తెలుగువ‌న్‌-అక్ష‌ర‌యాన్ సంయుక్తంగా నిర్వ‌హించిన ఉగాది క‌విత‌ల పోటీలో తృతీయ బ‌హుమ‌తి రూ. 1,116 పొందిన క‌విత
రేయి కప్పుకున్న
చీకటి దుప్పటిని చించి
పసిడి పూతను పూస్తున్నాడు సూర్యుడు
రాత్రంతా వెన్నెల ధారల్లో తడిసి
చిరు చలికి ముకుళించిన
పూమొగ్గలు ఉలిక్కిపడి మేల్కొని
అర్థనిమీలిత నేత్రాలతో
జగతిని చూస్తున్నాయి....!
గుక్కెడు నిశ్శబ్దం త్రాగి
నిశి గుండెల్లోనిదురించిన కమలం
ప్రొద్దున్నే గోరువెచ్చని కిరణాలతో
తానమాడి
కోనేటిని కమనీయ స్మృతులతో
పరిమళలభరితం చేసింది...!!!
భూమి బుగ్గల మీద
ఉషస్సు తమకంతో
చుంబనాల సంతకాలు చేస్తుంది..!
తూరుపు తెరల్లోంచి
తళుక్కుమన్న అరుణకాంతులు
నా హృదయ కాగితం మీద
కవితా చరణాలను రచిస్తున్నాయి...!
పన్నీటితో కడిగిన ఆ మధుర క్షణాలు
నేనెప్పుడో పారేసుకున్న ఆనందాన్ని
కనుల ముందు నిలుపుతున్నాయి...
మధుర భావాల సుమమాలలతో
నా కంఠసీమను అలంకరిస్తున్నాయి...!
ఒక్కో ప్రభాతకిరణం
తన సుతిమెత్తని వేళ్ళతో
నా మానస వీణను శృతి చేస్తూ...
కమ్మని రాగాల జల్లులతో
ఎదక్షేత్రాన్ని....
సస్యశ్యామలం చేస్తుంది....!
అంతా అనురాగ మయం
సమతా మమతల శుభోదయం...!!
ర‌చ‌న: కాసర లక్ష్మీ సరోజా రెడ్డి
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
మంచి నడతకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 27, 2025
హరిదాసు హరినామ సంకీర్తనలతో జంగమదేవర శంఖపు రవళులతో మా ఊరి ఆస్థాన విద్వాంసులు
Jan 12, 2025
అమ్మడూ ఓయ్ వాట్సప్ మెసేజ్ అమ్మాయి అల్లుడూ పండక్కొస్తారంట బియ్యం పిండికి మిషనుకి పట్టకెళ్ళనా పట్నంనుండి స్వీట్స్ పట్టుకురానా! అహ్ ఏంటోనండి ఆరోజుల్లో అయితే...!
Jan 12, 2025
జీవన వాసంతంలో అరుదైన గమ్యందారిని రమ్యంగానే దొరకబుచ్చుకొని ప్రియంగానే ప్రయాణిస్తూ బాటసారి!
Nov 28, 2024
అఖిల తారలు నీ పదపద్మములనుజేరి అమితానురక్తితో కొల్చుటజూచి పూటపూటనా ఇలాగ మినుకుమినుకుమని మెరుస్తుంటి!
Nov 15, 2024
నిలువునా చీల్చిన పచ్చటి చెక్కలా ఆ రెండు మార్గాలు క్షమించండి.. నేను ఆ రెండు మార్గాల్లోనూ ప్రయాణించలేను ఒక్క మార్గంలోనే నేను నిరంతరం నిలబడే వున్నాను
Oct 11, 2024
ఫౌంటైన్‌లు నదిలో, నదులు సముద్రంలో కలిసిపోతాయి... గాలులు నిరంతరం ఒకదానితో మరొకటి కలసిపోతాయి... అది కూడా.. ఒక మధురమైన భావోద్వేగంతో...
Oct 7, 2024
 |