ‌రికి ఇది కావాల‌ని చేసిన ప‌నే అని తేల్చింద‌ట. మహేష్ అంటే గిట్ట‌నివాళ్లే.. మీడియాలో నెగిటీవ్ ప్ర‌చారానికి ఉసిగొల్పింది.. అన్న విష‌యంపై బ్ర‌హ్మోత్స‌వం బృందానికి ఓ క్లారిటీ వ‌చ్చింది. కొంత‌మంది నాన్ మహేష్ ఫ్యాన్స్ ఈ సినిమాపై నెగిటీవ్ పబ్లిసిటీ ఓ ఉద్య‌మంలా నిర్వ‌హించార‌ని, కావాల‌ని ఈ సినిమాని తొక్కేశార‌ని బ్ర‌హ్మోత్స‌వం టీమ్ ఓ క్లారిటీకి వ‌చ్చింది. బ్ర‌హ్మోత్స‌వం సినిమా ఫ్లాప్ అయితే.. అదే స‌మ‌యంలో థియేట‌ర్లో ఆడుతున్న స‌రైనోడుకి ప్ల‌స్‌. కాబ‌ట్టి కొంత‌మంది బ‌న్నీ ఫ్యాన్స్ కూడా... నెగిటీవ్ ప‌బ్లిసిటీని ద‌గ్గ‌రుండి ప్రోత్స‌హించార్ట. ఆ ప్ర‌భావం సరైనోడు వ‌సూళ్ల‌పై చూపించింది కూడా. వ‌సూళ్లు డ్రాప్ అవుతున్న ద‌శ‌లో... బ్ర‌హ్మోత్స‌వం వ‌చ్చింది. మహేష్ సినిమా ఎప్పుడు ఫ్లాప్ అయ్యింద‌ని తెలిసిందో.. అప్పుడు సరైనోడు వ‌సూళ్లూ పెరిగాయి. అలా.. కావాల‌నే.. బ్ర‌హ్మోత్స‌వంని తొక్కేశార‌ని.. మహేష్ ఫ్యాన్స్ కూడా ఫీల‌వుతున్నారు.
Also You May Like
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
