హైదరాబాద్‌లోని సైబరాబాద్‌ పరిధిలో గురువారం మధ్యాహ్నం నుంచి మోస్తరు నుంచి భారీ వర్షాలు కురిసే అవకా శం ఉందని వాతావరణ శాఖ హెచ్చరికల నేపథ్యంలో సైబరాబాద్‌ ట్రాఫిక్ పోలీసులు అప్రమత్తమయ్యారు. వర్షాల కారణంగా రోడ్లపై భారీగా ట్రాఫిక్‌ రద్దీ ఏర్పడే అవకాశం ఉండటంతో పాటు ప్రయాణికులకు ఇబ్బందులు, రహదారు లపై ఒత్తిడి పెరిగే అవకాశం ఉందని పోలీసులు పేర్కొన్నారు. ఈ నేపథ్యంలో సైబరాబాద్‌ పరిధిలోని అన్ని కంపెనీలు, సంస్థలకు పోలీసులు ప్రత్యేక ట్రాఫిక్‌ అడ్వైజరీ జారీ చేశారు. 

వీలైనంత వరకు ఉద్యోగు లకు వర్క్‌ ఫ్రం హోం (WFH) అవకాశం కల్పించాలని సూచిం చారు. అత్యవసరంగా కార్యాలయాలకు రావాల్సిన ఉద్యోగుల విషయంలో కూడా 30 జూలై 2026న మధ్యాహ్నం 2 గంటల నుంచి దశలవా రీగా ఎర్లీ లాగ్‌అవుట్‌ చేయాలని కంపెనీలను కోరారు. భారీ వర్షాల సమయంలో ఉద్యోగుల ప్రయాణాన్ని తగ్గించడం ద్వారా రోడ్లపై ట్రాఫిక్‌ రద్దీని నియంత్రించడంతో పాటు రహదారులపై ప్రమాదాలను తగ్గించవచ్చని పోలీసులు తెలిపారు. 

అదే సమయంలో అత్యవసర సేవలకు ఎలాంటి అంతరాయం కలగకుండా ట్రాఫిక్‌ నిర్వహణ చేపట్టేం దుకు ఈ చర్యలు తీసుకుంటున్నట్లు వెల్లడించారు. అలాగే ఆయా సంస్థలు తమ కార్యాలయ ప్రాంతం, ఉద్యోగులను ఎప్పుడు ఎర్లీ లాగ్‌అవుట్‌ చేయ నున్నారనే వివరాలను సైబరాబాద్‌ ట్రాఫిక్‌ పోలీసులకు ఈమెయిల్‌ ద్వారా తెలియజేయాలని సూచించారు. భారీ వర్షాల నేపథ్యంలో ప్రజలు అత్యవసరమైతే తప్ప ప్రయాణాలను వాయిదా వేసుకోవాలని, ట్రాఫిక్‌ పోలీసులు ఇచ్చే సూచనలను పాటించాలని అధికారులు కోరుతున్నారు.

 నగరంలో భారీ వర్షాల నేపథ్యంలో ప్రజలు అత్యంత అప్రమత్తంగా ఉండాలని హైదరాబాద్ పోలీసు కమిషనర్ వీసీ సజ్జనర్ సూచించారు. వాతావరణ శాఖ జారీ చేసే హెచ్చరికలను ఎప్పటికప్పుడు గమనిస్తూ.. వర్ష సూచనలకు అనుగుణంగా తమ రోజువారీ ప్రయాణాలను ముందుగానే ప్రణాళిక చేసుకోవాలని ప్రజలకు విజ్ఞప్తి చేశారు. గురువారం నగరంలోని పంజాగుట్ట, ఖైరతాబాద్ జంక్షన్లలో ట్రాఫిక్ పరిస్థితులను సీపీ వీసీ సజ్జనర్ స్వయంగా పరిశీలించారు. వర్షాల కారణంగా ట్రాఫిక్‌కు అంతరాయం కలగకుండా విధుల్లో ఉన్న పోలీసు అధికారులు, సిబ్బందికి పలు సూచనలు చేశారు. క్షేత్రస్థాయిలో ఎలాంటి ట్రాఫిక్ సమస్యలు తలెత్తకుండా పోలీసు సిబ్బంది నిరంతరం అందుబాటులో ఉండాలని ఆదేశించారు.

భారీ వర్షాల నేపథ్యంలో ప్రజలకు ఎలాంటి ఇబ్బందులు కలగకుండా పోలీసు శాఖ జీహెచ్‌ఎంసీతో పాటు ఇతర ప్రభుత్వ శాఖలతో సమన్వయంతో పనిచే స్తోందని సీపీ తెలిపారు. లోతట్టు ప్రాంతాలు, ఫ్లైఓవర్ల వద్ద భారీగా నీరు నిలిచే అవకాశం ఉన్నం దున వాహనదారులు వేగాన్ని తగ్గించి అత్యంత జాగ్రత్తగా ప్రయాణించా లని సూచించారు.వర్షం కురుస్తున్న సమయంలో తెరిచి ఉన్న మ్యాన్‌హోళ్లు, తెగిపోయిన విద్యుత్ తీగలు, విద్యుత్ స్తంభా లకు దూరంగా ఉండాలని ప్రజలను హెచ్చరించారు. 

మరో రెండు రోజుల పాటు భారీ వర్షాలు కురిసే అవకాశం ఉందని వాతా వరణ శాఖ హెచ్చరించిన నేపథ్యంలో.. అత్యవసర పరిస్థితులు ఉంటే తప్ప వర్షం సమయంలో ఇళ్ల నుంచి బయటకు రావద్దని సీపీ విజ్ఞప్తి చేశారు. అత్యవసర పరిస్థితుల్లో లేదా ట్రాఫిక్ సహాయం అవసరమైనప్పుడు డయల్ 100ను సంప్రదించాలని సీపీ సూచించారు. నగర ట్రాఫిక్ పోలీసులు సోషల్ మీడియా, ఇతర మాధ్య మాల ద్వారా ఎప్పటిక ప్పుడు విడుదల చేసే ట్రాఫిక్ అడ్వైజరీలను తప్పనిసరిగా పాటించా లని ప్రజలకు విజ్ఞప్తి చేశారు.భారీ వర్షాల సమయంలో అప్రమత్తంగా వ్యవహరిస్తూ.. పోలీసుల సూచనలు, ట్రాఫిక్ ఆంక్షలను పాటించి ప్రతి ఒక్కరూ సురక్షితంగా తమ గమ్యస్థానాలకు చేరుకో వాలని సీపీ వీసీ సజ్జనర్ కోరారు

Heavy rain alert in Hyderabad, IT companies, Telangana Rains, Telangana Weather Update, CP VC Sajjanar, GHMC, Cyberabad