అనిశ్చితం
అనుభవం అంతమైపోతుంది
జ్ఞాపకం ఆవిరైపోతుంది
ఆఖరికి కాయం ఒక రోజు
చల్లబడిపోతుంది !!
వెనుకకి తిరిగి చూస్తే
నడచివచ్చిన గతపు రహదారి
మాయమై ఉంటుంది !!
అంతుచిక్కని మాయ
నీ కంటి చెమ్మతో కలిసి
సంద్రమై పొగ మంచులా
అందని ఆకాశంలోకి చేరి
చినుకులా కాలి క్రింది
నేలని తడిపేస్తూ ఉంటుంది !!
ఇక కాస్తోకూస్తో నువ్వు నమ్మగలిగేది
ఆచలమకు తడిసిన
ఆ నేలని మాత్రమే
అదీ మాయమైన రోజున
ఏది మిగులుతుందో జీవితానికి ??
నిన్ను నువ్వే నమ్మలేవు
నీతోనే నీకు రాద్ధాంతం
నువ్వెవరో నీకే తెలియదు
స్వల్పమైన ఎరుక గల
మరమనిషివి నీవు
నీవునికిని కూడా జ్ఞప్తికి రాదు
జీవితమొక అనిశ్చిత మేఘం !!
రచన: కవిత రాయల
మీ ఓట్ల కోసం వస్తున్నాం మీ ఓట్లతో రాజ్యాధికారంలోకి వస్తున్నాం. కంపెనీల పేరు చెప్పి మీ భూమిని లాగేస్తున్నాం అభివృద్ధి కావాలంటే? మీ భూములు మాకు ఇవ్వాలె ! ఉద్యోగాలు కావాలంటే? ఉన్నదంతా ఇచ్చేయాలి..!
Dec 17, 2025
ఆహరం లేక, ఆక్సిజన్ అందక చనిపోయేవాళ్లు కొందరు.. ఆహరం, ఆక్సిజన్ తో వ్యాపారం చేస్తూ బ్రతికేవాళ్లు కొందరు...
Nov 29, 2025
బ్రతుకుబండిని గమ్యంవైపుకు నడిపిస్తూ విశ్రాంతి లేక వడలిపోయి కొందరు వారసత్వ సంక్రమణ ఆరోగ్య అవలక్షణాలు వృత్తి వ్యవహార ఒత్తిళ్ళతో నలిగి నీరసించి మరికొందరు!
Nov 4, 2025
అప్పుడప్పుడు అనిపిస్తుంటుంది కాల ప్రవాహాన్ని ఎదురీది గడచిన మజిలీలకు మళ్ళీ చేరాలని
Sep 12, 2025
ఓ బొజ్జ గణపయ్య నీ భక్తులమ్మేమయ్య చవితి చంద్రున్ని చూస్తిమేమోనయ్య సతమతమవుతూ సాగుతుంటిమయ్య!
Aug 26, 2025
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
 |