ఆంధ్రప్రదేశ్ పరిశ్రమల శాఖ మంత్రి మేకపాటి గౌతమ్ రెడ్డి హఠాత్తుగా గుండెపోటుతో మరణించారు. ఇటీవలే దుబాయ్ వెళ్లి, ఆదివారం సాయంత్రం హైదరాబాద్ లోని తన ఇంటికి చేరుకున్నారు. అనంతరం ఆయన ఓ వివాహ రిషప్షన్ కార్యక్రమంలో కూడా పాల్గొన్నారు. సోమవారం ఉదయం  7:30 గంటలకు తన ఇంటిలోనే గౌతమ్ రెడ్డికి గుండె పొటు వచ్చింది. వెంటనే ఆయనను అపొలో ఆస్పత్రికి తీసుకెళ్లారు. అపోలో ఆస్పత్రిలో చికిత్స పొందుతూ గౌతమ్ రెడ్డి తుదిశ్వాస విడిచారు. గౌతమ్ రెడ్డిని ఆస్పత్రికి తీసువచ్చేటప్పటికే పరిస్థితి చేయి దాటిపోయిందని అపోలో వైద్యులు తెలిపారు.గౌతమ్ రెడ్డిని బ్రతికించేందుకు చివరి వరకు ప్రయత్నం చేశామని, అయిప్పటికీ లాభం లేకుండా పోయిందని వైద్యులు వెల్లడించారు.

 ప్రస్తుతం గౌతమ్ రెడ్డి కుటుంబ సభ్యులు హైదరాబాద్ చేరుకున్నారు. వారం రోజుల పాటు దుబాయ్ పర్యటన అనంతరం రేపు ముఖ్య మంత్రితో గౌతమ్ రెడ్డి సమావేశం కావలసి ఉంది. ఈ లోపే ఆయన మరణించడంతో ఆంధ్రప్రదేశ్ లో వైసీపీ శ్రేణుల్లో  తీవ్ర విషాద ఛాయలు అలముకున్నాయి. గౌతమ్ రెడ్డికి భార్య– శ్రీకీర్తి, కుమార్తె అన్యన్యరెడ్డి, కుమారుడు అర్జున్ రెడ్డి ఉన్నారు.

మేకపాటి గౌతమ్ రెడ్డి గత ఎన్నికల్లో నెల్లూరు జిల్లా ఆత్మకూరు నియోజకవర్గం నుంచి వైసీపీ ఎమ్మెల్యేగా ఎన్నికయ్యారు. మర్రిపాడు మండలం బ్రాహ్మణపల్లిలో 1971  నవంబర్ 2 న జన్మించారు. మాజీ ఎంపీ మేకపాటి రాజమోహన్ రెడ్డి, మణిమంజరి గౌతమ్ రెడ్డి తల్లిదండ్రులు. యూకేలోని మాంచెస్టర్ యూనివర్శిటీలో గౌతమ్ రెడ్డి ఎమ్మెస్సీ టెక్స్టైల్స్ చదివారు. కేఎంసీ సంస్థ మేనేజింగ్ డైరెక్టర్ గా గౌతమ్ రెడ్డి బాధ్యతలు నిర్వర్తిస్తున్నారు.

మేకపాటి రాజ మోహన్ రెడ్డి రాజకీయ వారసుడిగా 2014 లొ రాజకీయాల్లో కి 2014లొకి వచ్చిన గౌతమ్ రెడ్డి ఆత్మకూరు నియోజకవర్గం నుండి పోటీచేసి 30,191 ఓట్ల మెజారితో గెలిచారు. 2019 కూడా అక్కడ నుండి  రెండవసారి గెలిచి మంత్రి అయ్యారు. మొదటి నుండి కాంగ్రెస్ పార్టీలో ఉన్న మేకపాటి రాజమోహన్ రెడ్డి ఆ పార్టీకి రాజీజినామా చేసి వైసీపీలో చేరడానికి గౌతమ్ రెడ్డి కారణమయ్యారు. జగన్మోహన్ రెడ్డితో కలిసి చదువుకున్న గౌతమ్ రెడ్డి ఆయన స్నేహం కోసం వైసీపీలో చేరారు.

గౌతమ్ రెడ్డి స్వగ్రామం బ్రాహ్మణపల్లిలో మంగళవారం ఆయన అంత్య క్రియలు నిర్వహించేందుకు ఏర్పాట్లు చేస్తున్నారు. ఇప్పటికే బంధువులు హైదరాబాద్ అపొలో హాస్పిటల్ కు చేరుకున్నారు. రాష్ట్ర ప్రభుత్వం లాంఛనాలతో అంత్యక్రియలు నిర్వహించేసేందుకు అధికారులకు రాష్ట్ర ప్రభుత్వం ఆదేశాలు జారీచేసింది.

మేకపాటి గౌతమ్ రెడ్డి తండ్రి మేకపాటి రాజమోహన్రెడ్డి ఉదయగిరి, ఒంగోలు, నరసరావుపేట, నెల్లూరు పార్లమెంట్ స్థానాల నుంచి ఎంపీగా పనిచేశారు. మేకపాటి కుటుంబానికి జిల్లాలో రాజకీయంగా మంచిపట్టు ఉంది.