జయం జయం జయం
దశరథ రామ జయం
పితృవాక్యపరిపాలకా జయం
మాతృహృదయ పరితోషకా జయం
శత్రువర్గ సమ్మోహితా జయం
మిత్రదళ సర్వశ్రేస్ఠా జయం
నీ త్రోవలో నడయాడితే ఓ రామా
మాకిక జయమే జయమే జయమే!
వరం వరం వరం
కౌసల్య రామ వరం
మందహాసా వరం
మధురవచనా వరం
మనోహరుడా వరం
నీవంటి పుత్రిని
పొందగలిగితే ఓ రామా
మాకది వరమే వరమే వరమే!
ఫలం ఫలం ఫలం
వశిష్ఠ రామ ఫలం
శిష్యచూడామణీ ఫలం
భవ్య సుగుణాలగనీ ఫలం
నిత్య సన్మార్గవర్తీ ఫలం
నీ వినయ విధేయతలు
వీసమైనా వరిస్తే ఓ రామా
మా సుకర్మలన్నీ
సఫలమే సఫలమే సఫలమే!
శుభం శుభం శుభం
సీతారామ శుభం
ఆజానుబాహుడా శుభం
అరవిందాక్షుడా శుభం
ఆనందకారకుడా శుభం
నీ సౌశీల్య సౌందర్యాలు
సుంతైనా సొంతమైతే ఓ రామా
మాకంతా శుభమే శుభమే శుభమే!
విజయం విజయం విజయం
కోదండ రామ విజయం
గుణవంతుడా విజయం
రణతంత్రుడా విజయం
స్థితప్రజ్ఞుడా విజయం
నీ సందర్భ సహిత సంభాషణలు
అనుసరిస్తే ప్రయత్నమేదైనా ఓ రామా
సదా విజయమే విజయమే విజయమే!
-- రవి కిషోర్ పెంట్రాల
ఆహరం లేక, ఆక్సిజన్ అందక చనిపోయేవాళ్లు కొందరు.. ఆహరం, ఆక్సిజన్ తో వ్యాపారం చేస్తూ బ్రతికేవాళ్లు కొందరు...
Nov 29, 2025
బ్రతుకుబండిని గమ్యంవైపుకు నడిపిస్తూ విశ్రాంతి లేక వడలిపోయి కొందరు వారసత్వ సంక్రమణ ఆరోగ్య అవలక్షణాలు వృత్తి వ్యవహార ఒత్తిళ్ళతో నలిగి నీరసించి మరికొందరు!
Nov 4, 2025
అప్పుడప్పుడు అనిపిస్తుంటుంది కాల ప్రవాహాన్ని ఎదురీది గడచిన మజిలీలకు మళ్ళీ చేరాలని
Sep 12, 2025
ఓ బొజ్జ గణపయ్య నీ భక్తులమ్మేమయ్య చవితి చంద్రున్ని చూస్తిమేమోనయ్య సతమతమవుతూ సాగుతుంటిమయ్య!
Aug 26, 2025
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
మంచి నడతకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 27, 2025
హరిదాసు హరినామ సంకీర్తనలతో జంగమదేవర శంఖపు రవళులతో మా ఊరి ఆస్థాన విద్వాంసులు
Jan 12, 2025
 |