TeluguOne Services
Copyright © 2000 - , TeluguOne Sahityam - All rights reserved.
ఏది ఎటు
ఏది బలం ??
పిడికిలి బిగింపులోనా ...
పట్టు విడవటమా...!!
నీ విలువ ఎక్కడ ??
మాట వినిపించేటపుడా...
మౌనాన్ని భూషణంగా
ధరించేటపుడా...!!
నీ సంతోషం ఎక్కడ ??
నీకై నీవే అనే
నిజం తెలుసుకున్నప్పుడా ...
సంతోషపెట్టని ఆటంకపు
క్షణాలను వెంటాడి వెంటాడి
వేసారినను ముగుంపులేని
వెతుకులాటలలోనా ...??
ఎంత దూరం ??
ఎంతకాలం ??
ఎటువైపు ??
ఏమో
శూన్యానికి శూన్యానికి
మధ్య ఎంత విశ్వం
పరుచుకుందో...!!
నీకు నీవే అందనంతగా
ఎటో వైపు పరిగెడితే జ్ఞాపకాల
బరువును దింపుకోగలవా...!!
ఈ ముగింపు తెలియని
పయనం ఏ దిక్కుకో
ఎవరికి ఎరుక ...??
ర‌చ‌న: కవిత రాయల
క్రొత్త పాత కోరికల్ని కలబోసి మస్తిష్కపు బస్తాల్లో ఉబ్బేట్టుగా నింపి చిరుకోర్కెనైనా విడువనిష్టపడక బలమైన ఆశలబంధంతో కుట్లువేసి కాలం రథమ్మీద ప్రయాణిస్తూ శోభకృత్ పొలిమేర దాటుకుంటూ క్రోధి గ్రామం చేరుకుంటూ సగటు ఓటరు మహాశయులు!
Apr 8, 2024
శిశిరంలో చలిపులి గజదొంగగారు నిత్యంతనువంతా తీవ్రంగా తడిమేస్తూ సిరిసంపదలేం దోచుకోబోయారో దౌర్జన్యాల దాష్టికాలేంజేయబోయారో!
Apr 6, 2024
|
|