అంతరంగంతో పెన వేసుకొని
అలనాటి మా ఊరి జ్ఞాపకాలు
అందమైన హేమంత ప్రభాత వేళల్లో
అదిరించు చలిలో రగ్గుల నడకలు!
విశ్వంభర దేవి
రేతిరి మేని ముసుగు తీసి
తెలి మంచు వన్నెతో వెలుగొందుతున్న
సుప్రభాత వేళల్లో అలనాటి మా పల్లెల్లో!
మాస్టారి ప్రైవేటుకు రగ్గులతో
మా తోబుట్టువులతో వెడుతుంటే
మా మిత్రులు త్రోవలో రగ్గులతో
మా చుట్టూ ఎన్నో రగ్గుల నడకలు!
ఆలమందల ఆలనా పాలనలో కొన్ని
చేనుకి సాగుకై వెళుతూ కొన్ని
పాల కేంద్రమునకు లైనుకట్టి కొన్ని
చెరువు నీళ్లకు బిందెలతో మరికొన్ని!
రోళ్ళ దగ్గర దంచుతూ కొన్ని
చలిమంటల చెంతన కొన్ని
కల్లాపి చల్లుతూ కబుర్లతో కొన్ని
ముగ్గులేస్తూ ముచ్చట్లలో మరికొన్ని!
రచ్చబండన పొగలొదులుతూ కొన్ని
హరి నామ కీర్తనలతో కొన్ని
కాటి కాపరి వేషములతో కొన్ని
డూడూ బసవన్నలతో మరికొన్ని!
ఆకుపచ్చని పొలాలేమో
చిరు ముత్యపు తుషారపు రగ్గు కౌగిలిలో
ఉషోదయం సఖుని కొనిపోవునేమోనని
కించిత్ విరహ వేదనతో!
— రవి కిషోర్ పెంట్రాల
ఆహరం లేక, ఆక్సిజన్ అందక చనిపోయేవాళ్లు కొందరు.. ఆహరం, ఆక్సిజన్ తో వ్యాపారం చేస్తూ బ్రతికేవాళ్లు కొందరు...
Nov 29, 2025
బ్రతుకుబండిని గమ్యంవైపుకు నడిపిస్తూ విశ్రాంతి లేక వడలిపోయి కొందరు వారసత్వ సంక్రమణ ఆరోగ్య అవలక్షణాలు వృత్తి వ్యవహార ఒత్తిళ్ళతో నలిగి నీరసించి మరికొందరు!
Nov 4, 2025
అప్పుడప్పుడు అనిపిస్తుంటుంది కాల ప్రవాహాన్ని ఎదురీది గడచిన మజిలీలకు మళ్ళీ చేరాలని
Sep 12, 2025
ఓ బొజ్జ గణపయ్య నీ భక్తులమ్మేమయ్య చవితి చంద్రున్ని చూస్తిమేమోనయ్య సతమతమవుతూ సాగుతుంటిమయ్య!
Aug 26, 2025
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
మంచి నడతకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 27, 2025
హరిదాసు హరినామ సంకీర్తనలతో జంగమదేవర శంఖపు రవళులతో మా ఊరి ఆస్థాన విద్వాంసులు
Jan 12, 2025
 |