విశ్వావసు ఉగాది
కృషీవలురకు శక్తినివ్వు
కలల వయసుకు నింగినివ్వు
బెరుకు సొగసుకు ధైర్యమివ్వు
గడుసు మొరటుని బెదరనివ్వు!
పెరుగు పైరుకు ఆయువవ్వు
పదును చేనుకు పంటనివ్వు
మకిలి మేనుకు బుద్ధినివ్వు
మంచి మనిషికి మేధనివ్వు!
తపనబ్రతుకుకు దారినివ్వు
ఒంటరి నడకకు తోడువవ్వు
బడుగు హెచ్చునకు నిచ్చెనవ్వు
తలచిన గమ్యం చేరనివ్వు!
ఎడదల కలతలని తరగనివ్వు
మనసుల మమతలని పెరగనివ్వు
మనముల వగపులని తొలగనివ్వు
మనుషుల సమతలని ఎదగనివ్వు!
ఆపన్నుల కన్నీటికి కట్టవవ్వు
సౌభాగ్యాల ఆనందపు సంద్రమవ్వు
ముంచుకొచ్చు ప్రళయాలే భస్మమవ్వు
సౌజన్యుల జీవితాలు ప్రదీప్తమవ్వు!
— రవి కిషొర్ పెంట్రాల
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
మంచి నడతకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 27, 2025
హరిదాసు హరినామ సంకీర్తనలతో జంగమదేవర శంఖపు రవళులతో మా ఊరి ఆస్థాన విద్వాంసులు
Jan 12, 2025
అమ్మడూ ఓయ్ వాట్సప్ మెసేజ్ అమ్మాయి అల్లుడూ పండక్కొస్తారంట బియ్యం పిండికి మిషనుకి పట్టకెళ్ళనా పట్నంనుండి స్వీట్స్ పట్టుకురానా! అహ్ ఏంటోనండి ఆరోజుల్లో అయితే...!
Jan 12, 2025
జీవన వాసంతంలో అరుదైన గమ్యందారిని రమ్యంగానే దొరకబుచ్చుకొని ప్రియంగానే ప్రయాణిస్తూ బాటసారి!
Nov 28, 2024
అఖిల తారలు నీ పదపద్మములనుజేరి అమితానురక్తితో కొల్చుటజూచి పూటపూటనా ఇలాగ మినుకుమినుకుమని మెరుస్తుంటి!
Nov 15, 2024
నిలువునా చీల్చిన పచ్చటి చెక్కలా ఆ రెండు మార్గాలు క్షమించండి.. నేను ఆ రెండు మార్గాల్లోనూ ప్రయాణించలేను ఒక్క మార్గంలోనే నేను నిరంతరం నిలబడే వున్నాను
Oct 11, 2024
ఫౌంటైన్‌లు నదిలో, నదులు సముద్రంలో కలిసిపోతాయి... గాలులు నిరంతరం ఒకదానితో మరొకటి కలసిపోతాయి... అది కూడా.. ఒక మధురమైన భావోద్వేగంతో...
Oct 7, 2024
ఈ జనం ఒంటరిగా బాధపడతారు అలా నేను అలసిపోయేలా చేస్తారు నీ ప్రేమ మత్తులో మునగాలని... ఒక వీరుడి బలాన్ని చేతులారా తాకాలని నేను ఆశించడం తప్పు కాదేమో..
Aug 7, 2024
 |