క్రిస్మస్ కానుకగా "అధినాయకుడు" ఆడియో

on Dec 3, 2011

శ్రీ కీర్తి క్రియేషన్స్ పతాకంపై, యువరత్న నందమూరి బాలకృష్ణ త్రిపాత్రాభినయం చేస్తూండగా, పరుచూరి మురళి దర్శకత్వంలో, యమ్.యల్.కుమార్ చౌదరి నిర్మిస్తున్న చిత్రం"అధినాయకుడు". ఈ చిత్రానికి కళ్యాణి మాలిక్ సంగీతాన్నందిస్తున్నారు. ఈ చిత్రం ఆడియోని డిసెంబర్ 25 వ తేదీన, క్రిస్ మస్ పండగ కానుకగా విడుదల చేయాలని నిర్మాత సన్నాహాలు చేస్తున్నాట్లు సమాచారం.

ఈ చిత్రంలో నటసింహ బాలకృష్ణ తాతగా, తండ్రిగా, మనవడిగా మూడు విభిన్నమైన గెటప్పుల్లో, మూడు విభిన్నమైన పాత్రల్లో కనిపించనున్నారు. ఈ "అధినాయకుడు" చిత్రం 2012 జనవరి 12 వ తేదీన రానున్న సంక్రాంతి పండుగ కానుకగా ప్రేక్షకుల ముందుకు రానుంది.ఈ చిత్రంతో పాటు ఇంకా "నిప్పు, పంజా, బిజినెస్ మ్యాన్, రాజన్న, లవ్లీ, బాడీ గార్డ్" వంటి చిత్రాలు కూడా ఈ సంక్రాంతి రేస్ లో ఉన్నాయి.