ఉగాది కొత్త పలుకు
ఉగాది
పాట రంజితమై
లోక శోభితమై
నేటి ఆమనిలో
పలుకు పావనివై
గాన కోకిలమ్మ!
వర్ణ సారూప్యాన
వెర్రి ఏకాక్షిలా
పిచ్చి ప్రేలాపనలు
పొల్లు భాషణములను
వల్లె వేయకుసుమీ!
మంచి చెడ్డలను
తప్పు ఒప్పులను
లోటు పాటులను
రాగద్వేషముల్లేకనే
శృతిలోనే ఆలపించుసుమీ!
ఆపన్నుల ఆక్రందనలు
అన్నార్తుల ఆకలికేకలు
రాబందుల రక్కసిచేష్టలు
జనగణములు తెలుసుకొనేట్టు
నలుదిక్కుల గళమెత్తుసుమీ
యుద్ధకాంక్షలు సన్నగిల్లగ
క్షామమన్నది సమీపించక
పిల్లపాపలు చల్లగుండగ
విశ్వశాంతికి అడుగువైపుకు
శాంతిగీతం పాడుముసుమ్మీ!
- రవి కిషోర్ పెంట్రాల
బ్రతుకుబండిని గమ్యంవైపుకు నడిపిస్తూ విశ్రాంతి లేక వడలిపోయి కొందరు వారసత్వ సంక్రమణ ఆరోగ్య అవలక్షణాలు వృత్తి వ్యవహార ఒత్తిళ్ళతో నలిగి నీరసించి మరికొందరు!
Nov 4, 2025
అప్పుడప్పుడు అనిపిస్తుంటుంది కాల ప్రవాహాన్ని ఎదురీది గడచిన మజిలీలకు మళ్ళీ చేరాలని
Sep 12, 2025
ఓ బొజ్జ గణపయ్య నీ భక్తులమ్మేమయ్య చవితి చంద్రున్ని చూస్తిమేమోనయ్య సతమతమవుతూ సాగుతుంటిమయ్య!
Aug 26, 2025
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
మంచి నడతకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 27, 2025
హరిదాసు హరినామ సంకీర్తనలతో జంగమదేవర శంఖపు రవళులతో మా ఊరి ఆస్థాన విద్వాంసులు
Jan 12, 2025
అమ్మడూ ఓయ్ వాట్సప్ మెసేజ్ అమ్మాయి అల్లుడూ పండక్కొస్తారంట బియ్యం పిండికి మిషనుకి పట్టకెళ్ళనా పట్నంనుండి స్వీట్స్ పట్టుకురానా! అహ్ ఏంటోనండి ఆరోజుల్లో అయితే...!
Jan 12, 2025
జీవన వాసంతంలో అరుదైన గమ్యందారిని రమ్యంగానే దొరకబుచ్చుకొని ప్రియంగానే ప్రయాణిస్తూ బాటసారి!
Nov 28, 2024
 |