విశాఖపట్నం స్టీల్ ప్లాంట్ లో  మరో ప్రమాదం జరిగింది. సరిగ్గా మూడు రోజుల క్రితం జరిగిన భారీ ప్రమాదంలో 9 మంది కార్మికులు ప్రాణాలు కోల్పోయిన విషాదం  మరువక ముందే.. గురువారం (జూన్ 11) తెల్లవారుజామున  ప్లాంట్‌లో మరో ప్రమాదం చోటుచేసుకుంది.

విశాఖ స్టీల్ ప్లాంట్ లోని ఎస్‌ఎమ్‌ఎస్-1 విభాగంలోని ఆర్గాన్ రిన్సింగ్ స్టేషన్ వద్ద లాడిల్ నుండి ద్రవ ఉక్కు ఒక్కసారిగా లీకైంది. అయితే.. ఈ లీకేజీ జరిగిన సమయంలో అక్కడ కార్మికులు ఎవరూ లేకపోవడంతో    ప్రాణ నష్టం తప్పింది.

అయితే స్టీల్ ప్లాంట్ లో వరుస ప్రమాదాలు జరుగుతుడటం పట్ల కార్మికుల్లో తీవ్ర భయాందోళనలు వ్యక్తం అవుతున్నాయి. ప్రమాదాలు జరగకుండా పటిష్ట చర్యలు తీసుకోవాలని కార్మిక సంఘాలు కోరుతున్నాయి. కాగా ఈ తెల్లవారు జామున జరిగిన లీకేజీ ఘటనలో ఎటువంటి నష్టం సంభవించకపోవడంతో అంతా ఊపిరి పీల్చుకున్నారు.