శ్రీవారి సర్వదర్శనానికి 18 గంటల సమయం..!

కలియుగ ప్రత్యక్ష దైవమైన శ్రీ వేంకటేశ్వర స్వామిని దర్శించుకునేందుకు తిరుమలకు భక్తులు భారీ సంఖ్యలో తరలివస్తున్నారు. వరుస సెలవులు మరియు శనివారం కలిసిరావడంతో పుణ్యక్షేత్రం పూర్తిగా జనసంద్రంగా మారింది.

ప్రతి వారాంతంలో, ముఖ్యంగా శనివారం నాడు శ్రీవారిని దర్శించుకోవడం మహాభాగ్యంగా భావించే భక్తులు పెద్ద ఎత్తున కొండపైకి చేరుకుంటున్నారు. సాధారణంగా శుక్రవారం ప్రారంభమయ్యే ఈ రద్దీ సోమవారం వరకు కొనసాగుతుందని అధికారులు అంచనా వేస్తున్నారు.

భక్తుల రద్దీ విపరీతంగా పెరగడంతో తిరుమల తిరుపతి దేవస్థానం (టీటీడీ) యంత్రాంతం అప్రమత్తమైంది. సామాన్య భక్తులకు ఎలాంటి అసౌకర్యం కలగకుండా ప్రాధాన్యత కల్పించే ఉద్దేశంతో సిఫార్సు లేఖల స్వీకరణను ఇప్పటికే నిలిపివేశారు.

అంతేకాకుండా, రద్దీ నియంత్రణలో భాగంగా రాబోయే ఆదివారం నాడు వీఐపీ బ్రేక్ దర్శనాలను పూర్తిగా రద్దు చేస్తున్నట్లు టీటీడీ అధికారులు ప్రకటించారు. ఈ సమయంలో కేటాయించే కాలాన్ని పూర్తిగా సామాన్య భక్తుల సర్వదర్శనానికే కేటాయించనున్నట్లు వెల్లడించారు.

ప్రస్తుతం వైకుంఠం క్యూ కాంప్లెక్స్‌లోని 31 కంపార్ట్‌మెంట్లు పూర్తిగా భక్తులతో నిండిపోయాయి. టోకెన్లు లేని సర్వదర్శన భక్తులకు సుమారు 24 గంటల వరకు సమయం పడుతుండగా, ఉదయం 8 గంటల తర్వాత క్యూలోకి వెళ్లేవారికి దాదాపు 18 గంటలు పడుతోంది.

ఇక రూ.300 శీఘ్ర దర్శనానికి 3 నుంచి 5 గంటలు, టోకెన్లు పొందిన సర్వదర్శన భక్తులకు 5 నుంచి 7 గంటల సమయం పడుతోంది. గురువారం ఒక్కరోజే 72 వేలకు పైగా భక్తులు స్వామివారిని దర్శించుకోగా, భారీ సంఖ్యలో తలనీలాలు సమర్పించారు.

ఈ రద్దీకి తగినట్లుగా భారీగా లడ్డూల విక్రయాలు జరిగాయి. అలాగే లక్షలాది మందికి అన్నప్రసాద వితరణ చేపట్టారు. భక్తుల రద్దీని దృష్టిలో ఉంచుకుని క్యూలైన్లలో ఉన్నవారందరూ టీటీడీ సిబ్బందికి సహకరించాలని, ఎలాంటి ఆందోళనకు గురికాకుండా సంయమనంతో వ్యవహరించి స్వామివారిని దర్శించుకోవాలని అధికారులు విజ్ఞప్తి చేస్తున్నారు.

నిన్న శ్రీవారిని 72,408 మంది భక్తులు దర్శించుకున్నారు. నిన్న తలనీలాలు సమర్పించిన భక్తుల సంఖ్య 28,691 మందిగా పేర్కొన్నారు. నిన్న శ్రీవారి హుండీ ఆదాయం రూ.4.39 కోట్లు వచ్చిందని అధికారులు వెల్లడించారు.  300 రూ.. శీఘ్రదర్శనంకు 3 నుంచి 5 గంటల సమయం పడుతుంది. సర్వ దర్శనమ్ టోకెన్ పొందిన భక్తులకు 5 నుండి 7 గంటల సమయం పడుతుంది. నిన్న మొత్తం విక్రయించిన లడ్డూల సంఖ్య 4.58 లక్షలుగా ఉంది. నిన్న అన్నప్రసాదాలు స్వీకరించిన భక్తుల సంఖ్య 2.53 లక్షలుగా ఉందని అధికారులు తెలిపారు.

[ Tirumala Devotees, RushSarva Darshan 18 Hours,TTD Updates, TodayTirupati Balaji Darshan, Srivari Hundi Income, TTD VIP break darshan cancelled, Tirumala crowd status, Srivari darshan timings, TTD updates Tirumala Devotees, RushSarva Darshan 18 Hours,TTD Updates]