.webp)
ఓ బొజ్జ గణపయ్య
నీ భక్తులమ్మేమయ్య
చవితి చంద్రున్ని చూస్తిమేమోనయ్య
సతమతమవుతూ సాగుతుంటిమయ్య!
ఆ నీలాపనిందలతో
గిల్లికజ్జాలైతే
గింజల నింపుతున్న గోతాన్ని
ఎత్తికుదేసి నింపితే చక్కగా ఒదిగినట్లు
వదులుగానున్న బంధాలన్నీ
వదులుకోనంత బిగుసుకుంటయయ్య !
ఆ నీలాపనిందలతో
ఉప్పూనిప్పైతే
తిప్పలెక్కువయ్యి
తిక్కలెక్కువయ్యి
చక్కనయిన స్నేహాలెన్నో
అక్కరకురాని అనుబంధాలుగా
చెదురుమదురై చిట్లిపోతయయ్య !
ఆ నీలాపనిందలతో
కొరివీచమురైతే
అగ్గి ఆరిపోదదయ్య
అలవిగాదదయ్య
అణచ వీలుకాదదయ్య
అంతా ఆహుతేనయ్య!
ఆ నీలాపనిందలతో
శత్రుఘ్నుల శత్రుత్వమైతే
మిస్సైల్ల పలకరింపులైతే
డ్రోన్ల దాడుల దర్శనాలైతే
మానవత్వమే మృగ్యమయ్య
మనిషితనమే బ్రతకదయ్య
మనిషి మనుగడే ఉండదయ్య!
ఆ నీలాపనిందలు నిలువరించవయ్య
మిక్కిలి తక్కువతో తిప్పలు తప్పించవయ్య
విశ్వశాంతిని కాపాడవయ్య
దయతో శాంతిని ప్రసాదించవయ్య
ఓ విఘ్నేశ్వరా సర్వవిఘ్నోపశాంతయే
ఓం శాంతి! శాంతి! శాంతిః!
- రవి కిషోర్ పెంట్రాల
ఆహరం లేక, ఆక్సిజన్ అందక చనిపోయేవాళ్లు కొందరు.. ఆహరం, ఆక్సిజన్ తో వ్యాపారం చేస్తూ బ్రతికేవాళ్లు కొందరు...
Nov 29, 2025
బ్రతుకుబండిని గమ్యంవైపుకు నడిపిస్తూ విశ్రాంతి లేక వడలిపోయి కొందరు వారసత్వ సంక్రమణ ఆరోగ్య అవలక్షణాలు వృత్తి వ్యవహార ఒత్తిళ్ళతో నలిగి నీరసించి మరికొందరు!
Nov 4, 2025
అప్పుడప్పుడు అనిపిస్తుంటుంది కాల ప్రవాహాన్ని ఎదురీది గడచిన మజిలీలకు మళ్ళీ చేరాలని
Sep 12, 2025
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
మంచి నడతకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 27, 2025
హరిదాసు హరినామ సంకీర్తనలతో జంగమదేవర శంఖపు రవళులతో మా ఊరి ఆస్థాన విద్వాంసులు
Jan 12, 2025
 |