అప్పుడప్పుడు అనిపిస్తుంటుంది
కాల ప్రవాహాన్ని ఎదురీది
గడచిన మజిలీలకు మళ్ళీ చేరాలని
మార్పు చేర్పులేవో చెయ్యాలని కాదుగానీ
ఇంకొన్నిసార్లా మధురిమల్ని ఆస్వాదించాలని!
మళ్ళీ బుజ్జాయినయిపోతే బాగుండని
ఉయ్యాలతొట్లో జాలిగా ఊగాలనో
గుర్రుపెట్టి నిద్దురోవాలనో కాదుగానీ
పాపాయిగా నేనుపెట్టే కేరింతలకు
అమ్మనవ్వే నవ్వులు ఇంకోసారి చూడాలనీ
తప్పటడుగులేస్తూ నాన్న వేలుపట్టుకొని
మరొక్కసారి తనతో నడవాలనీ!
పిల్లాడై బడికెళ్ళగలిగితే బాగుండని
బాధ్యతలు తప్పించుకోవాలని కాదుగానీ
బ్రతుకుసేద్యంలో చెట్టుకు పుట్టకొకరైన
అలనాటి ప్రియ మిత్రులతో
ఇంకాస్త ఎక్కవ సమయం గడపాలనీ!
తొలి కొలువు చేసిన నెలకి
తిరిగి వెళ్ళగలిగితే బాగుండని
తక్కువ పనులతో తిరగాలని కాదుగానీ
మొదటి జీతం తీసుకున్న ఆనందం
ఇంకొక్కసారి అనుభవంలోకి తెచ్చుకోవాలనీ!
కన్న పిల్లలు ఇంకొన్ని రోజులు
పసిపాపల్లా ఉండిపోతే బాగుండని
తొందరగా పెరిగేస్తున్నారని కాదుగానీ
బుడినడకల బుడతలైతే
మరికొన్నిరోజులు వాళ్ళతో ఆడుకోవచ్చనీ!
- రవి కిషోర్ పెంట్రాల
బ్రతుకుబండిని గమ్యంవైపుకు నడిపిస్తూ విశ్రాంతి లేక వడలిపోయి కొందరు వారసత్వ సంక్రమణ ఆరోగ్య అవలక్షణాలు వృత్తి వ్యవహార ఒత్తిళ్ళతో నలిగి నీరసించి మరికొందరు!
Nov 4, 2025
ఓ బొజ్జ గణపయ్య నీ భక్తులమ్మేమయ్య చవితి చంద్రున్ని చూస్తిమేమోనయ్య సతమతమవుతూ సాగుతుంటిమయ్య!
Aug 26, 2025
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
మంచి నడతకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 27, 2025
హరిదాసు హరినామ సంకీర్తనలతో జంగమదేవర శంఖపు రవళులతో మా ఊరి ఆస్థాన విద్వాంసులు
Jan 12, 2025
అమ్మడూ ఓయ్ వాట్సప్ మెసేజ్ అమ్మాయి అల్లుడూ పండక్కొస్తారంట బియ్యం పిండికి మిషనుకి పట్టకెళ్ళనా పట్నంనుండి స్వీట్స్ పట్టుకురానా! అహ్ ఏంటోనండి ఆరోజుల్లో అయితే...!
Jan 12, 2025
జీవన వాసంతంలో అరుదైన గమ్యందారిని రమ్యంగానే దొరకబుచ్చుకొని ప్రియంగానే ప్రయాణిస్తూ బాటసారి!
Nov 28, 2024
 |