నటి సనాఖాన్ దుర్మరణం
on Mar 8, 2014
పాకిస్తాన్ నటి సనా ఖాన్ ఘోర రోడ్డు ప్రమాదంలో మృతి చెందింది. పాకిస్తాన్ లోని హైదరాబాదుకు సమీపంలో ఈ సంఘటన జరిగింది. సనాఖాన్ భర్త బాబర్ కారు నడుపుతున్న సమయంలో, కారు అదుపు తప్పి బోల్తా కొట్టడంతో ఇద్దరికీ తీవ్ర గాయాలయ్యాయి. ప్రమాదం జరిగిన కాసేపటికే సనా మృతి చెందింది. తీవ్ర గాయాలతో ప్రమాద పరిస్థితిలో ఉన్న బాబర్ ను ఆసుపత్రికి తరలించారు. ప్రస్తుతం అతడి పరిస్థితి కూడా ప్రమాదకరంగానే ఉన్నట్లు వైద్యులు తెలిపారు. సనా పలు షోల ద్వారా మంచి పేరు సంపాదించుకుంది. ఈ సంఘటనకు సంబంధించిన మరిన్ని వివరాలు త్వరలోనే తెలియనున్నాయి.