ప్రముఖ కూచిపూడి నాట్యాచార్యులు.. పద్మశ్రీ వేదాంతం సత్యనారాయణశర్మ (78) కన్నుమూశారు. కొద్దిరోజులుగా అస్వస్థతతో బాధపడుతున్న ఆయన.. విజయవాడలోని ఓ ప్రైవేటు ఆసుపత్రిలో చికిత్స పొందుతూ తుది శ్వాస విడిచారు. కూచిపూడిలో అధికార లాంఛనాలతో ఆయన భౌతికకాయానికి అంత్యక్రియలు నిర్వహించారు.

అధికారులు, ప్రజా ప్రతినిధులు, కళాకారులు, కళాభిమానులు ఈ అంత్యక్రియలకు హాజరై అశ్రునివాళి అర్పించారు. మచిలీపట్నం నుంచివచ్చిన ప్రత్యేక పోలీసుబృందం గాలిలో మూడు రౌండ్లు కాల్పులు జరిపి గౌరవ వందనం చేసింది. సత్యనారాయణ శర్మకు భార్య, ఇద్దరు కుమార్తెలు, ఒక కుమారుడు ఉన్నారు.