ముగింపు దశలో హ్రితిక్ దాంపత్యం

on May 1, 2014

బాలీవుడ్ నటుడు హృతిక్ రోషన్ దంపతులు ఇటీవలే విడిపోయిన విషయం అందరికి తెలిసిందే. అయితే వీరు తాజాగా అధికారికంగా విడాకుల కోసం బాంద్రాలోని ఫ్యామిలీ కోర్టును ఆశ్రయించి తమ విడాకుల పత్రాలను దాఖలు చేసారు. కోర్టుకు వీరిద్దరూ వారి వారి లాయర్లతో వేర్వేరు కార్లలో వచ్చారు. ఇద్దరూ కూడా తమ ఇష్టపూర్వకంగానే విడాకులు తీసుకుంటున్నట్లు పేర్కొన్నారు. వీరి విడాకుల వ్యవహారంపై ఆరు నెలల్లోగా కోర్టు ఓ నిర్ణయం తీసుకోనుంది. అక్టోబర్ 31న తిరిగి వారు మళ్ళీ కోర్టుకు హాజరుకావలసి ఉంటుందని కోర్టు తెలిపిందట. వీరికి ఇద్దరు కుమారులున్నారు. అయితే కుమారులు ఎవరి చెంతకు వెళ్తారో అనే విషయం కోర్టు నిర్ణయించనుంది.